Tipigi
Gisugyot nga mga Presentasyon sa Brosyur
Adunay nagkalainlaing mga sugyot niini nga pasukip nga makatabang kanimo sa pag-andam ug mga presentasyon sa pagtanyag ug mga brosyur. Ang maong mga presentasyon ikapahiuyon sa lokal nga mga kahimtang. Mahimong gamiton usab ang ubang mga presentasyon. Pinaagi sa paggamit sa mosunod nga mga sugyot ingong sulondan, makagama kag mga presentasyon para sa mga brosyur nga wala hisgoti niini nga pasukip.—Tan-awa ang Enero 2005 nga Atong Ministeryo sa Gingharian, p. 8.
Ang matag usa sa mga sugyot dinhi naglakip sa (1) makapukaw-sa-hunahuna nga pangutana aron masugdan ang usa ka kabildohay, (2) usa ka reperensiya diin makaplagan ang mga puntong igsusulti diha sa brosyur, ug (3) nahiangayng teksto nga mahimong basahon panahon sa kabildohay. Ikaw na lay mag-igo sa pagsumpay sa presentasyon, segun sa sanong sa tawong gikaestorya.
Usa ka Basahon Alang sa Tanang Tawo
“Sa imong hunahuna, ang Bibliya ba dunay tambag nga mapuslanon alang sa atong adlaw?”—p. 22, kapsiyon; p. 23, par. 3 sa kahon; Prov. 25:11.
Makapatagbaw nga Kinabuhi—Kon Unsaon Pag-angkon Niini
“Ang mga tawo sa tibuok kalibotan nagtinguha ug mas maayong kinabuhi. Sa imong hunahuna, posible bang maangkon ang makapatagbaw gayod nga kinabuhi?”—p. 29, par. 6; 2 Ped. 3:13.
Tagamtama ang Kinabuhi sa Yuta sa Walay Kataposan!
“Daghang tawo naghunahuna nga kinahanglan silang malangit aron makatagamtam ug kinabuhing walay kataposan, apan unsay imong hunahuna bahin sa pagpuyo dinhi sa yuta sa walay kataposan?”—Ilustrasyon sa hapin; Pin. 21:4.
Angay ba Nimong Tuohan ang Trinidad?
“Nagkalainlain ang mga opinyon sa mga tawo bahin sa matuod nga kinaiyahan sa Diyos. Sa imong hunahuna, hinungdanon ba kon unsay atong pagtuo bahin niana?”—p. 3, mga par. 3, 7-8; Juan 17:3.
Ang Balaang Ngalan nga Magapadayon sa Walay Kataposan
“Ang kadaghanan nato nahibalo sa pag-ampo nga nagsugod sa ‘Amahan namo nga anaa sa langit, pagabalaanon unta ang imong ngalan.’ (Mat. 6:9, American Standard Version) Apan nahibalo ka ba nga ang atong kaluwasan nalangkit sa pagkaila sa maong ngalan?”—p. 28, par. 1; Roma 10:13.
Ang Kagamhanang Mopatunghag Paraiso
“Daghang tawo nangandoy ug solusyon sa mga suliran nga atong giatubang karong adlawa. Sa imong hunahuna, aduna bay usa ka kagamhanan nga makasulbad sa maong mga suliran?”—p. 3, par. 1; Mat. 6:9, 10.
Unsay Mahitabo Kanato sa Dihang Mamatay Kita?
“Sa dihang mamatay ang atong mga minahal, natural lamang nga kita maghunahuna kon hain na sila ug kon makita pa ba nato sila pag-usab. Nakahunahuna ka na bag mga pangutana nga sama niana?”—Ang mga pangutana anaa sa hapin sa likod; Job 14:14, 15.
Sa Dihang ang Imong Minahal Mamatay
“Karong adlawa among gitanyag kining maong brosyur nga nakahatag kahupayan ug paglaom sa milyonmilyon nga namatyan ug mga minahal. Gusto ba nimong masayran kon unsay paglaom sa mga patay?”—p. 27, par. 3; Juan 5:28, 29.
“Gusto ba nimong masayran kon unsaon paghupay ang usa ka tawo nga namatyan ug minahal?”—p. 20, par. 1; Prov. 17:17.
Mga Sugyot sa Pagtanyag sa Tinuod Bang May Pagtagad ang Diyos Kanato?
Human hisgoti ang usa ka gibalita nga trahedya, ikaw makaingon:
“Gusto ba nimong masayran kon nganong gitugotan sa Diyos nga mag-antos ang mga tawo kon tinuod siyang may pagtagad kanato? [Patubaga.] Kining brosyura adunay makapatagbaw nga tubag sa maong pangutana ug kini magpakita kon unsay himoon sa Diyos sa dili na madugay. [Ipakita ang mga ilustrasyon sa panid 27, ug basaha ang Salmo 145:16 gikan sa parapo 22.] Sa unsang paagi taposon sa Diyos ang tanang pag-antos nga naagoman sa katawhan? Tubagon ko kana sa sunod kong pagduaw.” Itanyag ang brosyur, ug hikaya ang imong pagbalik.
Sa pagbalikduaw, ikaw makaingon:
“Sa miagi kong pagduaw, gibasa nato kining tekstoha. [Basaha o kutloa ang Salmo 145:16.] Unya gipatungha ko ang pangutana: Sa unsang paagi taposon sa Diyos ang tanang pag-antos nga naagoman sa katawhan?” Ipakuha niya ang iyang brosyur. Unya paklia sa mga panid 27-8, ug hisgoti ang mga parapo 23-5. Itanyag ang usa ka pagtuon sa Bibliya, o hikaya nga inyong hisgotan ang mga parapo 26-7 sa sunod nga pagduaw.
**********
Usa ka tin-edyer nga magmamantala makaingon:
“Ang daghan nga pareho nakog edad nabalaka kon unsa unyay kahimtang sa kalibotan paglabay sa 10 o 15 ka tuig. Sa imong hunahuna, unsa kahay kahimtang unya sa kinabuhi? [Patubaga.] Ang mga sulirang atong nakita karon nagpaila nga nagkinabuhi na kita sa kataposang mga adlaw. [Basaha ang 2 Timoteo 3:1-3.] Kining brosyura motubag sa mosunod nga mga pangutana. [Basaha ang mga pangutana sa hapin, ug itanyag ang brosyur.] Sa akong pagbalik, kon duna kay pipila ka minuto, buot kong ipaambit kanimo ang makapadasig nga impormasyon bahin sa pagkawala sa sakit ug pagkatigulang.” Hikaya ang imong pagbalik.
Sa imong pagbalik, ikaw makaingon:
“Sa kataposan natong kabildohay, gihisgotan ko nga buot kong ipaambit kanimo ang impormasyon bahin sa pagkawala sa sakit ug pagkatigulang. Ang maong punto makita dinhi.” Ipakuha niya ang iyang brosyur. Unya basaha ug hisgoti ninyo ang mga parapo 6-7 sa mga panid 23-4. Hikaya nga inyong hisgotan ang mga parapo 8-9 sa sunod nga pagduaw.
**********
Sa dihang magsangyaw nga may kauban nga bata, ang hamtong mahimong magpaila kanilang duha ug moingon:
“Kon imong itugot, basahon ni ________ ang usa ka teksto alang kanimo. [Basahon sa bata ang Salmo 37:29 ug ihatag ang mubong komento.] Gihisgotan niining brosyura kon sa unsang paagi tumanon sa Diyos ang iyang katuyoan alang sa tawo ug sa yuta. [Ipakita ang mga hulagway sa mga panid 24-7.] Sa among pagbalik, akong ipakita kanimo ang kahibulongang saad sa Bibliya bahin sa pagkabanhaw.” Itanyag ang brosyur, ug hikaya ang inyong pagbalik.
Sa pagbalikduaw, ang hamtong makaingon:
“Sa miagi namong pagduaw, among gibasa ang Salmo 37:29 ug gihisgotan ko nga akong ipakita kanimo ang giingon sa Bibliya bahin sa pagkabanhaw. Matikdi kon unsay gipahayag dinhi.” Ipakuha ang iyang brosyur. Unya hisgoti ang mga parapo 12-14 sa mga panid 24-5. Itanyag ang usa ka pagtuon sa Bibliya, o hikaya ang paghisgot sa mga parapo 15-16 sa sunod nga pagduaw.
Mga Sugyot sa Pagtanyag sa Unsa ang Katuyoan sa Kinabuhi—Sa Unsang Paagi Makaplagan Nimo Kini?
Human mangomosta sa tagbalay, ikaw makaingon:
“Ang kinabuhi karon napuno gayod ug mga suliran ug mga kapakyasan. Sa imong hunahuna, gituyo ba gayod nga maingon niini ang kinabuhi? [Patubaga.] Gipakita niining brosyura nga ang orihinal nga katuyoan sa Diyos alang sa tawo ug sa yuta pagatumanon pa. [Hisgoti ang hulagway sa mga panid 20-1. Unya basaha ang parapo 9, nga ipasiugda ang Isaias 14:24 ug 46:11.] Inig-anhi nako sa sunod higayon, akong ipakita kanimo nga ang Bibliya naghisgot nga ipasig-uli sa Diyos ang Paraiso dinhi sa yuta.” Itanyag ang brosyur, ug hikaya ang imong pagbalik.
Sa imong pagbalik, ikaw makaingon:
“Gihisgotan ko sa miagi nga maoy katuyoan sa Diyos nga ang mga tawo mabuhing walay kataposan sa usa ka paraisong yuta. [Ipakita pag-usab ang hulagway sa mga panid 20-1.] Matikdi nga si Jesus, si Pedro, ug si David naghisgot bahin sa Paraiso.” Ipakuha niya ang iyang brosyur. Unya paklia sa mga panid 21-2, ug hisgoti ang mga parapo 10-13. Itanyag ang usa ka pagtuon sa Bibliya, o hikaya ang paghisgot sa usa sa mga sub-ulohan sa mga panid 29-30 sa sunod nga pagduaw.
**********
Ang usa ka tin-edyer nga magmamantala makaingon:
“Ang daghan nga pareho nakog edad wala makatino kon unsay umaabot. Sa imong hunahuna, maarang-arang ba unya ang kinabuhi alang sa sunod nga kaliwatan? [Patubaga.] Ang Bibliya naghisgot ug maayong kaugmaon alang sa tanang tawo. [Buksi ang brosyur sa ilustrasyon sa panid 31, ug basaha ang kapsiyon. Unya basaha ang 2 Pedro 3:13.] Kining brosyura adunay impormasyon bahin sa mga panalangin nga gitagana sa Diyos alang sa katawhan. [Ipasiugda ang tataw nga mga sub-ulohan sa mga panid 29-30, ug itanyag ang brosyur.] Gusto kong moduaw pag-usab ug ipaambit kanimo ang saad sa Diyos nga iyang taposon ang tanang gubat.” Hikaya ang imong pagbalik.
Sa imong pagbalik, ikaw makaingon:
“Sa kataposan kong pagduaw, gihisgotan ko kadiyot ang katuyoan sa Diyos nga ipasig-uli ang yutan-ong paraiso. [Ipakita pag-usab ang hulagway sa panid 31.] Buot kong madunggan kon unsay imong hunahuna bahin sa saad sa Diyos nga taposon ang tanang gubat.” Ipakuha niya ang iyang brosyur. Unya basaha ug hisgoti ang mga parapo 3-6 sa panid 29. Hikaya ang paghisgot sa mga parapo 7-8 sa sunod nga pagduaw.
**********
Sa dihang magsangyaw nga may kauban nga bata, ang hamtong mahimong makapaila kanilang duha ug moingon:
“Kon imong itugot, ipakita kanimo ni ________ ang usa ka hulagway ug basahon niya ang usa ka bersikulo gikan sa Bibliya. [Ipakita sa bata ang hulagway ug iyang basahon ang kapsiyon sa panid 31 ug unya basahon ang Pinadayag 21:4.] Kining brosyura mopatin-aw kon unsay buhaton sa Diyos bahin sa mga suliran nga atong giatubang karon. [Ipasiugda kadiyot ang tataw nga mga sub-ulohan sa mga panid 29-30, ug itanyag ang brosyur.] Sa among pagbalik, ipakita ko kanimo ang giingon sa Bibliya bahin sa kataposan sa tanang suliran sa panglawas.”
Sa pagbalikduaw, ang hamtong makaingon:
“Sa kataposan natong kabildohay, gihisgotan ko nga akong ipakita kanimo ang giingon sa Bibliya bahin sa kataposan sa tanang suliran sa panglawas. Matikdi kon unsay gipahayag dinhi.” Ipakuha niya ang iyang brosyur. Unya hisgoti ninyo ang mga parapo 9-14 sa panid 29. Itanyag ang usa ka pagtuon sa Bibliya, o hikaya ang paghisgot sa mga parapo 15-17 sa sunod nga pagduaw.
Mga Brosyur Alang sa mga Tawo nga Dili-Kristohanon ug Relihiyon
Lasting Peace and Happiness—How to Find Them
Sa dihang magsangyaw sa Insek nga estudyante, ikaw makaingon:
“Akong nasayran nga ang tanang estudyante gustog pakigdait ug kalipay. Nagtuo ka ba nga kini hinungdanon? [Patubaga.] Dili ba unya talagsaon sa dihang makita nimo nga matuman kining karaang mga pulong?” Basaha ang Salmo 37:11, ug itanyag ang brosyur.
“Tan-awa! Ginabag-o Ko ang Tanang Butang”
Ikaw makaingon sa usa ka edaran nga Budhista:
“Tingali ikaw nabalaka sama nako bahin sa pagdagsang karon sa dili-maayong mga ideya ug sa epekto niini diha sa atong mga anak. Nganong nagdaghan ang mga batan-on nga nagbuhat ug imoralidad? [Patubaga.] Nahibalo ka ba nga kini gitagna diha sa usa ka basahon nga dugay nang gisugdan pagsulat sa wala pa matukod ang Muslim, Kristiyano, ug Hindu nga mga relihiyon? [Basaha ang 2 Timoteo 3:1-3.] Matikdi nga kining mga kahimtanga naglungtad bisan pa sa padayon nga pagbaton ug kahibalo. [Basaha ang bersikulo 7.] Kining basahona nakatabang nako sa pagsabot sa kamatuoran nga wala gayod hikat-oni sa kadaghanang tawo. Gusto ba nimong basahon kini?”—km 8/99 p. 8.
Our Problems—Who Will Help Us Solve Them?
Sa batan-ong Hindu, ikaw makaingon:
“Walay duhaduha nga ikaw nagtuo ug Diyos. Sa imong hunahuna, unsa ang katuyoan sa Diyos alang kanato? [Patubaga. Unya basaha ang Genesis 1:28.] Sa daghang bahin sa yuta, nagsugwak ang populasyon ug kini punog mga suliran. Sa imong hunahuna, andam bang motabang kanato ang Maglalalang sa pagsulbad sa atong mga suliran?” Patubaga. Unya itanyag ang brosyur.—km 9/99 p. 8.
The Guidance of God—Our Way to Paradise
Sa dihang makigsulti sa usa ka Muslim, ikaw makaingon:
“Ako naningkamot gayod nga makigsulti sa mga Muslim. Nasabtan ko nga ang mga Muslim nagtuo sa usa ka matuod nga Diyos ug sa tanang manalagna. Tinuod ba? [Patubaga.] Gusto kong hisgotan kanimo ang usa ka karaang tagna nga naghisgot nga ang yuta mahimong usa ka paraiso. Mahimo bang basahon ko kanimo ang gisulat sa manalagna? [Patubaga. Unya basaha ang Isaias 11:6-9.] Kining tagnaa makapahinumdom kanako sa usa ka kinutlo gikan sa Koran nga ania niining brosyura.” Paklia sa panid 9, ug basaha ang kinutlo nga gipatik sa tataw nga letra. Kon magpakitag interes, ipadayon ang kabildohay pinaagi sa paghisgot sa mga parapo 7-9 sa atbang nga panid.—km 11/99 p. 8.
Why Should We Worship God in Love and Truth?
Kini nga presentasyon basin makadani sa usa ka Hindu nga may pamilya:
“Giduaw ko ang mga tawong nabalaka sa kahimtang sa pamilyahanong kinabuhi sa daghang kanasoran karon. Sa imong hunahuna, unsay makatabang sa paghiusa sa pamilya? [Patubaga.] Nahibalo ang pipila ka tawo kon unsay giingon sa Hindu nga kasulatan bahin sa pamilya, apan sila wala gayod makatandi niana sa giingon sa Bibliya bahin sa maong ulohan. Buot kong ipaambit kanimo kining impormasyona. [Basaha ang Colosas 3:12-14.] Kining brosyura nagsusi sa sagradong mga sinulat sa India ug sa Bibliya usab.” Itanyag ang brosyur, ug ipasiugda ang mga panid 8-9 ug 20-1.—km 9/99 p. 8.
Will There Ever Be a World Without War?
Sa dihang magsangyaw sa usa ka Hudiyo, ikaw makaingon:
“Kitang tanan may makapasubong kasinatian tungod sa pagkamatay sa usa ka minahal. Sa imong hunahuna, unsay mahitabo kanato sa dihang mamatay kita?” Patubaga. Unya ipasiugda ang kahong “Death and the Soul—What Are They?” sa panid 22 sa brosyur. Basaha ang parapo 17 sa panid 23 mahitungod sa pagkabanhaw. Hisgoti nga ang patriarkang si Job naghambin sa paglaom sa pagkabanhaw. Itanyag ang brosyur, ug hikaya nga mobalik ka aron hisgotan ang mga teksto nga gisitar sa kataposan sa parapo 17.—km 10/99 p. 8.