Eskedyul sa Tigom sa Pag-alagad

Semana sa Mayo 8

Awit 2

10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Nga gamiton ang mga sugyot sa panid 4, ipasundayag kon unsaon pagtanyag ang Mayo 15 nga Bantayanang Torre ug ang Mayo nga Pagmata!

20 min: “Magpadayon sa Pagsunod Kanako.”a Interbiyoha sa mubo ang usa ka sulondang magmamantala nga nanlimbasog sa pagpayano sa iyang pagkinabuhi ug naglimite sa personal nga mga kalihokan aron labaw pa ang iyang mabuhat sa pagpauswag sa intereses sa Gingharian ug sa pag-alagad sa uban. Ipasiugda ang mga panalangin nga iyang nadawat tungod sa pagbuhat niana.

15 min: Lokal nga mga kasinatian. Dapita ang mamiminaw sa pagkomento bahin sa mga panalangin nga ilang nadawat tungod sa pagkugi pag-ayo diha sa ministeryo sa bulan sa Marso ug Abril. Ipasiugda ang mga resulta nga nakab-ot diha sa pagsugod ug mga pagtuon sa Bibliya ug sa pagtabang sa mga bag-ohan aron makatambong sa Memoryal.

Awit 91 ug paniklop nga pag-ampo.

Semana sa Mayo 15

Awit 9

10 min: Lokal nga mga pahibalo. Dasiga ang tanan nga makahimo sa pagtan-aw sa video nga Noah—He Walked With God agig pagpangandam alang sa Tigom sa Pag-alagad sa semana sa Mayo 29.

10 min: Pagtambayayongay Ubos sa Pagpanguna ni Kristo. Usa ka pakigpulong nga gipasukad sa mga impormasyon ubos sa sub-ulohang “Kon Unsay Kahulogan nga Ilhon ang Iyang Papel” sa mga panid 13-15 sa Organisado Aron Buhaton ang Kabubut-on ni Jehova.

25 min: “Pagpanukod ug mga Kingdom Hall—Usa ka Hinungdanong Bahin sa Sagradong Pag-alagad.”b Sa dihang maghisgot sa parapo 2, ipakita ang pormang Kingdom Hall Construction Volunteer Program (A-25) ug ipatin-aw kon sa unsang paagi makakuhag mga kopya. Interbiyoha ang pipila nga nakaapil sa pagpanukod o pagpang-ayo ug mga Kingdom Hall.

Awit 133 ug paniklop nga pag-ampo.

Semana sa Mayo 22

Awit 86

12 min: Lokal nga mga pahibalo. Basaha ang taho sa kuwenta ug mga pasalamat sa donasyon. Nga gamiton ang mga sugyot sa panid 4, ipasundayag kon unsaon pagtanyag ang Hunyo 1 nga Bantayanang Torre ug ang Hunyo nga Pagmata! Ingong tagboanan sa mga demonstrasyon, ipakita ang usa ka pamilya nga nagbansaybansay kon unsaon pagtanyag.

15 min: “Ipakita ang Personal nga Interes—Pinaagi sa Pagkamapuangoron.”c Paghatag ug tinong lokal nga mga panig-ingnan nga magpakita kon nganong kinahanglan kitang magmahunahunaon kanunay sa mga pagbati sa mga tawo diha sa atong ministeryo.

18 min: Maayong Personal nga Panagway. Panaghisgot uban sa mamiminaw nga gipasukad sa librong Tunghaan sa Ministeryo, mga panid 131-3. Hisgoti ang lima ka prinsipyo nga nalista nga adunay kalabotan sa atong pamesti ug pagpamostura. Hisgoti nga makagamit kita sa mataktikanhong paagi sa maong impormasyon sa pagtabang sa mga gitun-an sa Bibliya nga makasabot kon unsay hustong pagpamesti sa pagtambong sa mga tigom sa kongregasyon.

Awit 215 ug paniklop nga pag-ampo.

Semana sa Mayo 29

Awit 42

10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Mayo.

10 min: Itanyag ang librong Magtutudlo sa Hunyo. Nga gamiton ang mga sugyot sa mga panid 3-4 sa Enero 2005 nga Atong Ministeryo sa Gingharian o ubang mga presentasyon nga angay sa inyong teritoryo, ipasundayag kon unsaon pagtanyag ang librong Pagkakat-on Gikan sa Dakong Magtutudlo.

25 min: “Usa ka Panig-ingnan Alang sa Tanang Panahon.” Human sa usa ka introduksiyon nga kubos sa usa ka minuto, isunod dayon ang panaghisgot uban sa mamiminaw bahin sa pasulit alang sa Noah nga video, nga gamiton ang tanang pangutana nga nalista sa ikaduhang parapo. Unya ipaasoy sa mga pamilya kon sa unsang paagi sila nakabenepisyo gikan sa pagpakigbahin sa gisugyot nga “Learning Activities” sa DVD nga edisyon. Human niana, hisgoti ang pangutana ug ang mga tekstong anaa sa ikatulong parapo. (Matikdi: Bisan pag walay usa sa kongregasyon ang nakatan-aw sa maong DVD, ang tanan makakat-on gikan sa madasigong panaghisgot sa pasulit uban sa gisitar nga mga teksto.)

Awit 9 ug paniklop nga pag-ampo.

Semana sa Hunyo 5

Awit 176

10 min: Lokal nga mga pahibalo.

15 min: Lokal nga mga panginahanglan.

20 min: Kon sa Unsang Paagi Magmalamposon sa Paghimog mga Balik-duaw. Panaghisgot uban sa mamiminaw nga gipasukad sa kahon sa panid 16 sa Nobyembre 15, 2003, Bantayanang Torre. Hisgoti ang matag usa sa pito ka sugyot, ug dapita ang mamiminaw sa pagkomento kon sa unsang paagi kini mapadapat sa maong dapit. Nga gamiton ang usa sa mga sugyot nga anaa sa panid 6 sa Enero 2006 nga Atong Ministeryo sa Gingharian, ipasundayag kon unsaon pagtanyag ug pagtuon sa Bibliya sa dihang mohimog balik-duaw.

Awit 57 ug paniklop nga pag-ampo.

[Mga footnote]