Mga Pahinumdom sa Memoryal

Ang pagsaulog sa Memoryal matunong sa Sabado, Abril 11. Kinahanglang hatagag pagtagad sa mga ansiyano ang mosunod nga mga butang:

◼ Sa pagtino sa oras alang sa tigom, seguroha nga ang mga emblema dili ipasa hangtod sa pagkahuman sa pagsalop sa adlaw.

◼ Ang matag usa, lakip ang mamumulong, kinahanglang mapahibalo sa tukmang oras ug dapit alang sa pagsaulog.

◼ Ang tukmang matang sa tinapay ug bino kinahanglang mabatonan ug maandam.​—Tan-awa ang Agosto 15, 1985, Bantayanang Torre, panid 19 (Pebrero 15, 1985, panid 19 sa Ingles).

◼ Ang mga plato, mga baso, ug haom nga lamesa ug mantel kinahanglang dal-on ngadto sa tigomanan ug ipahiluna nga abante.

◼ Ang Kingdom Hall o ang ubang dapit nga tigoman kinahanglang mahinloan pag-ayo nga abante sa panahon.

◼ Ang mga atendant ug mga tigsilbi kinahanglang pilion ug mahatagan ug instruksiyon nga abante bahin sa tukmang pamaagi ug sa ilang mga kaakohan.

◼ Ang mga kahikayan kinahanglang himoon aron masilbihan ang bisan kinsa sa dinihogan nga baldado ug dili makatambong.

◼ Kon kapin sa usa ka kongregasyon ang naeskedyul nga mogamit sa samang Kingdom Hall, kinahanglang adunay maayong koordinasyon taliwala sa mga kongregasyon aron malikayan ang paghuot nga wala kinahanglana diha sa agianan sa atubangan ug sa dalan sa gawas.