Mga Tigom sa Pag-alagad Alang sa Enero
Semana sa Enero 3-9
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian.
20 min: “Tabangi ang Uban sa Pagkat-on Maylabot sa Anak sa Diyos, si Jesu-Kristo.” Pangutanag tubag nga pagkobre. Ipasundayag ang mga presentasyon sa parapo 2 (pinaagig hanas nga magmamantala) ug parapo 4 (pinaagig mas batan-ong magmamantala).
15 min: “Paggahin ug Panahon Alang sa Buluhatong Magasin.” Pakigpulong, uban ang panaghisgot sa mamiminaw. Sa dihang nagatagad sa parapo 3, iilustrar kon sa unsang paagi ang nagakadaiyang mga artikulo sa kinabag-ohang mga magasin ikapresentar ngadto sa lainlaing matang sa katawhan nga ikahibalag sa lokal nga ministeryo.
Awit 169 ug paniklop nga pag-ampo.
Semana sa Enero 10-16
10 min: Lokal nga mga pahibalo. Usab, ilakip ang madasigong pakigpulong diha sa artikulong “Ministeryal Pagbansay nga Tunghaan.”
15 min: Andam Ka ba sa Pagsagubang sa Nagahagit-Pagtuo nga Kahimtang sa Pagpatambal? Makapalihok nga pakigpulong pinaagig takos nga ansiyano sa pagtabang sa mga igsoon sa pag-apresyar sa bili sa Advance Medical Directive/Release nga kard, nga nagagamit sa mga puntos gikan sa mga parapo 1-3 sa Pebrero 1991 nga suplemento sa Atong Ministeryo sa Gingharian. Namatikdan nga daghang kard ang wala mapirmahi, walay testigos ug daan na. Iapod-apod ang bag-ong mga kard ngadto lamang sa bawtismadong mga magmamantala, unya tagda ang Nobyembre 1, 1991, nga sulat-direksiyon sa pagpil-ap sa mga kard. Ipahibalo sa mga igsoon nga DILI pil-apan ang mga kard karong gabhiona apan dalhon kana sa balay ug pil-apan kana didto. Apan AYAWG PIRMAHI ang kard nianang higayona. Dalha ang napil-apan na nga kard sa sunod nga Pagtuon sa Libro sa Kongregasyon, diin ang mga ansiyano moabag sa pagtino nga ang mga kard napirmahan, natestigosan, ug napetsahan. Ang tagdumala sa Pagtuon sa Libro sa Kongregasyon magatino nga ang tanan sa iyang grupo nahatagan gayod ug pagtagad. (Ang bawtismadong mga ginikanan matabangan sa pagpil-ap sa Identity Cards alang sa ilang mga anak.)
20 min: “Pagsugod ug mga Pagtuon sa Bibliya sa Enero.” Pangutanag tubag nga pagkobre. Sa dihang nagatagad sa parapo 4, ipasundayag kon unsaon pagsugod ug pagtuon sa Bibliya diha sa usa ka balikduaw.
Awit 154 ug paniklop nga pag-ampo.
Semana sa Enero 17-23
10 min: Lokal nga mga pahibalo ug taho sa kuwenta. Ilakip ang balos-pasalamat sa mga donasyon. Pahinumdomi ang bisan kinsa nga wala pa makakompleto sa ilang Advance Medical Directive/Release nga kard sa paghimo niana karong gabhiona pinaagig pagduol sa ilang tagdumala sa Pagtuon sa Libro sa Kongregasyon o usa sa ubang ansiyano.
15 min: “Abota ang Kasingkasing sa Imong Gitun-an sa Bibliya.” Pangutanag tubag uban sa pasundayag. Human matagad ang parapo 3, ang magmamantala magapasundayag kon unsaon pagpangatarongan uban sa gitun-an sa Bibliya pinaagig paggamit sa mga pangutana ug mga kasulatan diha sa mga parapo 13 ug 14 sa kapitulo 1 sa librong Mabuhing Walay Kataposan.
20 min: “Mga Batan-on—Lipaya ang Kasingkasing ni Jehova.” Ansiyano magahisgot uban sa duha o tulo ka batan-ong bawtismadong magmamantala sa mga parapo 1-18. Ipasiugda ang bili sa “Mga Batan-on Nangutana . . . ” nga mga artikulo. Tagda ang mga kasulatan segon sa itugon sa panahon.
Awit 80 ug paniklop nga pag-ampo.
Semana sa Enero 24-30
10 min: Lokal nga mga pahibalo ug Teokratikanhong mga Balita.
20 min: “Mga Batan-on—Lipaya ang Kasingkasing ni Jehova.” Pangutanag tubag nga pagtagad sa mga parapo 19-33 sa suplemento. Interbiyuha ang usa o duha ka batan-ong magmamantala. Kuhaa ang mga komento kon sa unsang paagi ang kongregasyon matinabangon sa ilang espirituwal nga kaugmaran.
15 min: Kalihokan sa Kanataran sa Kongregasyon. Ang magtatan-aw sa pag-alagad ug ang laing ansiyano magrepaso sa kalihokan sa kongregasyon sa miaging upat ka bulan. Ang ikatulo ka bahin sa tuig sa pag-alagad miagi na (Septiyembre-Disyembre). Unsa man ang nahimo sa kongregasyon? Ihatag ang sinserong komendasyon kon diin nagabuhat ug maayo ang kongregasyon. Usab hisgoti ang mga puntos nga mapauswag pa sa kongregasyon ug ihatag ang mapuslanong mga sugyot. Tiklopi diha sa positibo, makapalig-ong komento. Ang kalipay ni Jesus nagsumikad sa pagtuman sa iyang ministeryo. Kita usab makakaplag ug dakong kalipay sa pagpabiling puliki sa buluhaton nga gihatag ni Jehova kanato.—Juan 4:34; 1 Cor. 15:58.
Awit 179 ug paniklop nga pag-ampo.
Semana sa Ene. 31–Peb. 6
5 min: Lokal nga mga pahibalo. Dasiga ang tanan nga makasayo pagsugod sa pag-alagad sa kanataran pinaagig pagpakig-ambit niining hinapos sa semana.
15 min: Itanyag ang Ikaw Mabuhing Walay Kataposan sa Paraiso sa Yuta sa Balaybalay. Madasigon mubong pakigpulong bahin sa napamatud-ang bili sa libro sa pagtabang sa katawhan sa pagkaila ug pagsimba kang Jehova. Ipasundayag kon sa unsang paagi ang magmamantala mahimong makatanyag niini diha sa pagsangyaw niining hinapos sa semana.
15 min: Ang Paggamit sa Pamilya sa Bag-ong Yearbook. Ang ulo sa pamilya nagapanguna sa panimalay sa makapadasig nga pagrepaso sa pasiunang materyal sa unang pipila ka panid sa 1994 Yearbook. (Kon ang bag-ong Yearbook dili pa mabatonan, gamita ang sa miaging tuig alang niining maong panaghisgot.) Tiklopi pinaagig paglaraw sa mga kahikayan alang sa pamilya sa pagbasa ug pipila ka panid sa Yearbook kada semana.
10 min: Lokal nga mga panginahanglan. O pakigpulong usa ka ansiyano sa “Pagbaton ug Hustong Panglantaw sa Kaluoy sa Diyos,” pinasukad sa Ang Bantayanang Torre, Oktubre 1, 1993, mga panid 22-5.
Awit 188 ug paniklop nga pag-ampo.