Pangutana
◼ Unsa man ang gikinahanglang pagtagad nga ihatag sa kahimanan nga atong gigamit sa buluhatong pagpanaksi?
1 Bisan pag may tukmang Kasulatanhong presentasyon sa hunahuna, ang usa ka magmamantala mahimong dili-andam kon bahin sa kahimanan nga iyang gigamit. Sa dihang anaa na sa pultahan, basin wala siyay kinabag-ohang igtatanyag nga basahon, o ang mga magasin, mga brosyur, ug tracts diha sa iyang pangsangyaw nga bag mahimong gum-os o gisi na. Basin dili niya makita ang lapis o ang usa ka house-to-house record tungod kay ang iyang bag dili tukmang naorganisar.
2 Maoy hinungdanon nga hatagan ug maampingong pagtagad ang imong kahimanan una pa makig-ambit sa pag-alagad sa kanataran. Unsa man ang mga butang nga kinahanglang anaa sa maayong-pagkasangkap nga pangsangyaw nga bag? Ang usa ka Bibliya kinahanglanon. Paglakip ug suplay sa house-to-house records. Seguroa nga nabatonan nimo ang basahon nga igtatanyag sa bulan. Ang kinabag-ohang mga gula sa mga magasin maingon sa tracts ug mga brosyur gikinahanglan usab. Pagdalag kopya sa librong Nangatarongan. Ang paghupot sa kinabag-ohan nga Atong Ministeryo sa Gingharian makatabang kanimo sa pagrepaso sa sinugyot nga mga presentasyon una pa moadto sa pultahan. Ang pagbaton ug usa ka kopya sa usa sa atong mga basahon nga gidesinyo alang sa mga batan-on makatabang kanimo nga magmaandam sa pagpakigsulti sa mga tin-edyer.
3 Ang tanang butang nga gamiton kinahanglang anaa sa maayong kahimtang ug hinlong gihan-ay sa imong bag. Ang bag mismo dili man kinahanglang bag-o, apan kinahanglang hinlo kini ug anaa sa maayong kahimtang. Ang imong pangsangyaw nga bag maoy bahin sa imong kahimanan nga magamit sa pagmantala sa maayong balita. Hupti kana sa maayong kahimtang.