Kon Unsay Isulti Bahin sa mga Magasin

Ang Bantayanang Torre Ene. 15

“Sa imong hunahuna, asa kaha makakaplag ang mga magtiayon ug kasaligang tambag? [Patubaga.] Matikdi kon kinsay nagmugna sa kaminyoon. [Basaha ang Genesis 2:22.] Ang Diyos nagtagana usab ug mga instruksiyon bahin sa dungganong papel sa bana ug asawa. Gipatin-aw kana niining magasina.”

Pagmata! Ene.

“Nakamatikod ka ba nga daghang nag-angkong mga Kristohanon ang wala magtuman sa mga pagtulon-an ni Jesus? [Patubaga.] Pananglitan, daghan ang wala magtuman sa giingon ni Jesus niining tekstoha. [Basaha ang Juan 13:35.] Gihisgotan niining artikuloha ang kalainan sa gitudlo ni Jesus ug sa panglantaw sa daghang nag-angkon nga mga Kristohanon.” Ipasiugda ang artikulo nga nagsugod sa panid 18.

Ang Bantayanang Torre Peb. 1

“Sa imong hunahuna, moarang-arang kaha ang katilingban nga atong gipuy-an kon ang tanan nagkinabuhi pa subay niining mga pulonga? [Basaha ang Efeso 4:25. Dayon patubaga.] Daghang tawo nagtuo nga ang pagpamakak dalawaton ra sa pipila ka kahimtang. Gipatin-aw niining magasina ang mga kaayohan sa pagsulti kanunay sa tinuod.”

Pagmata! Peb.

“Ang mga tinamdan bahin sa relihiyon daw nagakausab diha sa pipila ka dapit. Sa imong hunahuna, nawad-an na bag impluwensiya ang mga relihiyon? [Patubaga.] Kining giingon ni apostol Pablo naghatag ug katarongan kon nganong ang uban nawad-an nag pagsalig sa relihiyon. [Basaha ang Buhat 20:29, 30.] Kining magasina naghisgot bahin sa kon unsa unyay mahitabo sa Kristiyanidad.”