Mga Tigom sa Pag-alagad Alang sa Mayo
Semana sa Mayo 5-11
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian.
12 min: “Sunda si Jesus nga Mapinadayonon.” Pangutanag tubag. Ilakip ang mga kasinatian gikan sa Hunyo 1, 1993, Bantayanang Torre, panid 12.
23 min: “Ipakita ang Tinuod nga Kabalaka sa Tanang Interes nga Nakaplagan.” Panaghisgot sa mamiminaw. Ipasiugda ang panginahanglan sa pagpaloap sa tanang interes. Isugyot ang pipila ka mataktikanhong paagi sa pagkuha sa adres niadtong nahimamat sa publikong mga dapit aron kita makapamatuod pa kanila ug dugang. Ipasundayag sa takos nga mga magmamantala ang duha sa mga presentasyon nga gisugyot sa mga parapo 6-9. Sublia ang kahon, “Kon Unsaon nga Magmalamposon sa Paghimog mga Balikduaw,” sa panid 3 sa Marso 1997 nga pasukip sa Atong Ministeryo sa Gingharian. Dasiga ang tanan sa pag-eskedyul ug pipila ka panahon matag semana sa mga pagbalikduaw.
Awit 151 ug paniklop nga pag-ampo.
Semana sa Mayo 12-18
10 min: Lokal nga mga pahibalo. Taho sa Kuwenta.
15 min: Pakigpulong sa ansiyano diha sa mga punto sa “Pangutana.”
20 min: Pakigpulong sa artikulo nga nag-ulohang “Paglahutay sa Payunir nga Pag-alagad” sa Septiyembre 15, 1993 isyu sa Ang Bantayanang Torre, mga panid 28-31. Hisgoti ang mga hiyas nga gikinahanglan aron magmalamposon sa payunir nga ministeryo, nga makapadasig, dili lamang niadtong anaa sa listahan sa payunir, apan usab niadtong nagaplano nga mopadayon sa pagpayunir human sa kampanya sa ting-init. Hisgoti ang artikulo sa panid 3 niining Atong Ministeryo sa Gingharian nga nag-ulohang “Makapadayon Ka Ba?,” ug dasiga kadtong nakaoksilyare payunir nga tagdon ang pagpadayon sa ilang pag-alagad ingong oksilyare o regular nga mga payunir.
Awit 162 ug paniklop nga pag-ampo.
Semana sa Mayo 19-25
7 min: Lokal nga mga pahibalo.
20 min: “Pagdumalag Mauswagong mga Pagtuon sa Bibliya sa Balay.” Takos nga igsoong lalaki maghisgot sa artikulo uban sa usa o duha ka magmamantala nga malamposong nagdumalag mga pagtuon. Ginamit ang mga bahin sa Kahibalo nga libro ingong mga pananglitan, ilang isaysay ang mga teknik sa pagtudlo nga makatabang kanila sa paghupot sa pagtuon sa mapinadayonong paagi ug nga magtugot kanilang masabtan kon unsa gayoy nakat-onan sa estudyante.—Tan-awa ang Hunyo 1996 nga pasukip sa Atong Ministeryo sa Gingharian, mga parapo 5, 8, 12, ug 21.
18 min: Pakigpulong sa usa ka ansiyano sa artikulong, “Ginasundog ba Nimo ang Atong Walay-Pinalabing Diyos?” sa Nobyembre 15, 1996 isyu sa Ang Bantayanang Torre, mga panid 25-7.
Awit 165 ug paniklop nga pag-ampo.
Semana sa Mayo 26–Hunyo 1
15 min: Lokal nga mga pahibalo. Sublia ang tanyag nga literatura sa Hunyo. Ginamit ang Kahibalo nga libro, isaysay kon sa unsang paagi ang mga puntos sa mga parapo 17-19 sa mga panid 10-11 magamit sa pagpangandam ug mubong presentasyon. Dasiga ang tanan nga maningkamot gayod sa pagsugod ug mga pagtuon. Ipasiugda ang panginahanglan sa pagtabang sa mga interesado nga daling mouswag.—Tan-awa ang Enero 15, 1996, Bantayanang Torre, mga panid 13-14.
12 min: “Nganong Magsige Man Kita ug Balik?” Pangutanag tubag. Ilakip ang mga puntos gikan sa kahon sa panid 570 sa Magmamantala nga libro.
18 min: Lokal nga mga panginahanglan. Pakigpulong sa usa ka ansiyano o panaghisgot sa duha ka ansiyano, nga magpunting sa espirituwal nga panginahanglan sa kongregasyon. Hatagig Kasulatanhong pagmaymay ug praktikal nga mga sugyot alang sa pag-uswag.
Awit 174 ug paniklop nga pag-ampo.