Mga Tigom sa Pag-alagad Alang sa Oktubre
Semana sa Oktubre 2-8
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan nga huptan ang ilang kopya sa “Theocratic Ministry School Schedule for 1996” nga gilakip niining isyu sa Atong Ministeryo sa Gingharian. Hupti kini sa dapit nga daling makit-an alang sa reperensiya sa 1996.
15 min: “Dayega Kanunay si Jehova.” Pangutanag tubag. Ipasiugda ang pagpadapat sa gisitar ug gikutlo nga mga teksto sa Kasulatan.
20 min: “Itanyag ang mga Magasin sa Matag Okasyon.” Hisgoting lintunganay nga mga puntos, ug unya repasohang mga artikulo sa kinaulahiang mga isyu nga mahimong gamiton sa pagtanyag niini. Ipasundayag ang duha o tulo ka presentasyon.
Awit 153 ug paniklop nga pag-ampo.
Semana sa Oktubre 9-15
10 min: Lokal nga mga pahibalo. Taho sa kuwenta.
15 min: Lokal nga mga panginahanglan. O usa ka pakigpulong pinaagig ansiyano, “Pagpalagpot—Usa ka Mahigugmaong Tagana?” gipasukad sa Hulyo 15, 1995, Bantayanang Torre, mga panid 25-7.
20 min: “Ikaw ba Padayong Nagatukaw—Nagalikay sa mga Kabaldahan?” Pangutanag tubag. Kon itugot sa panahon, maghimog dugang mga komento gibase sa Mayo 1, 1992, Bantayanang Torre, mga panid 20-2.
Awit 128 ug paniklop nga pag-ampo.
Semana sa Oktubre 16-22
10 min: Lokal nga mga pahibalo. Ipunting ang pagtagad sa pulyetong Good News for All Nations, nga nagataganag pultahan-sa-pultahan nga presentasyon diha sa 59 ka lainlaing pinulongan. Dasiga ang paggamit niining maong pulyeto sa dihang ang mga tawong langyaw ug pinulongan mahibalag sa teritoryo.
15 min: Magmaandam sa Paghupay Kanilang Nagbalata (pinasukad sa mga panid 106-8 [p. 102-4 sa Ingles] sa Nangatarongan nga libro). (3 min.) Ang igsoong lalaki nga nabahinan niini magasaysay nga ang mga Saksi ni Jehova wala magsalikway sa tanang kustombre nga nalangkit sa kamatayon. (5 min.) Ipasundayag kon unsaon sa usa ka Saksi pagsaysay sa usa ka kauban sa trabaho kon nganong atong likayan ang pila ka naandan nga mga kustombre sa pagbalata alang sa mga minatay, gipasukad ang panaghisgot sa mga panid 106-7 (p. 102-3 sa Ingles) sa Nangatarongan nga libro. (7 min.) Hisgoti uban sa mamiminaw ang bahin ilalom sa “Kon Adunay Moingon—” sa mga panid 107-8 (p. 103-4 sa Ingles).
20 min: “Mga Balikduaw nga Adunay Katuyoan.” Hisgoti ang atong mga tumong sa paghimog mga balikduaw. Hikaya nga adunay takos nga mga magmamantala sa pagpasundayag ug duha ka lainlaing presentasyon. Ipasaysay sa magmamantala sa unsang paagi kining buluhatona giabagan sa panalapi.
Awit 130 ug paniklop nga pag-ampo.
Semana sa Oktubre 23-29
10 min: Lokal nga mga pahibalo. Teokratikanhong mga Balita.
15 min: “Atong Gikinahanglan ang Kongregasyon.” Pangutanag tubag.
20 min: Ipunting ang Interes Ngadto sa Organisasyon. Ang magtatan-aw sa pag-alagad nagadumalag panaghisgot uban sa duha o tulo ka magmamantala, ginamit ang brosyur nga Mga Saksi ni Jehova—Nahiusang Nagabuhat sa Kabubut-on sa Diyos sa Tibuok Kalibotan. Isaysay kon nganong makaayo nga masayod ang mga interesado kon sa unsang paagi ang organisasyon nagalihok, sa unsang paagi ang lainlaing mga kalihokan gihikay, ug sa unsang paagi sila malambigit. Repasoha ang mga panid 14 ug 15 sa “Mga Tigom sa Pagpukaw sa Gugma ug Maayong mga Buhat.” Sa mubo ang grupo magpasundayag kon unsaon kining materyala maapil sa panaghisgot sa pagbalikduaw o panagtuon sa Bibliya sa pagtabang sa interesadong tawo nga pabilhan ang panginahanglang motambong.
Awit 126 ug paniklop nga pag-ampo.
Semana sa Okt. 30–Nob. 5
10 min: Lokal nga mga pahibalo. Samtang nagasingabot ang mga kalibotanong piyesta opisyal sa Nobyembre ug Disyembre, dasiga ang tanan nga konsiderahon ang pagpatala ingong mga katabang payunir.
15 min: Imo Bang Nasulayan ang mga Paglangkit sa Uban (Referrals)? Pakigpulong. Ang ubang mga magmamantala nakahimo sa pagsugod ug bag-ong panagtuon sa Bibliya niining paagiha: Human sa panagtuon sa usa ka interesadong tawo nga dugaydugay na, sila mangutana sa maong tawo kon anaa ba siyay nailhan nga si bisan kinsa sa iyang higala, mga paryente, o mga kaila nga hayan interesado panagtuon sa Bibliya. Kasagaran ubay-ubayng mga ngalan ang ihatag. Pangutan-on siya kon mahimo bang gamiton ang iyang ngalan sa dihang bisitahon kining mga tawhana. Sa dihang himoon ang pagbisita, ikaw mahimong makaingon nga “si Pulano nalipay pag-ayo sa iyang pagtuon sa Bibliya nga siya nakahunahuna nga ikaw usab gustong makabenepisyo sa among libreng programa sa panagtuon sa Bibliya.” Kini makatagana ug mapuslanong listahan sa mga balikduaw nga mahimong maugmad ngadto sa mabungahong mga panagtuon sa Bibliya. Iapil ang usa o duha ka kasinatian gikan sa mga magmamantala kinsa nakakaplag ug interesadong mga tawo o nakasugod ug bag-ong mga pagtuon niining paagiha.
20 min: Pagtanyag sa New World Translation Uban ang Librong Ang Bibliya—Pulong sa Diyos o sa Tawo? sa Nobyembre. Repasohang mga puntos sa New World Translation diha sa Nangatarongan nga libro, mga panid 265-69 (p. 276-80 sa Ingles). Basaha ang “Kahubitan,” nagasaysay kon nganong kini nahimo. Tubaga kining mga pangutanaha: Sa unsa man kining hubara gipasukad? Kinsa ang mga taghubad? Kini ba gayod usa ka hubad nga binatid? Nganong ang ngalang Jehova gigamit diha sa Kristohanon Gregong Kasulatan? Unya ipahayag kon nganong kita mapasalamaton nga nakabaton niining maong hubad. (Tan-awang “Tibuok Kasulatan” nga libro, panid 331, mga parapo 22 ug 23.) Ipasundayag sa takos nga magmamantala ang mubong demonstrasyon ginamit ang pasiunang mga komento sa kapitulo 14 sa librong Ang Bibliya—Pulong sa Diyos o sa Tawo? sa panid 184. Pahinumdomi ang tanan sa pagkuha ug mga kopya aron magamit sa pag-alagad niining semanaha.
Awit 138 ug paniklop nga pag-ampo.