Mga Tigom sa Pag-alagad alang sa Abril
Semana sa Abril 5-11
10 min: Lokal nga mga pahibalo, Mga Pahibalo gikan sa Atong Ministeryo sa Gingharian, ug Teokratikanhong mga Balita.
20 min: “Iwali ang Paagi sa Diyos sa Kalinaw ug Kasegurohan.” Pangutanag tubag nga pagkobre sa artikulo. Human mahisgoti ang parapo 3, ipapasundayag sa nakaandam pag-ayong magmamantala kon sa unsang paagi ang usa ka pagtuon sa Bibliya masugdan nga nagagamit sa tract, Kini Bang Kalibotana Molungtad? Magmamantala: “Maayong buntag. Kami nagapakigsulti sa katawhan karon bahin sa kalidad sa kinabuhi. Natagbaw ka ba sa kon unsay imong naobserbahan sa mga kinabuhi sa katawhan karon?” Tagbalay: “Wala gayod.” Magmamantala: “Gihunahuna ba nimong mouswag kini?” Tagbalay: “Wala ko mahibalo.” Ang magmamantala motanyag sa tract ug moingon: “Ang pipila nagahunahunang ang nagakahitabo maoy katumanan sa tagna sa Bibliya ug nga ang kataposan sa kalibotan haduol na. Unsay imong hunahuna?” Tagbalay: “Wala ko mahibalo. Maorag kana posible.” Dayon ang magmamantala nagatumong sa tract ug nagasaysay nga ang kataposan sa kalibotan wala magapasabot sa kataposan sa literal nga mga langit ug yuta. Ang magmamantala nagahikay alang sa laing pagduaw aron pagtagad sa ebidensiya sa Bibliya nga ang kataposan haduol na.
15 min: “Tagika ang Makapalihok nga Pasiuna.” Pakigpulong uban sa duha o tulo ka pasundayag nga nagagamit sa mga artikulo diha sa Abril nga mga magasin.
Awit 114 ug paniklop nga pag-ampo.
Semana sa Abril 12-18
Song 128
5 min: Lokal nga mga pahibalo.
20 min: “Paggamit sa Tracts sa Pagpatunghag Makaayong mga Resulta”—Bahin 1. Pangutanag tubag nga pagtagad sa mga parapo 1-8 sa suplemento. Human sa parapo 5, ipasundayag ang paggamit sa tract nga Magkalipay sa Kinabuhing Pamilyahanon sa pagsugod sa panaghisgot. Human sa parapo 8, ipasundayag ang usa ka impormal nga pagpamatuod uban sa tract.
20 min: Pag-abag sa Atong mga Estudyante sa Bibliya. Panaghisgot sa mamiminaw nga nagapasiugda sa panginahanglan sa paghatag ug dugang pag-abag sa mga estudyante sa Bibliya nga labaw pa kay sa pagdumala lamang sa pagtuon. (1 Tes. 2:8) Paggugol ug dugang panahon sa pagpalihok sa tinguha sa pagtambong sa mga tigom. Tukorang apresasyon alang sa internasyonal nga panag-igsoonay pinaagig pagsaysay sa sirkitong mga asembliya, espesyal nga mga adlaw nga asembliya, ug distritong mga kombensiyon. Ipakita kon sa unsang paagi sa impormal ikapaambit sa uban kon unsay ilang nakat-onan. Ang mga estudyante sa Bibliya nga nakakab-ot sa mga kinahanglanon nga gilaraw sa mga panid 98 ug 99 sa librong Atong Ministeryo kinahanglang mabuligan nga mahimong di-bawtismadong mga magmamantala. Pasundayag: Ang magmamantala nagaabag sa estudyante sa Bibliya sa impormal nga pagpamatuod. Pagpilig punto nga magamit sa kanataran gikan sa librong Mabuhing Walay Kataposan ug moingon: “Maoy maayo ang pagpaambit nianang puntoha uban sa pipila nimo ka partidos o mga silingan. Mahimong hisgotan mo kanila nga ikaw nakakat-on gikan sa Bibliya ug butang nga wala nimo masayri kaniadto.” Dasigang mga magmamantala nga ipaabot ang mahigugmaong pag-amoma bisan human sa bawtismo.
Awit 123 ug paniklop nga pag-ampo.
Semana sa Abril 19-25
10 min: Lokal nga mga pahibalo, lakip ang taho sa kuwenta ug mga balos-pasalamat sa donasyon.
20 min: “Paggamit sa Tracts sa Pagpatunghag Makaayong mga Resulta”—Bahin 2. Pangutanag tubag nga panaghisgot sa mga parapo 9-16 sa suplemento. Human sa parapo 10, ipasundayag kon unsaon pagsugod ug pagtuon sa Bibliya uban sa tract. Human sa parapo 13, ipasundayag kon unsaon paggamit ang tract nga Kini Bang Kalibotana Molungtad? sa pagsugod ug usa ka pagtuon.
15 min: “Tukora ang Interes Pinaagig Epektibong mga Balikduaw.” Mubong pakigpulong nga sundan sa pasundayag sa panaghisgot nga gilaraw diha sa parapo 3.
Awit 32 ug paniklop nga pag-ampo.
Semana sa Abril 26–Mayo 2
10 min: Lokal nga mga pahibalo ug panaghisgot sa “Pangutana.”
20 min: Pag-atiman sa mga Tigulang. Panaghisgot ug mga interbiyu pinaagig duha ka igsoon. Sa “Mga Tigdala sa Kahayag” nga Distritong Kombensiyon, ang simposyum nga gipresentar sa Domingo sa buntag nagpatugbaw sa temang “Pag-atiman sa Usag Usa Diha sa Kristohanong Panimalay.” Ang panapos nga bahin nga “Pinaagig Pag-atiman sa mga Tigulang” nagpasiugda sa bililhong amot nga mahimo sa tigulang mga tawo ngadto sa pamilya ug sa kongregasyon. (Prov. 16:31) Sa unsang mga paagi nga makaabag ta sa mga tigulang? Ang pamilya ang adunay pangunang responsabilidad. (1 Tim. 5:3, 4, 8, 16) Ang pailob ug kaluoy gikinahanglan. Ang dagko nang mga anak ug mga apo may kahigayonan sa pagpakitag pagpabili sa mga katuigan sa gugma, trabaho, ug pag-atiman nga gitagana sa mga ginikanan ug mga apohan sa nangagi. (bt87 6/1 13-18) Ang kongregasyon makaabag usab sa mga tigulang. Dapita sila sa mga pagpangaon ug mga tapoktapok. (Roma 12:13) Abagi sila diha sa pag-alagad sa ministeryo. Itagana ang sakyanan ngadto sa mga tigom ug mga asembliya. Buligi sila sa pagpamalit ug pag-atiman sa ilang mga balay. (bt87 6/1 4-7) Kanunayng ipakita ang pagtahod ngadto sa tigulang mga tawo. (1 Tim. 5:1, 2) Interbiyuha ang usa o duha ka tigulang nga may maayong panig-ingnan.
15 min: Ang ansiyano mointerbiyu sa tulo o upat ka magmamantala nga nag-oksilyare payunir sa Abril ug nagaplano nga mopadayon ngadto sa Mayo. Unsa may nakapalihok nila sa pagpayunir? Unsay mga resulta nga ilang nabatonan sa Abril? Sa unsang paagi ang pag-oksilyare payunir nakatabang kanila sa personal? Nganong nagaplano man sila nga mopadayon sa pagpayunir sa Mayo? Dasigang tanan nga makaoksilyare payunir niining bulana, ilabina nga kini may lima ka Sabado ug lima ka Domingo.
Awit 172 ug paniklop nga pag-ampo.
Semana sa Mayo 3-9
10 min: Lokal nga mga pahibalo.
20 min: “Dumalaha ang mga Pagtuon sa Bibliya sa Librong Mabuhing Walay Kataposan.” Pangutanag tubag nga panaghisgot. Human sa pagtagad sa parapo 6, ipasundayag kon sa unsang paagi ang usa ka batan-on makatanyag ug makasugod ug pagtuon sa Bibliya nga nagagamit sa librong Mabuhing Walay Kataposan.
15 min: “Ang Diyos Mao ang Nagpatubo—Gibuhat ba Nimo ang Imong Bahin?” Pakigpulong nga binase diha sa artikulo sa Marso 1, 1993 nga Bantayanang Torre, mga panid 20-3.
Awit 87 ug paniklop nga pag-ampo.