Eskedyul sa Tigom sa Pag-alagad
Semana sa Marso 13
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 4, ipasundayag kon unsaon pagtanyag ang Marso 15 nga Bantayanang Torre ug ang Marso nga Pagmata! Sa kataposan sa matag presentasyon, ipadapit sa magmamantala ang tagbalay sa pagtambong sa Memoryal ginamit ang luyo nga hapin sa magasin nga iyang gitanyag.
15 min: “Tabangi ang Uban sa Pagpahimulos sa Lukat.”a Ang mosunod nga bahin maghisgot ug dugang kon sa unsang paagi atong magamit ang mga panid 206-8 sa librong Gitudlo sa Bibliya sa dihang magdapit ug mga tawo sa pagtambong sa Memoryal.
20 min: Ang Panihapon sa Ginoo—Usa ka Saulog nga Makapasidungog sa Diyos. Pangutanag-tubag nga panaghisgot nga gipasukad sa mga panid 206-8 sa librong Gitudlo sa Bibliya. Sa introduksiyon nga kubos sa usa ka minuto, ipakita kon sa unsang paagi ikapresentar ang ulohan ngadto sa tagbalay pinaagi sa pagbasa sa unang parapo. Dayon dapita ang mamiminaw sa pagkomento bahin sa mosunod nga mga pangutana nga dili na basahon ang mga parapo: (par. 2) Kanus-a gisugdan ni Jesus ang Memoryal sa iyang kamatayon? (par. 3) Unsa ka subsob angayng saulogon ang Panihapon sa Ginoo? (par. 4) Sa unsang paagi gihubit sa Bibliya ang saulog sa Memoryal? (par. 5) Sa unsang paagi nahibalo kita nga wala himoa ni Jesus ang tinapay nga literal niyang unod ug ang bino nga literal niyang dugo? (par. 6) Unsay gisimbolohan sa tinapay nga walay lebadura? (par. 7) Unsay gihawasan sa pulang bino? (par. 8) Kinsa lamang ang angayng makig-ambit sa tinapay ug bino? (par. 9) Kanus-a saulogon ang Memoryal sa matag tuig, ug nganong angay kitang motambong? Ipasiugda ang yawing mga teksto segun sa itugot sa oras. Dasiga ang tanan sa pagtuon niining impormasyona uban sa mga ginatun-an sa Bibliya ug sa uban pa nga ilang dapiton sa pagtambong sa Memoryal pinaagi sa pagbasa sa mga parapo, paghisgot sa pangunang mga punto, ug pagsuknag simpleng mga pangutana, sama nianang gitagana niini nga bahin.
Awit 134 ug paniklop nga pag-ampo.
Semana sa Marso 20
10 min: Lokal nga mga pahibalo. Hisgoti ang pangunang mga punto gikan sa kahon nga “Mga Pahinumdom sa Memoryal.”
23 min: Ang Papel ni Kristo Diha sa Kahikayan sa Diyos. Pakigpulong nga gipasukad sa Organisado Aron Buhaton ang Kabubut-on ni Jehova, mga panid 10-13. Sa dihang hisgotan ang unang duha ka parapo ubos sa sub-ulohang “Kon Unsa ang Papel ni Kristo,” gamita ang tulo o upat ka minuto sa pagsugyot ug pagpasundayag sa mga paagi sa paggamit sa Imbitasyon sa Memoryal. Hisgoti ang mga sugyot diha sa Pebrero 2006 nga Atong Ministeryo sa Gingharian, panid 3, parapo 3.
12 min: Napalig-on Pinaagi sa Pagsusi sa Kasulatan sa Adlaw-Adlaw. Pakigpulong ug pasundayag nga gipasukad sa pasiuna sa Pagsusi sa Kasulatan sa Adlaw-Adlaw—2006. Hikaya ang pasundayag sa usa ka pamilya nga naghisgot sa teksto ug mga komento karong adlawa.
Awit 103 ug paniklop nga pag-ampo.
Semana sa Marso 27
15 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Marso. Basaha ang mga taho sa kuwenta ug ang mga pasalamat sa donasyon. Ginamit ang mga sugyot sa panid 4 o ubang presentasyon nga haom sa inyong teritoryo, ipasundayag kon unsaon pagtanyag ang Abril 1 nga Bantayanang Torre ug ang Abril nga Pagmata! Ipakita usab kon unsaon paggamit ang pinatik nga imbitasyon sa pagdapit sa mga tawong interesado sa pagtambong sa Memoryal.
10 min: Ang Diyos pa ba Gihapon ang Nagmando? Pakigpulong ug pasundayag nga gipasukad sa likod nga hapin sa Abril 1, 2006, Bantayanang Torre. Pahimusli ang tanang kahigayonan sa pagdapit sa mga tawo sa pagtambong sa espesyal nga pakigpulong publiko. Paneguroa nga dapiton ang matag ginatun-an sa Bibliya maingon usab ang mga membro sa iyang pamilya nga wala magtuon sa Bibliya. Ang tanang nailhang mga tawong interesado ug ang uban nga atong mahibalag diha sa pag-alagad sa kanataran kinahanglang mahatagan niini nga imbitasyon. Ipasundayag kon unsaon paggamit ang Abril 1 Bantayanang Torre sa dihang dapiton ang usa nga di-aktibo o wala na magtambongan sa mga tigom.
20 min: Lokal nga mga kasinatian. Dapita ang mamiminaw sa pag-asoy ug mga kasinatian nga ilang napahimuslan sa pagtanyag ug librong Gitudlo sa Bibliya sa Marso. Ipasiugda ang mga pagtuon sa Bibliya nga nasugdan. Mahimong ipasundayag ang tinuod nga nahitabo sa usa o duha ka talagsaong mga kasinatian.
Awit 170 ug paniklop nga pag-ampo.
Semana sa Abril 3
15 min: Lokal nga mga pahibalo. Hisgoti kadiyot ang artikulo nga “Pahimusli ang Atong Pagtuon sa Unsay Tinuod nga Gitudlo sa Bibliya?” nga makita sa panid 6 sa Pebrero 2006 nga Atong Ministeryo sa Gingharian. Dad-a ang pagtagad ngadto sa eskedyul sa pagtuon sa librong Gitudlo sa Bibliya. Ipakita usab kon unsaon paggamit ang pinatik nga imbitasyon sa pagdapit sa mga tawong interesado sa pagtambong sa Memoryal.
10 min: Lokal nga mga panginahanglan.
20 min: “Tudloi ang mga Maaghop sa Paglakaw Diha sa Dalan sa Diyos.”b Ilakip ang mga komento nga gipasukad sa Hulyo 1, 2004, Bantayanang Torre, panid 16, parapo 9.
Awit 93 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.