Kon Unsay Isulti Bahin sa mga Magasin

Ang Bantayanang Torre Ene. 15

“Sa katuigang dili pa dugay, ang interes bahin sa mga manulonda nagkadako. Nahibulong ka ba kon kinsa sila ug sa unsang paagi maapektohan nila ang atong kinabuhi? [Patubaga. Unya basaha ang Salmo 34:7.] Kining magasina naghisgot kon unsay giingon sa Bibliya bahin sa mga kalihokan sa mga manulonda—kaniadto, karon, ug sa umaabot.”

Pagmata! Ene.

“Adunay mga tambag bahin sa halos tanang ulohan karong adlawa. Sa imong hunahuna, pila niana ang imong kasaligan? [Patubaga. Unya basaha ang 2 Timoteo 3:16.] Kining gulaa sa Pagmata! magpakita kanimo kon nganong kita makadangop sa Bibliya ingong kasaligang tinubdan sa praktikal nga kaalam.” Ipakita ang artikulo nga nagsugod sa panid 18.

Ang Bantayanang Torre Peb. 1

“Kitang tanan nagkinahanglag salapi aron mabuhi. Apan dili ka ba mouyon nga gikinahanglan ang pagbantay batok sa kapeligrohan nga gihisgotan dinhi? [Basaha ang 1 Timoteo 6:10, ug patubaga.] Kining gulaa sa Ang Bantayanang Torre motabang kanato sa pag-ila sa pipila ka kasagarang kapeligrohan sa materyal nga pagkaadunahan ug naghisgot kon unsaon paglikay niana.”

Pagmata! Peb.

“Daghan kanato nga adunay tigulang nang mga paryente ug mga higala naghunahuna kon sa unsang paagi makatabang kita kanila sa pagsagubang sa mga suliran sa pagkatigulang. Dili ba tinuod kana? [Patubaga.] Kining magasina nagsugyot ug mga butang nga atong mahimo aron mas masagubang ang pagkatigulang. Nagpatin-aw usab kini kon sa unsang paagi matuman kining tagnaa.” Basaha ang Job 33:25.