Eskedyul sa Tigom sa Pag-alagad

Semana sa Oktubre 13

Awit 215

10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang duha ka realistikong mga pasundayag kon sa unsang paagi itanyag ang Oktubre 15 nga Bantayanang Torre ug ang Oktubre 22 nga Pagmata! Diha sa usa sa mga presentasyon, ipasundayag ang pagbalikduaw sa usa ka ruta sa magasin. Ipahiluna ang sukaranan alang sa sunod nga pagduaw pinaagi sa pagtagad sa kahon nga “Sa Among Sunod Gula.”​—Tan-awa ang Oktubre 1998 nga Atong Ministeryo sa Gingharian, p. 8, mga par. 7-8.

20 min: “Alagara si Jehova Uban ang Pagmaya.”a (Ang tanan angayng magdala sa pasukip sa Mayo 2002 nga Atong Ministeryo sa Gingharian alang niining maong panaghisgot.) Human mahisgoti ang parapo 4, hisgoti nga sa Nobyembre atong itanyag ang brosyur nga Gikinahanglan ug ang librong Kahibalo. Sa mubo sublia ang usa sa gisugyot nga mga presentasyon gikan sa pasukip sa Mayo 2002 nga Atong Ministeryo sa Gingharian. Dayon ipasundayag ang pagbansaybansay ginamit ang maong presentasyon. Dasiga ang tanan sa pagpangandam pag-ayo alang sa ministeryo.

15 min: Ang Pagdumalag mga Panagtuon sa Bibliya Magdalag mga Panalangin. Pakigpulong ug panaghisgot sa mamiminaw. Iasoy ang pipila ka eksperyensiya gikan sa atong mga publikasyon nga naglangkit sa mauswagong mga panagtuon sa Bibliya.​—w00 3/1 p. 6; yb98 pp. 55-60.

Awit 172 ug paniklop nga pag-ampo.

Semana sa Oktubre 20

Awit 86

10 min: Lokal nga mga pahibalo. Taho sa kuwenta.

20 min: “Pagpauswag sa Atong mga Mapahimutang nga Magasin.”b Dumalahon sa magtatan-aw sa pag-alagad kining bahina. Hisgoti kon unsa ka daghan ang napahimutang nga mga magasin sa kongregasyon sa matag bulan ug dasiga ang tanan sa pagbaton ug regular nga personal nga order.

15 min: Pakigpulong sa “Ikaw ba Matinuorong Nagapangita Kang Jehova?” nga gipasukad sa artikulo sa Agosto 15, 2003 nga Bantayanang Torre, mga panid 25-8.

Awit 112 ug paniklop nga pag-ampo.

Semana sa Oktubre 27

Awit 64

10 min: Lokal nga mga pahibalo. Dasiga ang tanan sa pagsubli sa ilang mga nota gikan sa programa sa adlawng espesyal nga asembliya niining tuiga agig pagpangandam sa Tigom sa Pag-alagad sa sunod semana. Ginamit ang mga sugyot sa panid 8, himoa ang duha sa separadong mga pasundayag kon sa unsang paagi itanyag ang Nobyembre 1 nga Bantayanang Torre ug ang Nobyembre 8 nga Pagmata! Diha sa usa sa mga presentasyon, ipasundayag kon sa unsang paagi dumalahon ang tigsumpo sa panaghisgot nga “Dili ako interesado.”​—Tan-awa ang librong Nangatarongan, p. 16.

20 min: Gamita ang Espada sa Espiritu. (Efe. 6:17) Panaghisgot sa mamiminaw nga gipasukad sa Tunghaan sa Ministeryo nga libro, mga panid 143-4. Pakomentohi kining mga pangutanaha: (1) Nganong gamiton man nato ang Bibliya sa pagtubag sa mga pangutana? (2) Ang ngalang mga Saksi ni Jehova nagpaila sa unsa bahin kanato? (3) Unsa ang panig-ingnan nga gihatag ni Jesus, ug sa unsang paagi atong masundog siya? (4) Diha sa lokal nga teritoryo, unsa ang pipila ka epektibong paagi sa paghatag sa mga panghunahuna sa Bibliya? (5) Nganong mapuslanon ang pagbasa nga deretso gikan sa Bibliya kutob sa maarangan? (6) Sa unsang paagi ang mga ansiyano makadasig sa uban sa paggamit pag-ayo sa Bibliya? Himoa ang naandam pag-ayong pasundayag nga gipasukad sa pagbansaybansay sa panid 144 diin ang takos nga magmamantala maggamit ug labing menos usa ka teksto sa pagtubag sa pangutana. Dasiga ang tanan nga himoon nilang tumong ang paggamit sa Bibliya sa matag higayon nga sila magpamatuod.

15 min: “Usa ka Buluhaton nga Nanginahanglag Pagkamapainubsanon.”c Sa dihang hisgotan ang parapo 3, dapita ang mamiminaw sa paghatag ug mga sugyot kon unsaon pagtubag kon dunay tawo diha sa teritoryo nga magyagayaga o walay batasan, o masuko kanato. Sa dihang hisgotan ang parapo 4, ilakip ang mga komento sa Insight, Tomo 1, panid 1160, parapo 3.

Awit 52 ug paniklop nga pag-ampo.

Semana sa Nobyembre 3

Awit 147

5 min: Lokal nga mga pahibalo.

15 min: Lokal nga mga panginahanglan.

25 min: Magmadato sa Maayong mga Buhat. (1 Tim. 6:18) Ginamit ang mga pangutana nga gitagana dinhi, dumalahon sa ansiyano ang panaghisgot sa mamiminaw bahin sa programa sa adlawng espesyal nga asembliya nga gipahigayon niining tuiga. Dapita ang kongregasyon sa pag-asoy kon sa unsang paagi ilang napadapat ang ilang nakat-onan. (Ang mga bahin mahimong iasayn daan.) Ipasiugda ang mosunod nga mga bahin sa programa: (1) “Maayong mga Buhat Magdalag Dakong Ganansiya.” (Eccl. 2:11) Nganong ang mga alagad sa Diyos nangagpas man sa maayong mga buhat nga gihubit diha sa Pulong sa Diyos inay sa way-pulos nga mga buhat niining kalibotana? (2) “Magmadato sa Panglantaw sa Diyos.” (Mat. 6:20) Sa unsang paagi ang uban ‘nagtigom ug mga bahandi sa langit,’ ug unsa ang mga benepisyo? (3) “Pauswaga ang Imong Ministeryo Uban sa Panagtuon sa Bibliya.” (om p. 91) Unsay makatabang kanato sa pagsugod ug pagdumala ug panagtuon sa Bibliya? (4) “Maayong mga Buhat Niining Panahon sa Ting-ani.” (Mat. 13:37-39) Unsang panig-ingnan sa maayong mga buhat ang gihatag sa unang mga Kristohanon, ug sa unsang paagi miuswag ang buluhaton sa Gingharian sa atong adlaw? (5) “Himayaa si Jehova Pinaagi sa Inyong Maayong mga Buhat.” (Mat. 5:14-16) Sa unsang paagi ‘gipalamdag sa uban ang ilang kahayag’? (6) “Dayega ang mga Batan-on Tungod sa Maayong mga Buhat sa Pagdayeg Kang Jehova.” (Sal. 148:​12, 13) Sa unsang paagi ang Kristohanong mga batan-on sa atong sirkito nagadayeg kang Jehova? (7) “Magpadayon sa Maayong mga Buhat ug Aniha ang mga Panalangin ni Jehova.” (Prov. 10:22) Samtang magmapuliki kita diha sa maayong mga buhat, unsang mga panalangin ang maani ingong indibiduwal, ingong pamilya, ingong kongregasyon, ug ingong tibuok-kalibotang organisasyon?

Awit 180 ug paniklop nga pag-ampo.

[Mga footnote]