Pangutana

◼ Maayo bang magtigom ug materyal nga gamiton sa Teokratikanhong Tunghaan sa Ministeryo ug iapod-apod kana sa uban?

Kini gitugotan alang personal nga gamit sa mga membro sa pamilya ug sa pipila ka suod nga mga higala. Apan, ang maong materyal dili gayod angayng tigomon aron iapod-apod sa tanan o pabayran, tungod kay kini maoy paglapas sa copyright laws o mga katungod sa pagpatik.—Roma 13:1.

May mga asaynment sa Teokratikanhong Tunghaan sa Ministeryo nga tema lang ang gihatag; walay gipakita nga mga reperensiya ingong tinubdan sa materyal. Maayo ba alang sa usa nga mag-­andam ug listahan sa mga reperensiya o magtigom ug tinubdang materyal nga magamit niadtong hatagan sa maong mga asaynment? Dili. Ug dili usab maayong magkopya ug mga tubag sa mga pangutana sa Repaso sa Teokratikanhong Tunghaan sa Ministeryo para sa uban, tungod kay kini dili makatabang kanila sa paghinumdom sa hinungdanong mga punto. Ang mga estudyante kinahanglang maghimog kaugalingong panukiduki. Kini maoy usa ka hinungdanong bahin sa pagbansay nga gihatag ni Jehova pinaagi sa tunghaan aron matabangan kita sa pagsulti uban ang “dila sa mga tinudloan.”—Isa. 50:4.