Eskedyul sa Tigom sa Pag-alagad
Semana sa Marso 11
13 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, ipasundayag ang duha ka lainlaing demonstrasyon kon sa unsang paagi itanyag ang Marso 15 nga Bantayanang Torre ug ang Marso 22 nga Pagmata! Sa matag presentasyon, ipasundayag ang laing paagi sa pag-atubang sa tigsumpo sa panaghisgot, “Dili ako interesado.”—Tan-awa ang librong Nangatarongan, panid 16.
12 min: Paghupot sa Atong Kristohanong Neyutralidad. Pakigpulong sa takos nga ansiyano. Ang mga pasundayag sa patriotismo nahimong mas kaylap na diha sa eskuylahan ug diha sa dapit trabahoan. Daghang tawo kinsa nagdasig niini naghimo niana ingong ilang paagi sa pagsagubang sa kabalaka ug kasubo gumikan sa nasodnong mga trahedya. Bisan tuod nasakitan usab kita sa atong nakita diha sa kalibotan, kita nakasabot sa mas dakong isyu sa unibersohanong pagkasoberano ug nahupay pinaagi sa mensahe sa Gingharian. Sa dihang mataktikanhong ipatin-aw ngadto sa uban kon nganong dili kita moapil sa nasyonalistikanhong mga kalihokan, angay usab natong ipaambit ang paghupay ug paglaom nga atong nakaplagan diha sa Pulong sa Diyos. Ang brosyur nga Mga Saksi ni Jehova ug Edukasyon, mga panid 20-4, ubos sa sub-ulohang “Ang Pagsaludar sa Bandera,” nagpatin-aw sa rason kon nganong dili kita moapil sa patriotikanhong mga seremonyas. Hisgoti ang hinungdanong mga punto, ug dasiga ang mga ginikanan nga repasohon ug maayo ang maong impormasyon uban sa ilang mga anak. Iasoy ang mga kasinatian nga anaa sa panid 20 sa maong brosyur ug sa panid 31 sa Enero 8, 1996, nga Pagmata!
20 min: “Magmadato sa Maayong mga Buhat.”a Dumalahon sa magtatan-aw sa pag-alagad. Hisgoti kon sa unsang paagi ang pinatik nga mga imbitasyon mahimong magamit sa labing maayong paagi. Dapita ang mga magmamantala sa pagsulti kon sa unsang paagi ilang nadasig ang ilang mga paryente, silingan, estudyante sa Bibliya, ug ubang mga interesado sa pagtambong sa Memoryal sa miaging tuig. Dasiga ang tanan nga makahimo sa pag-oksilyare payunir sa Abril.
Awit 82 ug paniklop nga pag-ampo.
Semana sa Marso 18
10 min: Lokal nga mga pahibalo. Taho sa kuwenta. Hisgoti ang “Mga Pahinumdom sa Memoryal.” Dasiga ang tanan sa pagsunod sa pagbasa sa Bibliya alang sa Memoryal nga gieskedyul sa Marso 23-28.
15 min: “Malipayong Nahiusa Kang Jehova ug sa Iyang Anak.” Usa ka Kasulatanhong makapalihok nga pakigpulong sa ansiyano. Dasiga ang tanan nga mohimog dugang paningkamot tali karon ug sa Marso 28 sa pagdapit ug daghang tawo kutob sa maarangan nga moduyog kanato sa pagtambong sa Memoryal.
20 min: Sa Unsang Paagi ang Tinuig nga Basahon Nakahatag Kanimog Kaayohan? Pakigpulong ug panaghisgot sa mamiminaw. Una, ipasiugda ang yawing mga punto diha sa “Sulat Gikan sa Nagamandong Lawas,” sa mga panid 3-5. Dayon, hangyoa ang mamiminaw sa pag-asoy sa mga taho ug mga kasinatian diha sa Tinuig nga Basahon nga nakaplagan nilang makapadasig kaayo ug makapalig-on sa pagtuo. (Kon dili pa mabatonan ang bag-ong Tinuig nga Basahon, ang mga punto gikan sa 2001 Yearbook mahimong gamiton niining bahina.)
Awit 45 ug paniklop nga pag-ampo.
Semana sa Marso 25
15 min: Lokal nga mga pahibalo. Isaysay nga dili pa ulahi kaayo ang pagtunol ug aplikasyon sa pag-oksilyare payunir sa Abril. Ginamit ang mga sugyot sa panid 8, ipasundayag sa ansiyano kon sa unsang paagi itanyag ang Abril 1 nga Bantayanang Torre ug itanyag sa usa ka batan-on ang Abril 8 nga Pagmata!
10 min: “Ang mga Suskrisyon Kunhoran.” Pakigpulong sa magtatan-aw sa pag-alagad, nga magpahibalo sa tanang nakig-uban sa kongregasyon sa pagkuha sa ilang mga magasin gikan sa kongregasyon inay kay pinaagig suskrisyon. Dasiga ang paghimog mga ruta sa magasin alang niadtong anaa sa atong teritoryo kinsa buot makadawat sa mga magasin nga regular.
20 min: Gamita ang Librong Nangatarongan sa Paghatag ug Pagdasig. Panaghisgot sa mamiminaw. Ang tanan nagkinahanglan ug mahigugmaong pagdasig sa popanahon. Busa, kitang tanan angayng mobati nga kinahanglang ‘hupayon’ ang uban. (1 Tes. 5:14) Ginamit ang librong Nangatarongan, dapita ang mamiminaw sa paghisgot kon unsang Kasulatanhong pagdasig ang mahimo nilang ipaambit sa laing tawo nga nakasinati sa usa sa mga pagsulay nga gilaraw sa mga panid 313-17 (p. 117-21 sa Ingles). Isugyot nga sulayan sa matag usa ang pagdasig sa laing tawo sa dihang motungha ang panginahanglan.—Gal. 6:10.
Awit 131 ug paniklop nga pag-ampo.
Semana sa Abril 1
7 min: Lokal nga mga pahibalo. Pahinumdomi ang mga magmamantala sa pagtunol sa ilang mga taho sa pag-alagad sa kanataran alang sa Marso.
18 min: “‘Mga Gasa nga mga Lalaki’ nga Mahinangpong Nagabantay sa Panon sa Diyos.” Pakigpulong sa usa ka ansiyano. Hisgoti ang gisitar nga mga teksto. Ipakita kon sa unsang paagi ang makapadasig nga mga kasinatian makahimog resulta tungod sa pagpasibsib sa di-aktibo ug tungod sa pagtabang sa may kakulian sa pagbuhat sa ilang maarangan.
20 min: “Dugangi ang Imong Kalipay sa Pagsangyaw.”b Sa dihang hisgotan ang parapo 5, ipasundayag ang usa o duha ka pananglitan kon sa unsang paagi kita mahimong manguna sa pagduol sa usa ka tawo sa paghimog mubong pagpamatuod.
Awit 15 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.