Mga Pahibalo
◼ Tanyag nga basahon sa Marso: Pinadayag—Hingpit nga Sangkoanan Niini Haduol Na! sa ₱60.00. Abril ug Mayo: Usa ka tuig nga suskrisyon sa Ang Bantayanang Torre sa ₱80.00. Hunyo: Life—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00 o, Ang Bibliya—Pulong sa Diyos o sa Tawo? mahimong itanyag ingong kapuli sa ₱20.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Order Form (S-AB-14).
◼ Sugod sa Abril, ang mga magtatan-aw sa sirkito magahatag sa pahayag publiko nga nag-ulohag “Kon Nganong Modangop Kang Jehova” sa dihang nagaduaw sa mga kongregasyon.
◼ Ang nagadumalang magtatan-aw o usa nga iyang gitudlo kinahanglang magaawdit sa kuwenta sa kongregasyon sa Marso 1 o dihadiha human niana. Ipahibalo sa kongregasyon kon kini nahimo na.
◼ Kadtong nagaplano nga mag-oksilyare payunir sa Abril ug Mayo angayng motunol na sa ilang mga aplikasyon nga sayo pa ngadto sa komite sa pag-alagad. Kini makatabang sa mga ansiyano sa pagkahibalo kon pila ang mag-oksilyare payunir sulod niining espesyal nga mga bulan aron ilang mahikay ang igong teritoryo ug mga suplay sa literatura.
◼ Ang laing giluwatan nga computer diskette mabatonan na: GetVerse. Kining bag-ong programa magatugot sa mogamit sa pagsukip ug mga teksto sa Bibliya nga diretso ngadto sa kadaghanang DOS word processors. Kini makatabang sa pag-andam ug mga pakigpulong o paghimog listahan sa mga kasulatan. Ang GetVerse mabatonan lamang diha sa Ingles sa usa ka 5 1/4” 360-kilobyte o 3 1/2” 720-kilobyte diskette. Aron makagamit niining programaha, kinahanglang may kopya ka sa New World Translation of the Holy Scriptures—With References o ang New World Translation of the Holy Scriptures—With References/lnsight on the Scriptures nga nainstalar ug nagalihok na diha sa imong kompeyuter.
◼ Aduna pa kitay daghang suplay sa Watchtower ug Awake! nga mga tomo diha sa Ingles sa 1993 sa sangang opisina. Among gidasig ang mga indibiduwal ug mga kongregasyon sa pag-order niini aron magamit sa ilang teokratikanhong mga librarya. Aduna usab kitay mga suplay sa tanang mga tomo gikan sa 1960 ngadto sa 1992 nga mahimong orderon aron makompleto ang mga librarya.
◼ Buot namong pahinumdoman ang tanan nga aduna kitay stock sa album nga may 8 ka cassettes sa librong Ang Labing Bantogang Tawo nga Nabuhi Sukad sa Ingles. Sama sa Bible Stories nga album, kini ginapahimuslan sa batan-on ug tigulang ug nagatabang sa tanan nga masinati sa kinabuhi ni Jesus sa dinhi pa sa yuta. Ang amot alang niini maoy ₱300.00 sa publiko ug mga magmamantala ug ₱230.00 sa mga payunir.