Mga Tigom sa Pag-alagad Alang sa Marso

Semana sa Marso 3-9

Awit 53

10 min:

Lokal nga mga pahibalo ug Mga Pahibalo gikan sa Atong Ministeryo sa Gingharian. Dasiga ang tanan nga magsugod na sa pagpangdapit ug mga interesado ngadto sa Memoryal sa Marso 23. Ipasundayag ang usa ka kopya sa imbitasyon sa Memoryal, ug awhaga ang tanan sa pagbaton ug suplay ug sa pagsugod sa pagpang-apod-apod niana niining semanaha.

15 min: “Tukora ang Imong Panimalay.” Pangutanag tubag. Ilakip ang mga kasinatian gikan sa 1995 Yearbook, panid 228.

20 min: “Pagtabang sa mga Pamilya sa Paghupot ug Malungtarong Kaugmaon.” (Mga parapo 1-5) Komentohig mubo ang parapo 1, ug dayon hisgoti kon unsaon pagpatungha sa interes diha sa Kalipay sa Pamilya nga libro pinaagig paggamit sa mga ulohan sa kapitulo, mga ilustrasyon, ug mga kahon sa pagsubli. Ipasundayag sa takos nga mga magmamantala ang mga presentasyon sa mga parapo 2-5. Dasiga ang tanan sa paghimog linaing paningkamot sa pagpahiluna sa libro uban sa mga pamilya nga nagpakita kanhi ug interes.

Awit 71 ug paniklop nga pag-ampo.

Semana sa Marso 10-16

Awit 56

10 min: Lokal nga mga pahibalo. Taho sa Kuwenta. Pahinumdomi ang tanan nga sundan gayod ang pagbasa sa Bibliya sa Memoryal nga gieskedyul alang sa Marso 18-23.

20 min: “Ipakita ang Inyong Kaugalingon nga Mapasalamaton.” Pangutanag tubag. Ang tanan kinahanglang maningkamot pag-ayo sa pagdapit sa mga estudyante sa Bibliya, interesadong mga tawo, mga membro sa pamilya, ug ang bisan kinsang mga igsoon nga wala makig-ubang aktibo uban sa kongregasyon sa pagtambong sa Memoryal. Dasiga ang tanang makaarang nga mag-oksilyare payunir sa Abril ug Mayo.

15 min: “Pagtabang sa mga Pamilya sa Paghupot ug Malungtarong Kaugmaon.” (Mga parapo 6-8) Itanyag ang pipila ka sugyot sa pagpakita kon unsaon pagtanyag ang Kalipay sa Pamilya nga libro sa dihang nagahimo sa di-pormal nga pagsangyaw sa trabahoan, sa tunghaan, sa parke, o diha sa publikong transportasyon, maingon man sa dihang nagaduaw sa mga paryente. Ipasundayag sa takos nga magmamantala ang mga presentasyon sa parapo 6 ug 7. Ang mga pagtuon pagadumalahon diha sa brosyur nga Unsay Gikinahanglan sa Diyos Kanato?, uban ang tumong sa pagbalhin ngadto sa Kahibalo nga libro, o ang pagtuon mahimong kasugdan diha sa Kahibalo nga libro mismo.

Awit 72 ug paniklop nga pag-ampo.

Semana sa Marso 17-23

Awit 63

15 min: Lokal nga mga pahibalo. Sublia ang “Mga Pahinumdom sa Memoryal,” ug tagika ang lokal nga mga kahikayan sa Memoryal. Ang tanan kinahanglang maghimo ug pangataposang mga plano aron matabangan ang mga estudyante sa Bibliya ug mga interesado nga makatambong.

15 min: Lokal nga mga panginahanglan. O pakigpulong pinaagig ansiyano sa artikulong “Ikaw ba Adunay Diyosnong Panglantaw sa Alkoholikong mga Ilimnon?” gikan sa Disyembre 15, 1996, Bantayanang Torre, mga panid 25-9.

15 min: Gamitag Maayo ang 1997 Yearbook of Jehovah’s Witnesses. Amahan magsubli sa mga dagkong puntos nga gikobrehan sa mga panid 3-9 uban sa iyang pamilya. Ipakita kon nganong aduna kitay katarongan sa pagmaya nga makita ang teokratikanhong pag-uswag sa tibuok kalibotan. Amahan magsaysay kon unsaon, sulod sa umaabot nga tuig, nga makagamit silag pipila ka minutos sa matag adlaw sa panahon sa pagpangaon aron sa inanay mahuman pagbasa ang Yearbook maingon man ang pagkonsiderar sa inadlawng teksto.

Awit 75 ug paniklop nga pag-ampo.

Semana sa Marso 24-30

Awit 67

5 min: Lokal nga mga pahibalo. Isaysay nga dili pa kaayo ulahi ang pagtunol ug aplikasyon alang sa oksilyare nga pagpayunir sa Abril. Pahinumdomi ang tanan sa pagtambong ug pagdapit sa mga interesado ngadto sa espesyal nga pakigpulong publiko nga “Magpabiling Hinlo sa Kalibotanong mga Kalingawan” sa Abril 6.

28 min: “Pagbaton ug Kaisog sa Paghimog mga Balikduaw.” (Mga parapo 1-20) Pangutanag tubag. Ipasundayag sa mubo ang parapo 16.

12 min: Pagtabang sa Bag-ong Magmamantala nga Makasugod. Sublia ang parapo 19 sa Hunyo 1996 nga pasukip sa Atong Ministeryo sa Gingharian. Ipasundayag kon unsaon sa takos nga magmamantala sa pag-andam sa usa ka estudyante sa Bibliya nga bag-o pang naaprobahan sa mga ansiyano ingong di-bawtismadong magmamantala. Duyog nilang sublion ang Atong Ministeryo nga libro, panid 111, parapo 2. Ang sinating magmamantala magsaysay kon unsay maatubang sa pagpakig-ambit sa balay-balay nga pagsangyaw apan dili kinahanglang maluya kon ang kadaghanan dili mosanong. Isaysay ang makapadasig nga kasinatian nga nagapasundayag sa kalipay nga mahidangat sa dihang kita makakaplag ug sinserong tawo nga maminaw. Duyog silang mag-andam ug mubo, simpleng presentasyon sa magasin ug dayon bansayon kana.

Awit 89 ug paniklop nga pag-ampo.

Semana sa Marso 31–Abril 6

Awit 70

15 min: Lokal nga mga pahibalo. Ipahibalo ang mga ngalan sa tanang nagaoksilyare payunir sa Abril. Sublia ang “Pangutana.”

20 min: “Pagbaton ug Kaisog sa Paghimog mga Balikduaw.” (Mga parapo 21-35) Pangutanag tubag. Sublia ang kahon sa panid 3.

10 min: Sublia ang Tanyag nga Literatura sa Abril. Itanyag ang mga suskrisyon ug indibiduwal nga mga kopya sa Ang Bantayanang Torre ug Pagmata! Sa mubo sublia ang mga sugyot kon unsaon pag-andam ang mga presentasyon sa mga parapo 3, 4, ug 8 sa panid 8 sa Oktubre 1996 nga Atong Ministeryo sa Gingharian. Ipasundayag sa duha ka magmamantala ang usa o duha ka mubong mga presentasyon. Ang mga magmamantala kinahanglang maghupot ug talaan niadtong midawat ug mga magasin ug idugang kini sa ilang ruta sa magasin.

Awit 92 ug paniklop nga pag-ampo.