Ginatudloan ni Jehova
1 Ang Isaias 50:4 nagpatugbaw: “Ang Soberano Ginoong Jehova sa iyang kaugalingon mihatag kanato sa dila nga ila sa mga tinun-an, aron ako mahibalo sa pagtubag sa gikapoyan uban sa pulong.” Ang usa ka paagi nga ginahimo kini ni Jehova maoy pinaagig pagbansay nga gitagana sa Teokratikanhong Ministeryong Tunghaan. Ang tinagsatagsa nga panlimbasog, hinuon, gikinahanglan gihapon. Ang Giya sa Tunghaan sa panid 39 nag-ingon: “Bisag pila ka panahon na nga imong nadumala ang usa ka matang sa asaynment, ang pagpangandam kanunayng bililhon.” Kini mapadapat kanatong tanan, kita man naapil diha sa tunghaan sa pipila pa lamang ka bulan o sukad ang maong tunghaan gisugdan niadtong 1943.
2 Ang pagpangandam nagalakip sa pagkamahunahunaon sa gitagal nga panahon. Ang mga instruksiyon nag-ingon: “Walay pakigpulong nga mosobra sa panahon.” Kon ang igsoon nga gihatagan sa ‘Assignment No. 1’ kanunay nga manobra sa panahon, siya gayod hatagan ug pribadong tambag. Ang magtatan-aw sa tunghaan kinahanglan usab nga magsugod sa maong miting sa hustong panahon ug magpabilin nianang gitagal nga panahon alang sa iyang tambag.
3 Ang bahin sa ‘Bible highlights’ dili kay yano lang nga pagsubli sa gitudlong materyal. Abagan sa mamumulong ang mamiminaw sa pag-apresyar kon ngano ug kon sa unsang paagi ang impormasyon maoy bililhon nganhi kanato.
4 Sa ‘Talk No. 3’ ang lainlaing kahimtang o tagboan (setting) mahimong gamiton. Pero ginabutang sa hunahuna ang lintunganay nga katuyoan sa maong tunghaan, nga mao ang pagtabang kanato sa pagtanyag sa kamatuoran sa husto ug matin-aw nga paagi, gipalabi nga ang mga tagboan maglangkit sa pag-alagad sa kanataran o sa impormal nga pagpamatuod.
5 Ang ‘Talk No. 4,’ kon gikan kana sa librong Mga Pangutanang Gisukna sa mga Batan-on—Mga Tubag nga Mosaler, igatudlo ngadto sa bag-ohan o batan-ong mga estudyante. Kining mga pakigpulonga magpulipuli sa kada laing semana uban sa presentasyon gikan sa basahong Nangatarongan. Uban sa ‘Talk No. 3’ ug ‘Talk No. 4,’ ang estudyante kinahanglang mogamit sa tema nga gibutyag.
6 Gikinahanglan ang pagbantay kon may ipasulod nga dugang materyal. Bisan pa kon ang materyal nga nalangkit usa o duha lang ka parapo, sa gihapon epektibo kanang ikapresentar pinaagig pagbasa ug pagpatin-aw sa Kasulatan, paggamit ug mga ilustrasyon, uban pa. Sa kasagaran, dili kinahanglang idugang ta ang materyal nga wala malakip sa gikatudlo. Ang tigpaminaw kinahanglang makaarang sa pagsunod kanimo diha sa publikasyon nga gipasukad ang pakigpulong.
7 Ang Diyos nga atong ginasimba nagatagana ug di-mahubsan nga tinubdan sa kaalam. (Roma 11:33) Nan, himoang imong determinasyon sa pagbenepisyo sa bug-os gikan sa tagana nga gihimo ni Jehova alang kanato pinaagig regular nga pagtambong ug pagpakig-ambit sa Teokratikanhong Ministeryong Tunghaan sa 1991.