Mga Tigom sa Pag-alagad Alang sa Marso
Semana sa Marso 8-14
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ipaila ang tanyag sa magasin pinasukad sa kinabag-ohang mga gula.
15 min: “Pinadayag—Mga Misteryo Nabutyag.” Pangutanag tubag nga pagkobre sa artikulo.
20 min: “Pagtanyag sa Librong Pinadayag.” Hisgoti ang unang parapo sa mamiminaw, unya hikayang tulo ka presentasyon nga ipasundayag pinasukad sa mga sugyot diha sa mga parapo 2 hangtod sa 4.
Awit 215 ug paniklop nga pag-ampo.
Semana sa Marso 15-21
10 min: Lokal nga mga pahibalo. Hisgoti ang mga puntong igsusulti gikan sa kinabag-ohang mga magasin. Dasigang tanan nga makig-ambit sa pagsangyaw niining hinapos sa semana.
20 min: “Pagkooperar sa Atong Tagdumala sa Pagtuon sa Libro sa Kongregasyon.” Mga pangutanag tubag.
15 min: “Dili mga Tigbaligya sa Pulong sa Diyos.” Pakigpulong sa nagadumalang magtatan-aw o laing ansiyano nga gipasukad sa mga panid 26-9 sa Disyembre 1, 1992, Bantayanang Torre. Sa pagkamainiton dayega ang mga igsoon sa ilang pakigbahin sa pagsuportar sa tibuok kalibotang buluhaton sa Sosyedad maingon man usab diha sa lokal nga kongregasyon. Mahimong hisgotan usab kon unsay ginahimo sa kongregasyon sa pagsuportar sa Kingdom Hall Fund sa Sosyedad ug bisan unsang lokal nga proyekto sa pagpanukod nga mahimong nagapadayon pa sa pagkakaron.
Awit 53 ug paniklop nga pag-ampo.
Semana sa Marso 22-28
10 min: Lokal nga mga pahibalo. Taho sa kuwenta. Ipahayag ang mga ekspresiyon sa pagpabili alang sa mga donasyon nga napadala, ug dayega ang kongregasyon sa maunongong pagsuportar sa lokal nga panginahanglan sa kongregasyon. Pahinumdomi ang tanan sa espesyal nga pahayag publiko nga pagahimoon niining hinapos nga semana sa kadaghanang mga kongregasyon sa tibuok kalibotan.
20 min: “Pagtudlo . . . sa mga Butang nga Akong Gisugo Kaninyo.” Pangutanag tubag nga pagtagad uban sa mamiminaw. Sa dihang magahisgot sa mga parapo 4 ug 5, ihatag ang ubang mga sumbanang mga teksto ug mga basahon nga mohaom sa lokal nga mga kahimtang. Himoang usa ka naandam pag-ayong demonstrasyon nga nagapakita kon sa unsang paagi ang usa ka pagbalhin (transition) mahimo gikan sa inyong pasiunang panaghisgot ngadto sa usa sa mga tracts. Tagdang usa o duha ka parapo sa tract segon sa itugot sa panahon.
15 min: “Dugo,” librong Nangatarongan, mga panid 153-7 (pp. 72-4 sa Ingles). Gamitang usa ka esena sa pagbalikduaw diin ang tagbalay nagasuknag mga pangutana nga makita diha sa materyal nga nasulat diha sa dayag kaayong letra. Ang mga sanong sa magmamantala kinahanglang napasukad sa mga komento diha sa librong Nangatarongan.
Awit 181 ug paniklop nga pag-ampo.
Semana sa Marso 29–Abril 4
10 min: Lokal nga mga pahibalo. Dasigang tanan nga magbaton ug maayong pagsugod sa Abril pinaagig pakig-ambit sa pagsangyaw niining hinapos sa semana. Teokratikanhong mga Balita.
20 min: “Ang Imong Pagpabili sa Kamatayon ni Kristo.” Pakigpulong uban ang demonstrasyon. Human nga matagad ang parapo 6, ipasundayag kon sa unsang paagi ang magmamantala makadapit sa estudyante sa Bibliya ngadto sa Memoryal. Ipahibalo ang kataposang lokal nga mga kahikayan sa Memoryal.
15 min: “Pilia ang Tukmang mga Puntong Igsusulti.” Pangutanag tubag nga panaghisgot. Ang modumala niining bahina kinahanglang mohatag ug mga panig-ingnan kon unsaon pagpili ug tukmang mga artikulo sa magasin alang sa nagkalainlaing matang sa katawhan, nga nagagamit sa kinaulahiang mga gula sa Marso ug Abril nga mabatonan diha sa kongregasyon.
Awit 211 ug paniklop nga pag-ampo.