Jesus ba ang Ngalan sa Diyos?

Tubag sa Bibliya

Gitawag ni Jesus ang iyang kaugalingon nga “Anak sa Diyos.” (Juan 10:36; 11:4) Wala gayod moingon si Jesus nga siya ang Diyos nga Labing Gamhanan.

Dugang pa, si Jesus nag-ampo sa Diyos. (Mateo 26:39) Ug sa dihang gitudloan ni Jesus ang iyang mga sumusunod kon unsaon pag-ampo, siya miingon: “Amahan namo nga anaa sa mga langit, pagabalaanon unta ang imong ngalan.”—Mateo 6:9.

Gipaila ni Jesus ang ngalan sa Diyos sa dihang iyang gikutlo ang karaang mga pulong sa Kasulatan ug miingon: “Paminaw, Oh Israel, si Jehova nga atong Diyos maoy usa ka Jehova.”—Marcos 12:29; Deuteronomio 6:4.