Pangutana

● Nganong girekomendar nga ang mga magmamantala moalagad uban sa kongregasyon nga nagakobre sa teritoryo nga ilang gipuy-an?

Maoy importante nga ang mga butang buhaton diha sa mahapsay ug teokratikanhong paagi. Si Pablo misulat: “Buhata ang tanang butang sa kahapsay ug sa kahikayan.”​—1 Cor. 14:40.

Samtang adunay pipila ka eksepsiyon tungod sa mga kalisdanan sa transportasyon, mga eskedyol sa sekular nga trabaho, o panginahanglan sa mga magtatan-aw, sa kasagaran maoy mas maayong motambong sa kongregasyon kansang teritoryo anaa kita magpuyo. Kini magpahimo sa pag-alagad sa kanataran nga mas sayon kay dili na man kita mobiyaheng layo aron mosangyaw uban sa grupo. Magpahimo kining mas sayon sa pagsangyaw uban kanilang sa atong kongregasyon ug sa pagtultol sa mga interesado ngadto sa mga tigom nga labing duol kanila. Ug padayon nga masuod kita uban sa ubang mga igsoon nga silingan ra kanato kinsa makabulig kanato sa panahon sa panginahanglan.

Ato gayong likayan ang espiritu sa independensiya ug unahon ang intereses sa Gingharian. (Luc. 16:10) Sa dihang maporma ang bag-ong kongregasyon o gihikay pag-usab ang mga Pagtuon sa Libro sa Kongregasyon, mahimong pilion ta ang pagpabilin uban sa atong mga higala. Apan, sa pagdawat niining bag-ong kahikayan, kita makahimo man ug bag-ong mga higala. Usab maoy mas masayon alang sa mga ansiyano sa pagpasibsib sa panon sa dihang ang mga magmamantala nagapuyo sa teritoryo sa kongregasyon nga ilang gipakig-ubanan.