Repaso sa Teokratikanhong Tunghaan sa Ministeryo
Ang mosunod nga mga pangutana pagatagdon panahon sa Teokratikanhong Tunghaan sa Ministeryo sa semana nga magsugod sa Pebrero 26, 2007. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Enero 1 hangtod sa Pebrero 26, 2007. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.—Tan-awa ang Tunghaan sa Ministeryo, p. 36-7.]
MGA HIYAS SA PAGPANULTI
1. Sa pakigpulong, kanus-a angay natong hisgotan ang praktikal nga kapadapatan sa impormasyon, ug sa unsang paagi kini angayng himoon? [be p. 158 par. 2-4]
2. Nganong hinungdanong tabangan ang uban sa pagsabot sa praktikal nga bili sa impormasyon nga atong gipahayag, ug sa unsang paagi atong mahimo kini? [be p. 159 par. 3-4]
3. Nganong hinungdanon ang atong pagpili sa mga pulong nga atong gamiton? [be p. 160]
4. Unsay motabang kanato sa paggamit sa nagkalainlaing mga pulong sa tukmang paagi? [be p. 161 par. 5-6; p. 162 par. 1, 4]
5. Unsay mga kaayohan sa pagpakigpulong nga naggamit ug usa ka laraw nga anaa lang sa hunahuna o sa usa ka sinulat nga laraw? [be p. 166 par. 1-3]
ASAYNMENT NUM. 1
6. Unsay nalangkit sa pagpangandam sa asaynment sa pagbasa? [be p. 43 par. 2, 4]
7. Unsay gikinahanglan kon buot natong ugmaron ang gugma ni Jehova alang sa maayo ug ang pagdumot sa daotan? (Heb. 5:14) [w05 1/1 p. 9 par. 11]
8. Unsay angay natong hinumdoman kon duna kitay mabasa sa Bibliya nga magpaduhaduha kanato kon kaha ang Diyos milihok ba sa matul-id o sa husto nga paagi? [w05 2/1 p. 24 par. 7]
9. Unsay angay natong reaksiyon kon magkasumpaki ang balaod sa Diyos ug ang balaod sa tawo? [w05 4/15 p. 12 par. 9]
10. Sa unsang paagi ang Isaias nagpasiugda sa Gingharian nga mandoan sa Mesiyas ug sa nag-una kaniya nga si Juan Bawtista? [si p. 123 par. 35]
SENEMANANG PAGBASA SA BIBLIYA
11. Unsa “ang tabon” ug “ang hinabol nga nalala” nga gihisgotan sa Isaias 25:7?
12. Sa unsang paagi ang mga tawo “makakita” ug “makadungog” kang Jehova? (Isa. 30:20, 21)
13. Matuod o Bakak: Ang pag-ampo ni Ezequias nga narekord sa Isaias 38:3 gitukmod lamang sa iyang tinguha nga malugwayan pa ang iyang kinabuhi.
14. Sa unsang paagi ang mga Israelinhon nag-alagad ingong mga saksi ni Jehova, ug sa unsang paagi kita makasundog kanila? (Isa. 43:10)
15. Nahiuyon sa matagnaong sumbanan nga gihatag sa Isaias 52:11, 12, unsay gikinahanglan aron kita ‘makadala sa mga galamiton ni Jehova’?