Pabiling Alerto ug Aktibo sa Espirituwal Bisag Mausab Imong Kahimtang

Dili gyod kalikayan ang mga kausaban, ilabina niining kataposang mga adlaw. (1Co 7:31) Gidahom man nato kini o wala, maayo man o dili, ang mga kausaban makaapektar sa atong pagsimba ug relasyon kang Jehova. Unsay makatabang nato sa pagpabiling alerto ug aktibo sa espirituwal bisan sa mga kausaban? Tan-awa ang video nga Nagpabiling Lig-on sa Espirituwal Bisag Namalhin, ug tubaga ang mosunod nga mga pangutana:

• Unsay gitambag sa usa ka brader ngadto sa amahan?

• Nganong ang prinsipyo sa Mateo 7:25 mapadapat sa kahimtang sa pamilya?

• Sa unsang paagi abanteng nangandam ang pamilya sa ilang pagbalhin, ug nganong nakatabang ni kanila?

• Unsay nakatabang sa pamilya nga maka-adjust sa bag-o nilang kongregasyon ug teritoryo?

Unsang dagkong kausaban ang bag-o lang nakong nasinatian?

Unsaon nako pagpadapat ang mga prinsipyo nga akong nakat-onan niini nga video?