Mga Tigom sa Pag-alagad Alang sa Hunyo
Semana sa Hunyo 3-9
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Teokratikanhong mga Balita.
15 min: “Sundoga ang Ilang Pagtuo.” Pangutanag tubag. Repasohang mga ebidensiya sa pagtuo, nga gikobrehan sa kahon sa panid 13 sa Septiyembre 15, 1991, Bantayanang Torre. Interbiyuha ang usa o duha ka magmamantala sa pagtino kon unsa ang nakatabang nila sa pagmentinar sa ilang regular nga kalihokan sa Gingharian sa daghang katuigan.
20 min: “Ipakaylap ang Kahibalo nga Motultol sa Kinabuhing Walay Kataposan.” (Mga parapo 1-3) Kobrehi ang parapo 1. (Ilakip ang mga komento gikan sa Enero 15, 1996, Bantayanang Torre, mga panid 12-13, mga parapo 11-12.) Ipatin-aw nga ang bag-ong pormat (dagway) para sa likod nga panid sa Atong Ministeryo sa Gingharian gidesinyo sa pagtabang kanato nga mahimong mas andam sa paghimog mga balikduaw kanilang atong mahibalag. Sanglit kay kasagarang maalamon ang pagbalikduaw sulod sa usa o duha ka adlaw, inay kay maghulat nga mas dugay pa, atong tagdon ang gisugyot nga mga presentasyon alang sa pamalaybalay nga pagduaw ug ang pagbalikduaw sa mao ra nga Tigom sa Pag-alagad. Sa mubo repasohang mga parapo 2 ug 3, nga sundan sa usa ka pasundayag sa matag usa niana. Ang nahibiling mga presentasyon sa artikulo pagakobrehan sa sunod duha ka Tigom sa Pag-alagad.
Awit 143 ug paniklop nga pag-ampo.
Semana sa Hunyo 10-16
5 min: Lokal nga mga pahibalo. Taho sa kuwenta.
10 min: “Ting-eskuyla na Usab.” Pangutanag tubag nga pagkobre.
10 min: “Ipakaylap ang Kahibalo nga Motultol sa Kinabuhing Walay Kataposan.” (Mga parapo 4-5) Human sa mubong pasiuna, ipasundayag ang mga presentasyon alang sa unang duaw ug balikduaw sa mga parapo 4 ug 5.
20 min: “Kon Unsaon sa Paghimog mga Tinun-an Pinaagig Librong Kahibalo.” Himoang pasiunang mga komento nga gipasukad sa mga parapo 1-2. Kobrehing mga parapo 3-11 sa pangutanag tubag. Isaysay nga ang nahibilin sa pasukip pagakobrehan sa mga Tigom sa Pag-alagad sa Hulyo ug Agosto. Dasigang tanan nga tipigan kana.
Awit 92 ug paniklop nga pag-ampo.
Semana sa Hunyo 17-23
10 min: Lokal nga mga pahibalo.
15 min: “Mahigalaong mga Panaghisgot Makatandog sa Kasingkasing.” Pangutanag tubag. Dapita ang usa o duha ka magmamantala sa pag-asoy ug mga kasinatian nga nagapakita kon sa unsang paagi ilang nabatonan ang maayong sanong tungod sa usa ka mahigalaong paagi.
20 min: “Ipakaylap ang Kahibalo nga Motultol sa Kinabuhing Walay Kataposan.” (Mga parapo 6-7) Ipasiugda ang mga tumong sa paghimog usa ka balikduaw: Ugmara ang interes, sugdi ang usa ka pagtuon, paghimog tinong mga kahikayan nga mobalik. Human sa mubong pagsubli sa mga presentasyon diha sa mga parapo 6 ug 7, ipasundayag ang matag usa niini, nga nagapakita kon sa unsang paagi masugdan ang usa ka pagtuon. Basahang parapo 17 sa panid 14 sa Enero 15, 1996, Bantayanang Torre.
Awit 211 ug paniklop nga pag-ampo.
Semana sa Hunyo 24-30
10 min: Lokal nga mga pahibalo.
15 min: Lokal nga mga panginahanglan. (O ipakigpulong maylabot sa “Sa Husto Nagagamit sa Pulong sa Kamatuoran,” pinasukad sa Enero 1, 1996, Bantayanang Torre, mga panid 29-31.)
20 min: “Tabangi Sila nga Makaalagad Pag-usab.” Pakigpulong ug panaghisgot pinaagig ansiyano. Isugyot ang paggamit sa Agosto 1, 1992, Bantayanang Torre sa artikulong “Bumalik Kanako, ug Ako Mobalik Kaninyo” sa pagdasig sa mga di-aktibo.
Awit 71 ug paniklop nga pag-ampo.