Eskedyul sa Tigom sa Pag-alagad
Semana sa Hulyo 14
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 4, himoa ang duha ka realistikong mga pasundayag kon sa unsang paagi itanyag ang Hulyo 15 nga Bantayanang Torre ug ang Hulyo 22 nga Pagmata! diha sa teritoryo sa kongregasyon.
15 min: Sa Unsang Paagi ang Pagsimba Kang Jehova Magpatugob sa Atong Kinabuhi? Panaghisgot sa mamiminaw. Ang matuod nga pagsimba mao ang yawi sa usa ka malipayon ug makahuloganon nga kinabuhi. (1) Motabang kini kanato sa pagsagubang sa mga problema ug mga kabalaka sa kinabuhi. (Filip. 4:6, 7) (2) Modasig kini kanato sa pag-ugmad sa diyosnong mga hiyas. (2 Ped. 1:5-8) (3) Motabang kini kanato sa paggamit sa atong panahon ug mga kahinguhaan sa labing mapuslanong paagi. (1 Tim. 6:17-19) (4) Mohatag kinig seguradong paglaom alang sa umaabot. (2 Ped. 3:13) (5) Mopaarang kini kanato sa pag-ugmad ug suod nga relasyon uban kang Jehova. (Sant. 4:8) Itandi kon sa unsang paagi kining mga butanga wala mabatoni taliwala niadtong wala makaila o mag-alagad kang Jehova.
20 min: “Pagkamapasalamaton Tungod sa Kaluoy sa Diyos.”a Sa dihang hisgotan ang parapo 3, ihatag ang mga sugyot sa pagsugod ug ruta sa magasin, nga gipasukad sa Oktubre 1998 nga Atong Ministeryo sa Gingharian, panid 8. Pangutan-a ang usa o duha ka takos nga magmamantala kon unsang pamaagi ang nakaplagan nilang epektibo sa pagsugod ug mga pagtuon sa Bibliya. Dasiga ang tanan nga himoon nilang tumong nga makasugod ug makadumala ug usa ka pagtuon sa Bibliya.—om p. 91.
Awit 176 ug paniklop nga pag-ampo.
Semana sa Hulyo 21
10 min: Lokal nga mga pahibalo. Taho sa kuwenta.
15 min: “Hinumdomi ang Matinumanong mga Tigulang.”b Ilakip ang mga komento diha sa Agosto 1, 1994, Bantayanang Torre, panid 29. Hisgoti ang kahikayan alang sa mga maluyahon nga makataho ug tag-15 minutos sa pag-alagad sa kanataran. Hikaya ang pipila nga moasoy ug mga eksperyensiya nga magpakita kon sa unsang paagi ang pagpakig-uban sa maong mga maluyahon makahatag ug mga panalangin sa matag usa.
20 min: Sundoga ang Ilang Kaisog sa Pagsangyaw. Panaghisgot sa mamiminaw nga gipasukad sa librong Simbaha ang Diyos, mga panid 170-1. Dapita ang mamiminaw sa pagtubag sa mga pangutana nga gihatag sa parapo 7 ug ilakip ang gisitar nga mga teksto sa ilang mga komento. Pagpilig mga teksto nga angayng basahon. Ipasiugda ang mga leksiyon nga atong makat-onan gikan sa maong mga asoy ug kon sa unsang paagi kini makatabang kanato sa pagbaton ug hustong panglantaw sa atong asaynment sa pagsangyaw.
Awit 201 ug paniklop nga pag-ampo.
Semana sa Hulyo 28
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Hulyo. Ginamit ang mga sugyot sa panid 4, himoa ang duha ka separadong mga pasundayag kon sa unsang paagi itanyag ang Agosto 1 nga Bantayanang Torre ug ang Agosto 8 nga Pagmata! Sa usa sa mga pasundayag, ipakita ang magmamantala nga nagsangyaw sa di-pormal nga paagi.
15 min: Lokal nga mga panginahanglan.
20 min: “Magpalipay ang Grupong Pagsangyaw.”c Sa dihang hisgotan ang parapo 3, ilakip ang mga komento sa “Pangutana” sa panid 3 sa Septiyembre 2001 nga Atong Ministeryo sa Gingharian. Sa mubo interbiyoha ang usa ka magtatan-aw sa Pagtuon sa Libro sa Kongregasyon. Pangutana bahin sa mga kahikayan sa pag-alagad sa kanataran nga iyang gihimo alang sa iyang grupo sa pagtuon sa libro ug kon sa unsang paagi nakabenepisyo ang grupo gikan sa pagsangyaw nga magkauban.
Awit 36 ug paniklop nga pag-ampo.
Semana sa Agosto 4
10 min: Lokal nga mga pahibalo. Isulti ang tanyag nga literatura niining bulana. Ipasundayag ang usa o duha ka mubong mga presentasyon nga mahimong gamiton.
20 min: “Pagtanyag ug Literatura sa Teritoryong Lainlain ug Pinulongan.”d Gamita ang mga pangutana nga gitagana. Sa dihang hisgotan ang parapo 3, ipasundayag ang usa ka yanong presentasyon diha sa langyawng pinulongan nga makaplagan diha sa lokal nga teritoryo.—km 7/02 p. 1 par. 4.
15 min: Ang mga Batan-on Nanagdayeg Kang Jehova! Pakigpulong nga may panaghisgot sa mamiminaw ug mga interbiyo. Malipay kita sa pagkadungog sa mga batan-on nga mohatag ug naandam pag-ayong mga komento panahon sa mga tigom. Ang ilang kakugi ug pag-uswag diha sa Teokratikanhong Tunghaan sa Ministeryo maoy kahimut-anan. Gipasundayag nila ang tinuod nga pagtuo samtang mohatag sila ug maayong pagpamatuod diha sa ministeryo. Ang ilang diyosnong panggawi magpasidungog kang Jehova. (yb88 pp. 53-4) Ang ilang espirituwal nga pag-uswag nagpahilunag sukaranan alang sa umaabot nga mga pribilehiyo. Sa mubo interbiyoha ang duha o tulo ka Kristohanong mga batan-on kinsa regular nga nakig-ambit sa mga kalihokan sa kongregasyon. Mainitong dayega ang mga batan-on diha sa kongregasyon tungod sa ilang maayong mga paningkamot sa pagdayeg kang Jehova.
Awit 49 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
d Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.