Jehovah’s Witnesses—Organized to Share the Good News
Sa kapig 100 ka tuig, ang mga Saksi ni Jehova giorganisar sa pagsangyaw sa maayong balita. Kini ang labing dakong buluhaton sa tibuok kalibotan nga atong gihimo diha sa ginatos ka pinulongan ug sa kapin sa 230 ka kayutaan. (Mat. 24:14) Nganong hinungdanon kini nga buluhaton? Giunsa kini pagpalampos sa tibuok kalibotan? Ang video nga Jehovah’s Witnesses—Organized to Share the Good News nagtubag niining mga pangutanaha pinaagi sa pagpakita sa atong mga kalihokan sa tibuok kalibotan. Human matan-aw ang video, tubaga kining mga pangutanaha.
Sa unsang paagi kini nga video nakapauswag sa imong pagpabili sa (1) paningkamot sa organisasyon ni Jehova sa pagsangyaw sa maayong balita? (2 Tim. 4:2) (2) pamilyang Bethel sa tibuok kalibotan? (3) pagbansay alang sa mga misyonaryo ug mga magtatan-aw? (2 Tim. 2:2) (4) kahinungdanon sa pagkonsiderar ug teksto sa Bibliya matag adlaw ug sa pagpangandam sa mga tigom matag semana? (Buh. 17:11) (5) kaayohan sa pagtambong sa atong mga tigom? (Heb. 10:24, 25) (6) mga panalangin nga imong matagamtam sa dihang mapasig-uli na ang Paraiso sa yuta? (Isa. 11:9) (7) imong pribilehiyo sa pagpakigbahin sa pagpangani karon?—Juan 4:35.
Kini nga video mapuslanon aron ang mga interesado masinati sa kalihokan sa mga Saksi ni Jehova sa tibuok kalibotan. (8) Kanus-a nato ipatan-aw kini nga video sa atong mga gitun-an sa Bibliya, paryente, ug sa uban? (9) Unsay positibo nilang mga komento sa dihang sila nakatan-aw niini?
Samtang atong palandongon ang ginahimo ni Jehova, kita makapahayag sama sa giingon sa salmista: “Daghang butang ang imong nabuhat, Oh Jehova nga Diyos ko, bisan ang imong katingalahang mga buhat ug ang imong mga hunahuna nganhi kanamo; walay mausa nga ikatandi kanimo.” (Sal. 40:5) Hinaot gamiton nato kini nga video sa pagtabang sa uban nga maugmad ang ilang pagpabili kang Jehova ug sa iyang organisasyon!