Mga Tigom sa Pag-alagad Alang sa Agosto
Semana sa Agosto 10-16
10 min: Tukmang Mga Pahibalo gikan sa Atong Ministeryo sa Gingharian ug lokal nga mga pahibalo. Usab, ipatugbaw ang duha ka tinong puntong igsusulti nga magamit sa dihang nagatanyag sa kinabag-ohang gula sa Ang Bantayanang Torre.
20 min: “Ipatugbaw ang mga Brosyur Aron Ipaambit ang Imong Paglaom sa Gingharian.” Pangutanag tubag nga panaghisgot; mga pasundayag. Pahibaloa ang kongregasyon bahin sa mga brosyur nga anaa sa panudlanan nga mabatonan, ug pangayog mga komento sa mamiminaw maylabot sa mga brosyur nga ilabinang nahiangay sa lokal nga teritoryo. Sa dihang tagdon ang parapo 9, ipasundayag kon sa unsang paagi ang haom nga brosyur ikatanyag diha sa usa ka impormal nga kahimtang sa usa ka silingan, sa kauban sa trabaho, o bisan diin. Segon sa itugot sa panahon, ipaasoy sa natudlo-daan nga mga magmamantala ang mga kasinatian nga ilang naagian sa paggamit sa mga brosyur. Sa pagkamainiton dasiga ang kaigsoonan nga bug-os makig-ambit sa pagtanyag sa mga brosyur sa Agosto.
15 min: Bug-os Panahong Pag-alagad—Usa ka Maayong Kahigayonan sa Paglakaw Uban sa Diyos. (Miq. 6:8) Usa ka takos nga ansiyano o ministeryal nga alagad, gipalabi kadtong anaa sa bug-os panahong pag-alagad, mohatag sa makapadasig nga pakigpulong bahin sa pagpayunir. Magamit ang kasinatian sa usa ka sister sa Italya diha sa artikulong “Akong Paninguha sa Pagkabituon Ingong Bailerina” sa Hunyo 22, 1992 nga Pagmata! aron pagdasig sa pagpayunir. Interbiyuha ang usa o duha ka payunir aron pagkuhag praktikal nga mga sugyot nga makabulig sa mga magmamantala sa kongregasyon nga ugdang maghunahuna mahitungod sa pagpayunir. Ang bag-ong tuig sa pag-alagad maoy maayong panahon sa pagsugod. Kadtong mosugod sa Septiyembre 1, 1992, takos nga makatambong sa Tunghaan sa Payunir nga Pag-alagad sa 1993.
Awit 165 ug paniklop nga pag-ampo.
Semana sa Agosto 17-23
10 min: Lokal nga mga pahibalo. Taho sa kuwenta. Teokratikanhong mga Balita. Pahinumdomi ang kongregasyon sa mga kahikayan sa pag-alagad sa kanataran.
20 min: “Paglambigit sa Atong Pasiuna Uban sa Basahon.” Mubong pakigpulong ug mga pasundayag. Hikaya nga ang batan-ong magmamantala mopasundayag sa Kasulatanhong presentasyon nga naggamit sa mga sugyot nga anaa sa parapo 2. Sa dihang ipaila ang Isaias 65:21-23, gamitang paagi nga gilaraw sa parapo 5. Ang laing magmamantala makapasundayag sa tanyag sa “Tan-awa!” nga brosyur, nga nagalakip sa mga sugyot sa mga parapo 3 ug 4. Sa duha ka kahimtang ang tsirman mopasiugda kon sa unsang paagi ang presentasyon gilambigit sa tanyag nga basahon. Sa usa ka pasundayag ipakita kon sa unsang paagi ang magmamantala mopadayon kon walay tinong interes nga gipakita sa tagbalay. Pahinumdomi ang kongregasyon nga mokuhag suplay sa mga brosyur ug mga magasin human sa tigom.
15 min: Mga Pangutana Bahin sa Armageddon. Pakigpulong nga nagkobre sa materyal gikan sa librong Nangatarongan, mga panid 51-5 (44-9 sa Ingles).
Awit 137 ug paniklop nga pag-ampo.
Semana sa Agosto 24-30
15 min: Lokal nga mga pahibalo. Hisgoti ang taho sa pag-alagad sa kanataran sa kongregasyon sa Hulyo, nga nagahatag ug komendasyon uban ang gikinahanglang pagdasig alang sa pag-uswag. Ipasiugda kon sa unsang paagi ang pagpamalandong sa tinuig nga teksto uban ang palibot nga mga teksto makabulig nato sa pagkaplag sa matuod nga kalipay samtang nakig-ambit ta sa pag-alagad sa kanataran ug nakig-uban sa kongregasyon. (Roma 12:9-16) Kon itugot sa panahon, isugyot ang usa o duha ka tukmang puntong igsusulti nga magamit sa pag-alagad sa kanataran niining hinapos sa semana.
15 min: “Ginatanyag Mo ba ang mga Pagtuon sa Bibliya?” Pangutanag tubag nga panaghisgot nga sundan sa piniling mga kasinatian nga nagapakita kon sa unsang paagi masugdan ang mga pagtuon sa Bibliya sa unang duaw o diha sa pagbalikduaw.
15 min: Lokal nga mga panginahanglan, o interbiyuha ang tulo o upat ka magmamantala kon unsa man ang nakapadani nila sa kamatuoran. Ikalakip ang bisan unsang mga kababagan nga gikinahanglan nilang buntogon.
Awit 184 ug paniklop nga pag-ampo.
Semana sa Agos. 31–Sep. 6
10 min: Lokal nga mga pahibalo. “Pangutana.” Ang magtatan-aw sa pag-alagad ikatudlo nga maoy modumala niining bahina.
20 min: “Ugmara ang Interes sa Mensahe sa Gingharian.” Human sa mubo nga pasiuna, ipasundayag ang pagbalikduaw sa (1) tawo nga midawat sa Kagamhanan nga brosyur, (2) tawo nga mipakitag interes apan wala modawat ug basahon, ug (3) tawo nga midawat sa “Tan-awa!” nga brosyur. Sa matag kahimtang ipahiluna ang pasukaranan sa sunod nga balikduaw.
15 min: Pakigpulong sa artikulong “Mga Batan-on Nangutana . . . Nganong Kinahanglan nga Ako Malahi?” diha sa Pagmata! sa Hunyo 8, 1992, mga panid 16-18. Ang mamumulong mopatumong gayod niini ilabina sa mga batan-on sa eskuwelahan, nga nagabulig kanila nga dili mopahiuyon sa tinguha nga mahimong popular sa mga kaeskuwela apan hinuon mopakita pinaagi sa ilang maayong panggawi kon sa unsang paagi ang tinuod nga Kristohanon magalihok, sa ingon makadani niadtong may tukmang kahimtang sa kasingkasing. Ipasiugda, hinunoa, nga ang mga prinsipyo nga nahisgotan mapadapat sa tanang mga Kristohanon, dili lamang sa mga batan-on.
Awit 157 ug paniklop nga pag-ampo.