Mga Tigom sa Pag-alagad alang sa Pebrero
Semana sa Pebrero 8-14
15 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ilakip usab ang panaghisgot sa artikulo sa panid 3, “Mga Tigdala sa Kahayag sa Kasilinganan.”
20 min: “Ipaambit ang Tukmang Kahibalo sa Pebrero.” Mga pangutanag tubag. Ipasundayag ang paggamit sa bag-ong tract sa pagpaila sa tanyag sa librong Mabuhing Walay Kataposan, ingon sa gisugyot sa mga parapo 2 ug 3.
10 min: “Ang Abril ba Mahimong Espesyal nga Bulan Alang Kanimo?” Pakigpulong diha sa artikulo pinaagig magtatan-aw sa pag-alagad. Ipasiugdang pagtambong sa tigom sa Domingo, Pebrero 14 uban sa malaomang oksilyare nga mga payunir ug tukorang kadasig alang sa oksilyare payuniring sulod sa mosunod nga pipila ka bulan.
Awit 139 ug paniklop nga pag-ampo.
Semana sa Pebrero 15-21
10 min: Lokal nga mga pahibalo.
20 min: “Gamitang Maalamon ang Hinungdanong mga Himan.” Human sa mubong pasiuna sa tsirman, adunay duha ka pasundayag nga gipasukad sa materyal nga gilaraw sa mga parapo 2 ngadto sa 5. Sa kataposan sa unang pasundayag, ang magmamantala misaad nga mobalik aron sa pagtubag sa pangutanang, Nganong gitugotan sa Diyos ang pag-antos? Sa kataposan sa ikaduhang pasundayag, ang usa ka pagtuon sa Bibliya nasugdan uban sa usa ka tukmang tract.
15 min: Kon Nganong Kita Dili Magsaulog sa Adlawng Natawhan. Panaghisgot tali sa ansiyano ug sa ilo sa amahan nga ten-edyer nga lalaki nga maayog panig-ingnan. Ang batan-ong lalaki miduol sa ansiyano aron pagpangayo sa iyang tabang sa pag-atubang sa pagpit-os gikan sa iyang mga katalirongan nga motambong ug salosalo sa adlawng natawhan. Siya nasayod nga kana daotan apan buot nga makasaysay niana nga tin-aw ngadto sa uban. Ang ansiyano mirepaso uban sa batan-ong lalaki sa impormasyon diha sa mga panid 30-1 sa Septiyembre 1, 1992, nga Bantayanang Torre ug sa mga panid 29-31 (68-70 sa Ingles) sa librong Nangatarongan.
Awit 151 ug paniklop nga pag-ampo.
Semana sa Pebrero 22-28
10 min: Lokal nga mga pahibalo. Basahang taho sa kuwenta ug balos-pasalamat sa Sosyedad sa mga donasyon.
20 min: “Gamitang Librong Mabuhing Walay Kataposan sa mga Balikduaw.” Pangutanag tubag nga panaghisgot. Unya ipakitang duha ka pasundayag sa sinugyot nga mga presentasyon diha sa mga parapo 3 ngadto sa 5.
15 min: Kon Nganong ang mga Kristohanon Maglikay Gikan sa Dugo. Pakigpulong pinaagig ansiyano nga gipasukad sa kahubitan ug sa unang tulo ka sub-ulohan ubos sa “Dugo” diha sa librong Nangatarongan, mga panid 153-5 (70-2 sa Ingles).
Awit 177 ug paniklop nga pag-ampo.
Semana sa Marso 1-7
5 min: Lokal nga mga pahibalo.
15 min: Pagtanyag sa Librong Pinadayag sa Marso. Panaghisgot sa mga puntong igsusulti ug sinugyot nga mga presentasyon nga magamit diha sa pag-alagad sa kanataran. Makasugyot sa paggamit sa 2 Pedro 3:13 ug Pinadayag 21:4 uban sa ilustrasyon ug mga puntos sa mga panid 302 ug 303 sa librong Pinadayag. Ipapasundayag kini pinaagig takos nga payunir o magmamantala.
15 min: “Ikaw ba Makaalagad Kang Jehova Ingong Payunir?” Panaghisgot uban sa mamiminaw. Interbiyuha ang usa ka batan-on kinsa usa ka regular payunir o usa ka magmamantala nga nagpayunir ingong usa ka batan-on. Ipatugbaw kon sa unsang paagi ang mga ginikanan ug ang uban makadasig sa mga batan-on sa pagkab-ot sa ilang tumong sa pagpayunir. Pagplano karon nga makaoksilyare payunir sa Abril.
10 min: Pakigpulong nga nag-ulohag “Hupti ang Usa ka Balanseng Panglantaw sa Kalingawan,” nga gipasukad sa Nobyembre 8, 1992, nga Pagmata!, mga panid 3-10.
Awit 160 ug paniklop nga pag-ampo.