Mga Pahibalo

◼ Tanyag nga literatura sa Hunyo: Itanyag ang Pagkakat-on Gikan sa Dakong Magtutudlo. Kon ang mga tawo moingon nga wala silay mga anak, itanyag ang brosyur nga Gikinahanglan ug paningkamoting makasugod ug pagtuon sa Bibliya. Hulyo ug Agosto: Mahimong itanyag ang bisan unsang mga brosyur. Septiyembre: Life—How Did It Get Here? By Evolution or by Creation? Kon ang mga tagbalay dili modawat sa tanyag nga libro, itanyag ang brosyur nga Padayon sa Pagbantay!

◼ Kon magplano kamong motambong sa mga tigom sa kongregasyon, asembliya, o distritong kombensiyon sa laing nasod, ang inyong hangyo alang sa impormasyon labot sa petsa, oras, ug dapit kinahanglang ipadala ngadto sa sangang buhatan nga nagdumala sa buluhaton nianang nasora. Ang mga adres sa mga sangang buhatan gilista sa kataposang panid sa kinabag-ohang Tinuig nga Basahon.

◼ Ang mga sekretaryo sa kongregasyon kinahanglang maghupot ug usa ka tuig nga suplay sa mga porma nga Application for Regular Pioneer Service (S-205) ug Application for Auxiliary Pioneer Service (S-205b). Mahimo kining orderon diha sa pormang Literature Request (S-14).

◼ Ang usa ka kopya sa librong Organisado Aron Buhaton ang Kabubut-on ni Jehova kinahanglang ilakip sa librarya sa Kingdom Hall. Ang dugang kasayoran bahin sa mga librarya sa Kingdom Hall makita diha sa Pebrero 2003 nga Atong Ministeryo sa Gingharian, panid 5, ug diha sa “Pangutana” sa Hulyo 1997 nga Atong Ministeryo sa Gingharian.