Mga Tigom sa Pag-alagad Alang sa Enero
Semana sa Enero 5-11
8 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
17 min: “Pagmaya Diha sa Paghimog Bug-os nga Pagpamatuod.” Panaghisgot sa artikulo uban sa mamiminaw. Ipasiugda ang mga kinahanglanon sa epektibong presentasyon: (1) Ipaabot ang mahigalaong pagtimbaya, (2) komentohi o ipatungha ang pangutana bahin sa balita nga presenteng gikaikagan, (3) dad-a ngadto sa tukmang teksto sa Kasulatan, ug (4) kabiga ang interes ngadto sa publikasyon nga ginatanyag. Ipasundayag sa takos nga magmamantala ang gisugyot nga pasiunang presentasyon ug balikduaw.
20 min: Pangandam Karon Aron sa Pagtuboy sa Balaod sa Diyos sa Dugo. Kuwalipikadong ansiyano maghisgot sa kabililhon sa pagpil-ap sa Advance Medical Directive/Release nga kard. Ang dinasig nga pagtultol sa Salmo 19:7 nagabutyag nga ang Buhat 15:28, 29 maoy kapahayagan sa hingpit nga balaod sa Diyos sa dugo. Ang maunongong mga magsisimba maningkamot sa pagtuboy sa maong balaod. Kini nga dokumento nagapahayag sa imong determinasyon sa pagbuhat sa ingon ug nagasulti alang kanimo sa dihang dili ka makahimo sa pagsulti sa imong kaugalingon. (Itandi ang Proverbio 22:3.) Ang bag-ong kard magtagana ug bag-ong deklarasyon sa imong pagdumili sa pagdawat ug dugo. Human niining tigoma, ang bawtismadong mga Saksi nga buot makabaton ug usa ka bag-ong kard hatagag usa, ug kadtong adunay di-bawtismadong minor nga mga anak makadawat ug Identity Card alang sa matag usa ka bata. Kini nga mga kard dili pil-apan nianang gabhiona. Kini kinahanglan nga maampingong pil-apan didto sa balay apan DILI pirmahan. Ang pagpirma, pagsaksi, ug pagpetsa sa tanang kard himoon human sa sunod nga Pagtuon sa Libro sa Kongregasyon, ubos sa pagtultol sa konduktor sa pagtuon sa libro. Kini magtino nga ang tanang natudlo sa iyang grupo nga buot makaangkon niining medikal nga direktiba makabaton sa gikinahanglang tabang. Kadtong mopirma sa ilang ngalan ingong mga saksi kinahanglang aktuwal nga makakita sa tag-iya sa kard nga mopirma sa dokumento. Si bisan kinsang wala nianang panahona ug kinsa buot nga mopil-ap ug mopirma ug kard tabangan sa mga konduktor/mga ansiyano sa sunod nga Tigom sa Pag-alagad hangtod ang tanang bawtismadong magmamantala makabaton sa ilang mga kard nga nakompleto sa tukmang paagi. (Sublia ang sulat sa Nobyembre 1, 1991.) Pinaagig pagpasibo sa pagkasulat gikan niining kard nganha sa ilang kaugalingong mga kahimtang ug mga kombiksiyon, ang di-bawtismadong mga magmamantala mahimong mosulat sa ilang kaugalingong direktiba aron gamiton alang sa ilang kaugalingon ug sa ilang mga anak.
Awit 142 ug paniklop nga pag-ampo.
Semana sa Enero 12-18
10 min: Lokal nga mga pahibalo. Taho sa Kuwenta. Sublia ang “Bag-ong Programa sa Espesyal nga Adlaw nga Asembliya.”
15 min: “Gamitag Maayo ang mga Handbill.” Panaghisgot sa mamiminaw. Ilakip ang kasinatian sa Disyembre 1, 1996 nga Bantayanang Torre, panid 13, parapo 15.
20 min: “Si Jehova Nagahatag ug Gahom nga Labaw sa Kasarangan.” Pangutanag tubag. (Tan-awa ang w90 7/15 19, mga parapo 15-16.) Hikaya ang pipila nga moasoy ug makapadasig nga mga kasinatian nga magpakita kon sa unsang paagi si Jehova nagpalig-on kanila.
Awit 81 ug paniklop nga pag-ampo.
Semana sa Enero 19-25
10 min: Lokal nga mga pahibalo.
15 min: Lokal nga mga panginahanglan.
20 min: Pagtuon sa Pamilya nga Magdalag Kalipay. Minyong magtiayon maghisgot sa espirituwal nga mga panginahanglan sa ilang pamilya. Nabalaka bahin sa kalibotanong mga impluwensiya nga nagaapektar sa ilang mga anak sa negatibong paagi, ilang gibati ang panginahanglan sa pagpalig-on sa espirituwalidad sa ilang mga anak apan nagaila nga ang ilang pagtuon sa pamilya talagsa ra ug kasagarang dili epektibo. Sa tingob, ilang sublion ang mga sugyot kon unsaon pagdumala ang makahuloganong pagtuon sa pamilya nga gihatag diha sa Agosto 1, 1997, Bantayanang Torre, mga panid 26-9. Silang duha determinado sa pagsunod sa pagbantay sa espirituwal nga kahimtang sa ilang mga anak.
Awit 146 ug paniklop nga pag-ampo.
Semana sa Ene. 26–Peb. 1
12 min: Lokal nga mga pahibalo. Sublia ang tanyag nga literatura sa Pebrero: Paghisgot ug usa o duha ka puntos gikan sa Life—How Did It Get Here? nga libro nga makatabang sa dihang itanyag kana.
15 min: “Ipakita ang Pagtahod Alang sa Dapit sa Pagsimba Kang Jehova.” Pangutanag tubag. Dumalahon pinaagig ansiyano, kinsa angayng maghimog malulotong lokal nga kapadapatan.
18 min: Pagtaho sa Atong Bahin Diha sa Tibuok-Kalibotang Pagsangyaw nga Buluhaton. (Pinasukad sa Atong Ministeryo nga libro, mga panid 100-2, 106-10.) Pakigpulong ug panaghisgot nga dumalahon sa sekretaryo. Human sa pagpakitag Kasulatanhong sulondan sa makanunayong pagtaho sa atong kalihokan, iyang dapiton ang duha ka ministeryal nga mga alagad sa pagsubli sa subtitulo nga “Kon Nganong Kita Motaho sa Atong Binuhatan sa Kanataran.” Dayon ipasiugda sa sekretaryo ang panginahanglan sa dihadihang pagtunol sa tukmang mga taho. Iyang ipasiugda ang mga katarongan kon nganong ang pagpahilunag personal nga mga tumong mapuslanon, nga magtapos uban ang makapadasig nga mga komento bahin sa mga panalangin nga modangat niadtong adunay bug-os nga pagpakig-ambit sa buluhaton sa pagsangyaw.
Awit 189 ug paniklop nga pag-ampo.