Eskedyul sa Tigom sa Pag-alagad
Semana sa Enero 10
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Ipahibalo ang Ngalan ni Jehova sa Tibuok Yuta.” Pangutanag tubag nga panaghisgot. Ilakip ang mga komento bahin sa impormal nga pagsangyaw gikan sa Atong Ministeryo nga libro, mga panid 93-4.
20 min: Pangandam Karon sa Pagtuboy sa Balaod sa Diyos sa Dugo. (Buh. 15:28, 29) Takos nga ansiyano maghisgot sa kahinungdanon sa pagpil-ap sa kard nga Advance Medical Directive/Release. Ang dinasig nga pagtultol sa Salmo 19:7 nagpakita nga ang Buhat 15:28, 29 maoy kapahayagan sa hingpit nga balaod sa Diyos sa dugo. Kini nga dokumento magpahibalo sa imong determinasyon sa pagtuboy sa maong balaod ug usab sa pagsulti alang kanimo sa dihang dili ka makahimo sa pagsulti alang sa imong kaugalingon. (Itandi ang Proverbio 22:3.) Human niining mitinga, ang bawtismadong mga Saksi hatagan ug bag-ong kard, ug kadtong dunay di-bawtismadong menor nga mga anak makadawat ug Identity Card alang sa matag bata. Kini nga mga kard dili pil-apan niining gabhiona. Kini kinahanglang pil-apan sa maampingong paagi didto sa balay apan DILI pirmahan. Ang pagpirma, pagsaksi, ug pagpetsa sa tanang kard himoon human sa sunod nga Pagtuon sa Libro sa Kongregasyon, ubos sa pagdumala sa tagdumala sa pagtuon sa libro. Una pa mopirma, seguroa nga ang mga kard napil-apan sa bug-os. Kadtong mopirma ingong mga saksi kinahanglang aktuwal nga makakita sa tag-iya sa kard nga mopirma sa dokumento. Pinaagig pagpasibo sa pagkapamulong gikan niini nga kard ngadto sa ilang kaugalingong mga kahimtang ug mga kombiksiyon, ang di-bawtismadong mga magmamantala hayan mosulat sa ilang kaugalingong direktiba nga ilang magamit mismo ug sa ilang mga anak.
Awit 155 ug paniklop nga pag-ampo.
Semana sa Enero 17
10 min: Lokal nga mga pahibalo. Taho sa kuwenta.
15 min: Lokal nga mga panginahanglan.
20 min: “Gamita ang mga Tract sa Pagsugod ug mga Panaghisgot.” Repasoha ang bisan unsang upat ka tract nga sagad gigamit diha sa teritoryo. Pagpatunghag pangutana nga gitubag sa matag tract. Dapita ang mamiminaw sa pagsugyot kon sa unsang paagi ang pangutana magamit sa pagsugod ug panaghisgot ug posible nga motultol ngadto sa usa ka pagtuon sa Bibliya. Ipasundayag kon unsaon tingali kini pagbuhat uban sa duha sa maong mga tract.
Awit 57 ug paniklop nga pag-ampo.
Semana sa Enero 24
10 min: Lokal nga mga pahibalo ug mga kasinatian sa pag-alagad sa kanataran.
15 min: “Hatagig Pagtagad ang Pulong ni Jehova sa Matag Adlaw!” Pakigpulong ug panaghisgot sa mamiminaw. Dasiga ang tanan sa paggamit ug maayo sa Pagsusi sa Kasulatan sa Adlaw-Adlaw—2000. Ilakip ang mga komento gikan sa pasiuna, mga panid 3-4. Dapita ang mga magmamantala sa pag-asoy kon giunsa nila paghimog linaing paningkamot sa pagtagad sa teksto ug mga komento sa matag adlaw.
20 min: “Atong Mahinatagong Pagpaluyo sa Buluhaton sa Gingharian.” Pangutanag tubag nga dumalahon sa usa ka ansiyano. (Tabangi ang mga igsoon sa pagpabili sa pribilehiyo ug responsabilidad sa paghatag ug pinansiyal nga pagpaluyo sa buluhaton.)
Awit 157 ug paniklop nga pag-ampo.
Semana sa Enero 31
10 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran alang sa Enero. Hisgoti ang tanyag nga literatura sa Pebrero: Kalipay sa Pamilya nga libro. Ipasundayag kon sa unsang paagi ang mga pangutana sa kahon sa panid 12 sa libro magamit ingong pasukaranan sa pagpakig-ambit sa usa diha sa panaghisgot.
10 min: Ang Tubag sa Usa ka Pangutana Bahin sa ‘Pagtimaan.’ Pakigpulong sa ansiyano, pinasukad sa Hulyo 15, 1999, Bantayanang Torre, mga panid 29-31.
25 min: “Paggamit sa Internet—Magbantay sa mga Kapeligrohan!” Pangutanag tubag nga panaghisgot sa mga parapo 1-18. Basaha ang mga parapo 4-7, 12, 16, 17. Dasiga ang tanan sa pagpangandam pag-ayo alang sa panaghisgot sa sunod semana sa mga parapo 19-36.
Awit 60 ug paniklop nga pag-ampo.
Semana sa Pebrero 7
5 min: Lokal nga mga pahibalo.
15 min: Sublia ang Tagna ni Daniel nga Libro. Pakigpulong ug panaghisgot sa mamiminaw. Repasoha ang dagkong mga puntos sa bag-ong libro: makapainteres nga mga ulohan sa kapitulo, tin-aw nga mga ilustrasyon, mga kahon nga may mausisaong mga pangutana sa kataposan sa matag panaghisgot, mga mapa ug mga tsart nga nagpatin-aw sa mga detalye. Tagda ang makapadasig nga katin-awan kon sa unsang paagi si Miguel “mobarog” diha sa linaing paagi (mga panid 288-90). Hisgoti ang kahinungdanon sa atong paglahutay ingong mga magtutudlo sa Pulong sa Diyos (mga panid 311-12). Ang tanan kanato kinahanglang mobasa sa libro nga mainampingon ug awhagon ang interesadong mga tawo sa pagbuhat sa ingon.
25 min: “Paggamit sa Internet—Magbantay sa mga Kapeligrohan!” Pangutanag tubag nga panaghisgot sa mga parapo 19-36. Basaha ang mga parapo 23-5 ug 34-6.
Awit 182 ug paniklop nga pag-ampo.