Mga Tigom sa Pag-alagad Alang sa Marso
Semana sa Marso 6-12
13 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Hisgoti ang Pangutana.
15 min: “Daghan ang Ginahatag—Daghan ang Pugsanong Ginapangayo.” Pangutanag tubag. Dasigang matag usa sa paghunahuna sa pagpalista ingong oksilyare payunir sa Abril.
17 min: “Pagmantala ‘sa mga Pulong sa Tagna.’” Repasohang dagkong mga puntos. Dapitang mamiminaw sa pag-asoy sa mga kasinatian nga napahimuslan sa paggamit o pagpahiluna sa librong Pinadayag. Dasigang tanan nga magmapositibo sa pagtanyag sa libro, tungod kay kini nagahisgot sa kinabag-ohang mga hitabo nga nakapabalaka sa tanan. Ipapasundayag ang usa o duha ka presentasyon.
Awit 31 ug paniklop nga pag-ampo.
Semana sa Marso 13-19
10 min: Lokal nga mga pahibalo. Taho sa kuwenta.
20 min: “Nunot-Panahong Kingdom News Ipanghatag sa Tibuok Kalibotan.” Pakigpulong pinaagig ansiyano. Ipasiugda ang kahinungdanon niining umaabot nga espesyal nga kalihokan sa Abril ug Mayo. Dasigang tanan, lakip ang mga bag-ohan, sa pagplano alang sa bug-os nga pakig-ambit. Ang tanang bawtismado ginadasig sa pag-oksilyare payunir kon makahimo sila.
15 min: “Nakakat-on Ka ba Gikan sa Atong Dakong Instruktor?” Pakigpulong nga gibase sa artikulo sa Bantayanang Torre sa Septiyembre 15, 1994, mga panid 27-30. Ipadapat ang materyal sa lokal nga panginahanglan.
Awit 36 ug paniklop nga pag-ampo.
Semana sa Marso 20-26
15 min: Lokal nga mga pahibalo. Ipasundayag ang paggamit sa pamilya sa 1995 Yearbook. Ang grupo sa pamilya nagapahayag ug pagpabili sa libro; ang amahan mubong nagarepaso sa dagkong mga puntos sa pasiunang materyal sa mga panid 3-11. Ilang hisgotan kon sa unsang paagi ilang sulayan sa pagbasa sa tingob ang pipila ka panid sa Yearbook matag semana ug magseguro nga sa kada adlaw ilang ginatagad ang gipailang teksto sa Pagsusi sa Kasulatan sa Adlaw-adlaw.
15 min: Lokal nga panginahanglan o ihatag ang usa ka pakigpulong sa artikulong: “Nganong Maghisgot Bahin sa Diyos?” sa Septiyembre 22, 1994, nga Pagmata!, mga panid 13-15.
15 min: “Tabangi ang Uban sa ‘Pagsunod sa mga Butang nga Nahisulat.’” Repasoha ang pangunang mga puntos, ug dayon ipasundayag ang usa o duha ka presentasyon.
Awit 52 ug paniklop nga pag-ampo.
Semana sa Marso 27–Abril 2
5 min: Lokal nga mga pahibalo.
15 min: “Ang Labing Hinungdanong Hitabo sa Tawhanong Kasaysayan.” Hisgoti uban sa mamiminaw. Repasoha ang lokal nga mga kahikayan sa Memoryal. Isaysay kon nganong kinahanglang dapiton ang mga interesado ug tabangan sila nga makatambong.
15 min: “Pagtagbaw sa Usa ka Pasukaranang Panginahanglan sa Tawo Pinaagi sa Pag-ila.” Pakigpulong nga gipasukad sa artikulo sa Bantayanang Torre sa Disyembre 1, 1994, mga panid 28-30.
10 min: Pagtanyag sa suskrisyon sa Ang Bantayanang Torre ug Pagmata! sa Abril. Daghang suskrisyon ang makuha sa mga balikduaw ug mga pagtuon sa Bibliya. Repasoha ang mosunod nga mga sugyot sa pagtanyag ug mga suskrisyon sa pamalaybalay: Batoni ang mahigalaong pahiyom. Magmainiton. Hinaya ang pagsulti. Hisgoti ang usa lamang ka artikulo sa usa ka magasin. Itunol ang mga magasin ngadto sa tagbalay. Isaysay nga mabatonan nila ang matag gula nga moabot sa ilang panimalay pinaagig koreyo sa diyutayng amot. Kon dili nila gustong mosuskriber, itanyag ang kinabag-ohang mga magasin ug ingna sila nga ikaw mobalik uban ang sunod nga mga gula. Himoang positibong paniklop kon gibalibaran ang mga magasin. Hupti ang usa ka talaan sa tanang interes ug mga napahimutang. Sa konklusiyon, ipasundayag ang usa o duha ka mubong presentasyon nga nagagamit sa kinabag-ohang mga gula sa mga magasin.
Awit 176 ug paniklop nga pag-ampo.