Kon Unsay Isulti Labot sa mga Magasin

Ang Bantayanang Torre Ene. 15

“Daghang tawo naggamit ug mga imahen sa ilang pagsimba. Nagtuo ka ba nga dunay makaluwas nga mga gahom ang maong mga butang? [Tugoting motubag.] Palihog matikdi kon unsay buhaton sa matuod nga Diyos kanato. [Basaha ang Pinadayag 21:​3, 4.] Ang tinuod lamang nga Diyos ang makahimo niana. Kining magasina nagpakita kon kinsa siya ug kon sa unsang paagi makakuha kitag kaayohan tungod sa atong pagsalig kaniya.”

Pagmata! Ene. 22

“Mahimong sayonsayonon lang nato ang kaugalingon natong pinuy-anan. Apan minilyong kagiw sa tibuok kalibotan ang naglatagaw nga walay mahimo, nga wala gayod makakaplag sa kasegurohan nga ilang gipangita. Ginasusi sa Pagmata! kon nganong naglungtad kining problemaha maingon man ang saad sa Bibliya nga sa di madugay ang tanan makabaton ug kaugalingon nilang pinuy-anan.”

Ang Bantayanang Torre Peb. 1

“Adunay dakong kabalaka bahin sa polusyon sa kalikopan. Apan nakahunahuna ka ba sukad bahin sa polusyon sa hunahuna? [Tugoting motubag.] Gipasiugda sa Bibliya ang kahinungdanon nga magmahinlo sa pisikal ug espirituwal. [Basaha ang 2 Corinto 7:1.] Segurado ako nga makaplagan nimong mapuslanon ug praktikal kining impormasyona.”

Pagmata! Peb. 8

“Walay duhaduhang nakita nimo nga samtang ang mga kaminyoon sagad may malipayong sinugdanan, daghan ang nangabungkag. Buot kong ibilin nimo kining gulaa sa Pagmata!, kay gihisgotan niini ang hunahuna sa Bibliya kon unsaon paghimo sa kaminyoon nga dumalayon ug malipayon.”