Mga Tigom sa Pag-alagad Alang sa Mayo
Semana sa Mayo 4-10
15 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Hisgoti usab ang “Tunghaan sa Ministeryo sa Gingharian Nagataganag Teokratikanhong Edukasyon.” Ang Magtatan-aw sa Pag-alagad moorganisar sa pagbalikduaw sa nanambong sa Memoryal kinsa wala pa karon magatuon.
15 min: “Imantala ang Maayong Balita Pinaagig Ang Bantayanang Torre.” Pangutanag tubag nga pagtagad sa artikulo. Ilakip ang mubong pasundayag nga nagapakita kon sa unsang paagi ang paggamit sa mga puntos sa panid 2 sa Ang Bantayanang Torre makatukod ug apresasyon sa suskrisyon diha sa hunahuna sa tagbalay.
15 min: Panaghisgot sa “Pagsimba sa Katigulangan” gikan sa librong Nangatarongan, mga panid 317-19 (pp. 29-32 sa Ingles). Samtang daghan ang makigbisog nga ang katigulangan wala simbaha sa kadaghanang tawo sa gitawag Kristohanong kayutaan, daghan ang gihimo sa modernong katilingban sa pagpasidungog sa mga minatay. Ang mga estatuwa ug mga dibuho nagapahinumdom sa mga iladong tawo. Ipaila ang pasundayag sa amahan nga nakigsulti sa batan-ong anak. Ang ginikanan migamit sa impormasyon sa librong Nangatarongan, panid 318 (p. 30 sa Ingles). Ipatugbaw ang materyal sa unang duha ka sub-ulohan sa pagpakita sa anak kon nganong adunay kapeligrohan ang pagtan-aw sa panghadlok (horror) nga mga pelikula nga nagpasiugdag espiritismo o ideya nga ang minatay mobalik aron kalagon ang mga buhi. Isaysay ang kahimtang sa minatay ug ang paglaom sa pagkabanhaw ug ipakita kon sa unsang paagi kini makaapektar sa atong panglantaw sa mga patay. Ang anak mipahayag ug tinguha nga molikay sa kalingawang nagapasiugdag espiritismo.
Awit 208 ug paniklop nga pag-ampo.
Semana sa Mayo 11-17
10 min: Lokal nga mga pahibalo. Hisgoti usab ang mga puntos sa “Pangutana.”
15 min: “Epektibong Unang mga Duaw.” Pangutanag tubag nga pagkobre. Human matagad ang parapo 4, ipasundayag kon sa unsang paagi ang magmamantala makatanyag ug makapasundayag ug pagtuon sa Bibliya pinaagig paggamit sa tract nga Kinabuhi sa Usa ka Malinawong Bag-ong Kalibotan.
20 min: Pagtanyag sa Ang Bantayanang Torre sa pamalaybalay. Takos nga magmamantala nakigsulti sa tagbalay, nga naggamit sa sinugyot nga presentasyon sa parapo 3 sa artikulong “Epektibong Unang mga Duaw.” Paghimog tukmang reperensiya sa maykalabotang puntos sa natumang tagna sa Bibliya diha sa Mayo 15, 1992, Bantayanang Torre. Maayohon ang tagbalay apan dili kaayo interesado. Ang magmamantala mitanyag niya sa mga magasin ug mipahayag sa tinguha nga mobalik ug makighisgot ug dugang. Miuyon ang tagbalay. Human sa demonstrasyon, ang tsirman mangutana sa magmamantala kon nganong wala niya itanyag ang suskrisyon. Ang magmamantala mibati nga diyutay ra ang interes ug basin mas haom nga motanyag ug suskrisyon sa sunod higayon kon maugmad na ang interes.
Awit 87 ug paniklop nga pag-ampo.
Semana sa Mayo 18-24
10 min: Lokal nga mga pahibalo ug taho sa kuwenta. Ihatag ang komendasyon sa mga amot nga nahimo ngadto sa Sosyedad ug sa kongregasyon.
15 min: Hisgoti ang materyal sa “Antikristo” sa librong Nangatarongan, mga panid 39-40 (32-3 sa Ingles). Unsa ang kahubitan sa “antikristo”? Usa ba lamang siya, o labaw pa? Kanus-a man mitungha ang antikristo, ug kinsa man ang mailhan nga ingon niana? Mubong demonstrasyon sa magmamantala nga miduaw sa manimbahay kinsa gipasidan-an bahin sa mga Saksi ni Jehova.
20 min: “Gamita ang Librong Nangatarongan sa mga Balikduaw.” Pangutanag tubag nga panaghisgot. Ipakita ang duha ka nabansay-kaayong pasundayag sa mga parapo 3 ug 4.
Awit 197 ug paniklop nga pag-ampo.
Semana sa Mayo 25-31
10 min: Lokal nga mga pahibalo. Teokratikanhong mga Balita.
20 min: Pagtanyag sa bag-ong libro, Ang Labing Bantogang Tawo nga Nabuhi Sukad. Ipresentar ang nabansay-kaayong pasundayag sa mosunod: Human ikapailang kaugalingon, ang magmamantala makaingon, “Kon kita mangutana kon kinsa ang bantogang tawo nga nabuhi sukad, madawat ta ang nagkadaiyang tubag. Sa tanang tawo sa kasaysayan nga gitawag bantogan, walay mausa nga nakaapektar ug maayo sa kinabuhi sa daghan sa katawhan sa ingon ka gamhanang paagi kay kang Jesu-Kristo. Ang iyang panig-ingnan maayo gayod natong sundon. Tan-awa kon unsay giingon sa iyang tinun-ang si Pedro bahin niya. [Basahang 1 Pedro 2:21.] Gipatin-aw mismo ni Jesus kon nganong hinungdanon nga mosugot ta niya. Ang matuod nga pagsimba sa Amahan maoy pinaagi lamang kang Jesus, ingon sa giingon niya sa Juan 14:6. [Basaha.] Unsa man ka dako ang nasayran ta bahin kang Jesus ingon nga tawo? Unsa may gitudlo niya? Giunsa man niya pagkinabuhi ug pagtratar sa uban? Kining libroha, Ang Labing Bantogang Tawo nga Nabuhi Sukad, motubag nianang mga pangutanaha ug sa daghan pa.” Ipakita ang mga dagkong puntos sa libro. Sa dihang ipakita sa tagbalay ang libro, ipunting ang duha ka kinutlo diha sa pasiuna, sama nianang kang H. G. Wells ug Napoleon. Ipasiugda ang daghang ekselenteng dekolor nga mga ilustrasyon, sama nianang anaa sa mga kapitulo 26 ug 44.
15 min: Hangyoang mga kasinatian niadtong nakaoksilyare payunir sa Abril ug Mayo. Unsang mga sakripisyo ang ilang nahimo, ug sa unsang paagi gibati nilang gipanalanginan ni Jehova ang ilang mga paningkamot? May bag-o bang mga pagtuon sa Bibliya nga nasugdan gumikan sa ilang gipauswag nga kalihokan sa maong bulan? Ang mga kasinatian kinahanglang hikayon nga abante. Dasiga ang tanan nga mamalandong sa oksilyare payuniring sa mga bulan sa unahan, o pagpalista gani ingong regular payunir kon itugot sa mga kahimtang.
Awit 93 ug paniklop nga pag-ampo.
Semana sa Hunyo 1-7
10 min: Lokal nga mga pahibalo.
25 min: “Gamitang Ang Labing Bantogang Tawo nga Nabuhi Sukad.” Dumalahon ingon nga panaghisgot uban sa pakig-ambit sa mamiminaw. Himoang duha ka pasundayag. Ang una kinahanglang mogamit sa sinugyot nga presentasyon nga makaplagan sa parapo 3. Ang ikaduha kinahanglang mopakita kon unsaon ang pagtuon sa Bibliya masugdan nga nagagamit sa maong bag-ong basahon.
10 min: Lokal nga mga panginahanglan o madasigong pakigpulong binase sa impormasyon sa Septiyembre 15, 1991, nga artikulo sa Bantayanang Torre “Mga Ilustrasyon—Usa ka Yawi sa Pag-abot sa mga Kasingkasing.” Isugyot ang mga ilustrasyon nga mohaom sa lokal nga teritoryo uban sa librong Labing Bantogang Tawo.
Awit 80 ug paniklop nga pag-ampo.