Bag-ong Video Alang sa Pagsugod ug Pagtuon sa Bibliya
Ang mubong video nga nag-ulohang Nganong Tun-an ang Bibliya? makita sa daghang tawo diha sa jw.org/ceb. Ang video gihimo sa pagdasig sa mga tawong interesado sa pagdawat sa atong tanyag ug libreng pagtuon sa Bibliya. Kini ma-access pinaagi sa pag-click sa “Hangyo ug Pagtuon sa Bibliya” sa ubos sa home page o sa pag-scan sa QR (quick response) code nga anaa sa likod sa matag usa sa atong bag-ong mga tract. Aniay pipila ka paagi nga atong magamit ang video.
Dihang magbalikduaw, sultihi ang tagbalay: “Mahimo bang ipatan-aw nako nimo kining mubong video nga naghisgot kon sa unsang paagi matubag ang imong mga pangutana bahin sa Bibliya?” Kon siya mosugot, ipakita kaniya ang video sa imong mobile device o sa iyang computer.
Kon makahatag kitag usa sa bag-ong mga tract samtang nakigbahin sa dili-pormal o publikong pagsangyaw, ipakita ang QR code ug awhaga siya sa pag-scan niini diha sa iyang mobile device. Sanglit sa daghang pinulongan idirekta ka man sa QR code sa video diha sa atong Web site, imong mapasalida ang video diha mismo sa imong mobile device.
Sultihi ang mga kauban sa trabaho, kauban sa eskuylahan, mga paryente, ug ubang higala bahin sa video, ug ipakita kini kanila. O i-send kanila pinaagig e-mail ang link sa video, ug dapita sila sa pagtan-aw niini.
Pinaagi sa paggamit niining bag-ong video, mahimong makasugod kitag daghang pagtuon sa Bibliya, sa pagtabang sa espirituwal nga paagi niadtong “hustong nakiling alang sa kinabuhing walay kataposan.”—Buhat 13:48.