Mga Tigom sa Pag-alagad Alang sa Marso
Semana sa Marso 2-8
8 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Padayong Buhata Kini sa Paghandom Kanako.” Pakigpulong pinaagig ansiyano. Komentohi sa mubo ang Atong Ministeryo nga libro, mga panid 80-1, nga magpasiugda sa kabililhon sa pagtambong sa Memoryal.
22 min: “Isilsil sa Uban ang Paglaom sa Kinabuhing Walay Kataposan.” Panaghisgot sa mamiminaw sa artikulo. Sa mubo isaysay kon sa unsang paagi magamit ang mga pangutana nga epektibo sa pagpadayon sa panaghisgot. Paghatag ug pipila ka pananglitan sa nagaagak ug punto de vista nga mga pangutana nga tingali magamit diha sa presentasyon. (Tan-awa ang Giya sa Tunghaan, mga panid 51-2, mga parapo 10-12.) Ipasundayag sa takos nga magmamantala ang usa sa sinugyot nga pasiunang mga presentasyon apil ang pagbalikduaw, nga magpasundayag sa usa ka pagtuon sa Bibliya nga nasugdan.
Awit 88 ug paniklop nga pag-ampo.
Semana sa Marso 9-15
8 min: Lokal nga mga pahibalo. Taho sa kuwenta.
15 min: Pagkuhag Bug-os nga Kaayohan Gikan sa 1998 Yearbook. Sublion sa amahan ang mga panid 3-6, 31 uban sa iyang pamilya, nga maghisgot sa tibuok kalibotang teokratikanhong mga kalamposan sa miaging tuig. (Kon wala pay Yearbook, gamita ang mga numero gikan sa tsart sa Enero 1, 1998 nga Bantayanang Torre.) Tagda ang mga kaayohan nga gipahimuslan sa pamilya gikan sa tingob nga pagbasa ug paghisgot sa inadlaw nga teksto ug mga bahin sa Yearbook sa mga panahon sa pagpangaon, nga determinadong himoon kanang padayon sa tibuok tuig.
22 min: “Ato Bang Mahimo Kana Pag-usab?” (Mga parapo 1-11) Pangutanag tubag. Iasoy ang dagkong mga puntos sa kampanya sa miaging tuig sa pag-oksilyare payunir, sumala sa gitaho sa 1998 Yearbook. Hisgoti ang gidaghanon sa nag-oksilyare payunir sa lokal sulod sa maong yugto. Hisgoti ang dihadihang personal nga mga kaayohan nga atong makuha gikan sa pagpayunir, ug ipakita kon sa unsang paagi kining ekstrang panikaysikay makadugang sa pag-uswag sa kongregasyon. Larawa ang mga kahikayan sa pag-alagad nga giplano sa lokal sa Abril ug Mayo aron tabangan ang mas pa nga magpayunir. Ang mga magmamantala tingali mokuhag mga aplikasyon human sa tigom.
Awit 195 ug paniklop nga pag-ampo.
Semana sa Marso 16-22
8 min: Lokal nga mga pahibalo. Dapita ang tanang interesado sa pagtambong sa espesyal nga pakigpulong publiko sa Marso 29. Ang pakigpulong nag-ulohang “Kon Nganong Ikaw Makasalig sa Bibliya.”
15 min: Lokal nga mga panginahanglan.
22 min: “Ato Bang Mahimo Kana Pag-usab?” (Mga parapo 12-19) Pangutanag tubag. Sublia ang mga kuwalipikasyon nga gitagik sa Atong Ministeryo nga libro, mga panid 113-14. Isaysay kon sa unsang paagi ang oksilyare nga pagpayunir mag-andam sa usa para sa regular payunir nga pag-alagad. Dapita ang pipila nga nakaoksilyare payunir sa miaging tuig aron makasulti kon giunsa nila paghikay ang ilang eskedyul sa pagkab-ot sa kinahanglanong 60 oras. Hain sa sampol nga eskedyul sa kataposang panid sa pasukip ang misaler pag-ayo kanila? Segun sa itugot sa panahon, iasoy ang mga kasinatian sa 1987 Yearbook, mga panid 48-9, 245-6. Dasiga ang mga magmamantala sa pagkuhag mga aplikasyon human sa tigom.
Awit 224 ug paniklop nga pag-ampo.
Semana sa Marso 23-29
10 min: Lokal nga mga pahibalo. Dasiga ang tanan sa pagsugod sa pagdapit sa mga interesado alang sa Memoryal, sa Abril 11. Ipakita ang usa ka kopya sa imbitasyon, ug dasiga ang tanan sa pagbaton ug suplay ug sa pagsugod sa pag-apod-apod niini niining semanaha. Ipahibalo ang mga ngalan sa tanang mag-oksilyare payunir sa Abril. Isaysay nga dili pa ulahi kaayo ang pagtunol ug aplikasyon. Tagika ang enterong eskedyul sa mga tigom sa dayon na nga pagsangyaw nga giplano sa Abril.
20 min: Andama ang mga Bag-ohan sa Pag-alagad sa Kanataran. Pakigpulong ug pakig-ambit sa mamiminaw. Kadtong nagadumalag pagtuon sa Kahibalo nga libro kinahanglang maghunahuna sa pag-andam sa ilang estudyante sa pagpakig-ambit sa pag-alagad sa kanataran. Hisgoti kon unsay giingon sa Kahibalo nga libro, mga panid 105-6, parapo 14, ug panid 179, parapo 20. Sublia ang pamaagi sa Nobyembre 15, 1988, Bantayanang Torre, mga panid 16-17, mga parapo 7-10, alang sa mga bag-ohan aron mailhan ingong di-bawtismadong mga magmamantala. Tagda ang mga sugyot sa Hunyo 1996 nga pasukip sa Atong Ministeryo sa Gingharian, parapo 19, sa pagtabang sa bag-ong di-bawtismadong mga magmamantala aron makasugod sa pag-alagad sa kanataran.
15 min: “Pangutana.” Pangutanag tubag. Ansiyano magsubli sa materyal sa Atong Ministeryo nga libro, panid 131, mga parapo 1 ug 2.
Awit 47 ug paniklop nga pag-ampo.
Semana sa Marso 30–Abril 5
12 min: Lokal nga mga pahibalo. Pahinumdomi ang tanan sa pagtunol sa ilang mga taho sa pag-alagad sa kanataran sa Marso. Ipakita ang bag-ong mga isyu sa mga magasin, pagsugyot kon unsang mga artikuloha ang hayan imong ipasiugda sa dihang magtanyag niini, ug hisgoti ang pipila ka espesipikong mga puntong igsusulti. Sublia ang “Mga Pahinumdom sa Memoryal,” ug larawa ang lokal nga mga kahikayan sa Memoryal. Ang tanan kinahanglang maghimog panghinapos nga mga plano aron sa pagtabang sa mga estudyante sa Bibliya ug ubang mga interesado sa pagtambong. Pahinumdomi ang tanan sa pagseguro nga sundon ang eskedyul nga pagbasa sa Bibliya sa Memoryal para sa Abril 6-11, sumala sa gitagik sa Pagsusi sa Kasulatan sa Adlaw-Adlaw.
13 min: “Mga Kabataan—Kamo ang Among Kalipay!” Pangutanag tubag. Iasoy ang kasinatian gikan sa Agosto 1, 1987, Bantayanang Torre, panid 25.
20 min: Mga Paagi sa Pagbuntog sa Espirituwal nga Kaluya. Duha ka ansiyano maghisgot sa kahon sa Enero 15, 1986, Bantayanang Torre, panid 19. Sa matag usa sa “Mga Timailhan sa Kaluya,” sa Kasulatanhong paagi isaysay kon sa unsang paagi ang usa makabatog kaayohan gikan sa magkatukma nga “Mga Tabang sa Paglahutay.” Dayon interbiyoha ang duha ka magmamantala nga mokomento kon sa unsang paagi ang pagpadapat sa maong mga puntos nakatabang kanila sa paghupot kanunay sa ilang espirituwal nga kalig-on.
Awit 140 ug paniklop nga pag-ampo.