Mga Tigom sa Pag-alagad Alang sa Septiyembre
Semana sa Septiyembre 7-13
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Hisgoti ang mga puntong igsusulti gikan sa kinabag-ohang mga magasin. Dasiga ang tanan nga makig-ambit sa pag-alagad sa kanataran niining hinapos sa semana.
20 min: “Epektibong Pagpamalaybalay.” Pangutanag tubag nga panaghisgot. Dasiga kadtong nagaoksilyare payunir sa Septiyembre, ug awhaga ang uban nga moduyog kanila sa Oktubre. Hisgoti nga kadtong nagaoksilyare payunir sagad nagahupot ug mas taas nga kahimtang sa kalihokan sa mosunod nga mga bulan ug mahimong labaw nga epektibo sa ilang mga presentasyon.
15 min: “Mga Pasiuna sa Paghaling sa Interes.” Pangutanag tubag nga pagtagad. Ipasundayag ang mga sugyot sa parapo 4 nga naggamit sa brosyur nga Kagamhanan ug sa parapo 5 nga naggamit sa brosyur nga Tagamtama ang Kinabuhi.
Awit 155 ug paniklop nga pag-ampo.
Semana sa Septiyembre 14-20
10 min: Lokal nga mga pahibalo. Lakip ang taho sa kuwenta ug mga balos-pasalamat sa donasyon. Dayega ang kongregasyon sa pagsuportar sa panalapi sa lokal nga kongregasyon, maingon man sa tibuok-kalibotang buluhaton sa Sosyedad.
20 min: Pag-ugmad sa Interes sa mga Balikduaw. Panaghisgot pinaagig magtatan-aw sa pag-alagad. Nakaplagan sa daghan nga makalilipay ang pagpakigsulti sa katawhan ug pagbilin ug basahon. (om p. 87-8) Ang atong kaakohan nagalakip sa pag-ugmad sa interes diha sa mga kasingkasing niadtong atong gikaestorya. Ipakita ang usa ka mubong pasundayag kon sa unsang paagi ang usa ka tract magamit sa pag-ugmad sa interes diha sa usa ka balikduaw nga walay basahon nga napahiluna sa unang higayon. Ipatugbaw lamang ang usa o duha ka punto. Ipresentar ang usa ka mubong pasundayag nga nagapakita kon sa unsang paagi ang impormasyon nga makaplagan diha sa indise sa librong Nangatarongan magamit usab. Ipasiugda ang mubo ug diretsong mga puntos nga anaa sa basahon nga magamit sa pag-ugmad ug interes sa Bibliya. Ipakita kon unsaon paghikay alang sa dugang mga duaw.
15 min: “Babilonya nga Bantogan.” Panaghisgot sa librong Nangatarongan, mga panid 60-64 (p. 49-53 sa Ingles). Pasundayag: Ang magmamantala nakighisgot sa pag-uswag sa estudyante sa Bibliya uban kaniya. Mipasiugda sa panginahanglan nga lantawon ni Jehova ingon nga balaan, takos sa Iyang pagbulig ug panalangin. (1 Ped. 1:15, 16) Ipasiugda ang kahinungdanon sa pagkalagiw karon sa Babilonya ug makig-uban sa balaang organisasyon ni Jehova. Ang tsirman mohinapos pinaagig pagdasig sa mga igsoon nga mogamit sa mga basahon sa pagtultol sa mga estudyante ngadto sa organisasyon ug mopahimulos sa tabang nga gitanyag sa mga ansiyano.
Awit 129 ug paniklop nga pag-ampo.
Semana sa Septiyembre 21-27
10 min: Lokal nga mga pahibalo. Teokratikanhong mga Balita. Idasig ang pagpakig-ambit sa hinapos sa semanang kalihokan sa kanataran, ug hisgoti ang pipila ka talagsaong igsusulting mga puntos sa kinabag-ohang mga magasin nga magamit sa pagpukaw sa interes niining hinapos sa semana.
20 min: “Paggamit sa Brosyur nga ‘Tan-awa!’ sa mga Balikduaw.” Sa mubo hisgoti ang mga puntos sa unang duha ka parapo. Dayon ipasundayag ang duha ka balikduaw nga naggamit sa mga sugyot nga gihatag sa mga parapo 3 ug 5, nga sa kada hugna motultol sa pagsugod ug usa ka pagtuon sa Bibliya.
15 min: Ang Imo Bang mga Kabataan Nakabaton sa mga Panghunahuna sa Diyos sa Ilang mga Kasingkasing Diha sa Tunghaan? Pakigpulong sa ansiyano. Kita nagakinabuhi sa usa ka kalibotan nga buot gayod nga mosulay sa pagpiit kanato ngadto sa iyang hulma. Ug kini ilabinang tinuod sa atong kabatan-onan. Ang mga ginikanan kinahanglang sensitibo sa ilang mga panginahanglan ug mga suliran. (Prov. 20:5) Itisok ang mga balaod sa Diyos ug ang gugma uban sa gugma sa mga ginikanan sa ilang mga kabataan. Pasundayag: Ang pamilya nagahisgot kon unsaon paggamit ang School nga brosyur. Ang usa ka bata anaa sa iyang unang tuig sa tunghaan, samtang ang laing duha ka bata nagaeskuwela sulod na sa pipila ka tuig. Pilia ang usa ka punto nga mapadapat sa mga kahimtang sa matag usa. Tugoting makapahayag ang mga bata sa ilang kaugalingon diha sa ilang kaugalingong mga pulong ngadto sa ilang ginikanan kinsa modala sa papel sa pagkamaestro. Paneguroang masabtan sa mga kabataan ang mga prinsipyong nalangkit ug makapahayag sa ilang kaugalingon diha sa ilang kaugalingong mga pulong, dili lamang kay moingon nga mao kini ang giingon sa ilang mga ginikanan. Ang igsoong lalaki nga nagadumala niining bahina modasig sa pagtuon sa Bibliya sa pamilya ug mopasiugda sa panginahanglan sa mga ginikanan nga mobaton ug usa ka suod, masandurotong relasyon uban sa ilang mga kabataan.
Awit 130 ug paniklop nga pag-ampo.
Semana sa Sep. 28–Okt. 4
5 min: Lokal nga mga pahibalo. Repasoha ang artikulong “Mga Tigdala sa Kahayag nga mga Kombensiyon” ug hisgoti kon haing kombensiyona ang kongregasyon gitudlo nga motambong.
15 min: “Ang Hagit sa Paghimog mga Balikduaw.” Mga pangutana ug mga tubag. Human matagad ang mga parapo 5 ug 6, ipakitang duha ka pasundayag. (1) Ipakita kon sa unsang paagi ang usa ka tract magamit sa pagsugod ug usa ka pagtuon sa Bibliya. (2) Pagpili ug usa ka ulohan gikan sa librong Nangatarongan ug ipakita kon sa unsang paagi kini magamit sa pagtubag sa usa ka pangutana diha sa usa ka balikduaw. Ipatugbaw ang bili sa mga sesyon sa pagbansaybansay. Idasig ang pagpaloap sa tanang interes.
10 min: Panaghisgot sa artikulong “Nahinumdom Ka Ba?” sa Abril 15, 1992, nga Bantayanang Torre. Dasiga ang tanan nga maghupot ug maayong eskedyol sa pagbasa sa mga magasin. Ihatag ang praktikal nga mga sugyot.
15 min: Ginahimo Mo Ba ang Espirituwal nga Pag-uswag? Panaghisgot pinaagig ansiyano. Sila ba diha sa kongregasyon nakakab-ot ug tinong mga tumong sulod sa miaging tuig sa pag-alagad? Kon wala, ngano? Isugyot ang posibleng mga tumong. Ang pag-uswag gikinahanglan aron mapanalipdan ang espirituwalidad. (Filip. 3:16) Mubong pasundayag sa usa ka pamilya, sa panahon sa pagtuon sa pamilya, nga nagarepaso sa ilang kaugalingong ministeryo aron pagtino kon diin sila makahimog espirituwal nga pag-uswag. Sa panapos ang ansiyano makarepaso sa mubo sa mga nahimo sa kongregasyon sa pag-alagad sa kanataran sa miaging tuig.
Awit 126 ug paniklop nga pag-ampo.