Mga Tigom sa Pag-alagad Alang sa Marso
Semana sa Marso 1
8 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
17 min: “Tibuok-Kalibotang Pagsaulog sa Kamatayon ni Kristo.” Pangutanag tubag. Ilakip ang mga komento sa Pebrero 1, 1997, Bantayanang Torre, mga panid 11-12, mga parapo 10-14. Ipasiugda kon sa unsang paagi ang dakong gugma ni Jehova nag-aghat kaniya sa pagtagana sa lukat alang kanato.
20 min: Maaghatong mga Katarongan sa Pag-oksilyare Payunir sa Abril ug Mayo. Pakigpulong ug pakighisgot sa mamiminaw nga dumalahon sa magtatan-aw sa pag-alagad, nga nag-agda sa tanan nga hatagan ug seryosong pagtagad ang oksilyare nga pagpayunir. Repasoha ang mga kausaban sa kinahanglanong oras alang sa regular ug oksilyare nga mga payunir, sumala sa gipresentar sa Enero 1999 Atong Ministeryo sa Gingharian, panid 7. Kini nga kausaban magpaarang gayod sa dugang daghan pa nga pahimuslan ang pribilehiyo sa bug-os-panahong pag-alagad. Isaysay kon sa unsang paagi ang atong pagpabili sa halad ni Kristo magtukmod kanato nga manlimbasog sa atong kaugalingon sa pagsangyaw sa uban. (2 Cor. 5:14, 15) Niining tuiga ang Memoryal matunong sa unang adlaw sa Abril. Pagkamaayong panukmod alang sa tanang magmamantala sa Gingharian nga ideboto ang tibuok bulan ngadto sa napauswag nga kalihokan sa pag-alagad! Repasoha ang piniling dagkong mga puntos gikan sa Pebrero 1997 ug Marso 1998 Atong Ministeryo sa Gingharian nga mga pasukip nga naghisgot sa oksilyare payunir nga pag-alagad. Hatagig pagtagad ang mga paagi sa pagpahiangay sa sanglitanang mga eskedyul nga gitagana. Repasoha ang lokal nga mga kahikayan sa pag-alagad. Dasiga ang mga magmamantala sa pagkuha ug mga aplikasyon sa oksilyare payunir human sa tigom.
Awit 44 ug paniklop nga pag-ampo.
Semana sa Marso 8
10 min: Lokal nga mga pahibalo. Taho sa mga kuwenta.
20 min: “Dapita Sila sa Pagtambong.” Pangutanag tubag. Ipasiugda ang panginahanglan kanunay sa pagtultol sa bag-ong mga interesado ngadto sa mga tigom sa kongregasyon. Ipasundayag ang usa ka panaghisgot uban sa interesadong tawo, ginamit ang materyal diha sa librong Kahibalo, panid 159, parapo 20, ug mga panid 161-3, mga parapo 5-8. Dasiga ang tanan sa paghimog linaing paningkamot sa pagtabang sa mga estudyante sa Bibliya ug ubang mga interesado sa pagtambong sa Memoryal sa Abril 1. Ipakita ang kopya sa pinatik nga imbitasyon, ug isaysay kon unsaon kini paggamit sa epektibong paagi. Ang tanan kinahanglang magsugod sa pag-apod-apod sa mga imbitasyon sa Memoryal niining semanaha.
15 min: “Kon Unsaon nga Magbuliganay ang mga Membro sa Banay Alang sa Bug-os nga Pakig-ambit—Diha sa mga Tigom sa Kongregasyon.” Panaghisgot sa usa ka grupo sa pamilya. Samtang ilang komentohan ang pangunang mga puntos diha sa artikulo, ilang hisgotan kon sa unsang paagi sila makapangandam sa mga tigom ingong usa ka pamilya. Ilang hisgotan ang mga paagi nga niana sila makatabang sa usag usa aron makig-ambit ug kon unsay angayng himoon sa pamilya aron makaabot sa mga tigom sa hustong oras.
Awit 62 ug paniklop nga pag-ampo.
Semana sa Marso 15
10 min: Lokal nga mga pahibalo.
15 min: “Nagahimog Bililhong Pag-alagad ang Ministeryal nga mga Alagad.” Pakigpulong sa usa ka takos nga ministeryal nga alagad. Sublia ang pangunang mga puntos nga gikobrehan sa Atong Ministeryo nga libro, mga panid 57-9. Isaysay kon sa unsang paagi ang ministeryal nga mga alagad magamit sa lokal nga paagi sa pagtabang sa kongregasyon.
20 min: Pagpahimulos sa 1999 Yearbook. Panaghisgot tali sa bana ug asawa. Isaysay sa bana nga ang Yearbook unang gipatik sa porma nga libro niadtong 1927 ug nga kapin sa 70 ka tuig, naglakip kini sa tibuok-kalibotang taho sa mga Saksi ni Jehova. Ilang repasohon ang dagkong mga puntos sa “1998 Grand Totals,” sa panid 31. Dayon ilang hisgotan ang “A Letter From the Governing Body,” sa mga panid 3-5, ug komentohan kon sa unsang paagi sila mosanong sa pagdasig nga gihatag.
Awit 68 ug paniklop nga pag-ampo.
Semana sa Marso 22
10 min: Lokal nga mga pahibalo. Ipahibalo ang mga ngalan niadtong mag-oksilyare payunir sa Abril. Isaysay nga dili pa kaayo ulahi ang pagtunol ug aplikasyon. Larawa ang tibuok eskedyul sa mga tigom sa dayon na nga pagsangyaw nga giplano sa Abril. Dasiga ang tanan sa pagsunod sa pagbasa sa Bibliya sa Memoryal nga gieskedyul sa Marso 27–Abril 1, sumala sa gilaraw diha sa Pagsusi sa Kasulatan sa Adlaw-Adlaw—1999 ug sa 1999 Calendar.
15 min: Pangandam Alang sa Memoryal. Pakigpulong. Ang tanan angayng magplano sa pagtabang sa mga estudyante sa Bibliya ug ubang mga interesado sa pagtambong sa Memoryal. Ang mga bag-ohan nga motambong tingali dili makasabot kon kinsa ang hayan mopakig-ambit sa mga emblema o sa kahulogan niining maong saulog. Repasoha ang giingon sa Abril 1, 1996, Bantayanang Torre, mga panid 6-8, ug ipakita kon unsaon nato pagtabang ang usa ka bag-ohang interesado aron makasabot sa kahulogan ug katuyoan niini nga kasaulogan. Tiklopi pinaagig pagsubli sa “Mga Pahinumdom sa Memoryal” ug larawa ang lokal nga mga kahikayan sa Memoryal.
20 min: Unsay Mahitabo Kanato sa Dihang Kita Mamatay? Ansiyano maghisgot sa bili ug paggamit sa brosyur uban sa duha o tulo ka takos nga mga magmamantala. Mas nasinati kita niining brosyura sa dihang ato kining gitun-an diha sa Pagtuon sa Libro sa Kongregasyon. Gigamit ba nato kini sa epektibong paagi diha sa pag-alagad sa kanataran? Ang grupo maghisgot sa mosunod: Nganong interesado ang daghang tawo niining ulohana? Sukwahi sa bakak relihiyosong mga pagtulon-an, unsang paglaom ang gipasiugda niini nga brosyur? Unsaon nato paggamit ang mga pangutana sa hapin sa likod aron halingon ang interes? Unsang mga kahigayonan ang anaa aron ikatanyag kining brosyura? Ipasundayag ang usa ka presentasyon ginamit ang mga kasulatan sa parapo 14 sa panid 27. Dasiga ang tanan nga magmaabtik sa paggamit ug maayo niini nga brosyur.
Awit 92 ug paniklop nga pag-ampo.
Semana sa Marso 29
12 min: Lokal nga mga pahibalo. Pahinumdomi ang tanan sa pagtunol sa ilang mga taho sa pag-alagad sa kanataran sa Marso. Atong itanyag ang suskrisyon sa Ang Bantayanang Torre ug Pagmata! sulod sa Abril. Ipakita ang bag-ong mga isyu sa mga magasin, pagsugyot ug mga artikulong ikapasiugda, ug hisgoti ang pipila tinong igsusulting mga puntos. Ang tanan angayng magdalag Gikinahanglan nga brosyur ug gamiton kana sa pagsugod ug mga pagtuon sa Bibliya uban sa interesadong mga tawo.
15 min: Lokal nga mga panginahanglan.
18 min: Sa Unsang Paagi Kita Mosanong Gayod sa Tambag? Pakigpulong pinaagig ansiyano. Kitang tanan tambaganan bahin sa atong tinamdan, pamatasan, mga panag-uban, o pagpakig-ambit sa mga kalihokan sa kongregasyon. Usahay kita mokiling sa pagsupak sa tambag o mapikal. Ang kahinangop nga modawat ug mopadapat ug tambag hinungdanon kaayo sa atong espirituwal nga kaayohan. Sublia ang bililhong mga puntos nga magpasiugda sa mga rason kon nganong kita kinahanglang modawat ug mopabili ug tambag.—Tan-awa ang Abril 1, 1987, Bantayanang Torre, mga panid 27-30.
Awit 118 ug paniklop nga pag-ampo.