Gikan sa Among mga Magbabasa

Remedyo Batok sa Uk-ok

Ako 61 anyos ug usa no ka propesyonal nga tigpuo sukad pa sa panuigong 18. Dili pa dugay sa usa ka programa sa asembliya gikutlo ang usa ka artikulo sa Nobyembre 22, 1972, nga gula sa Awake! nga nagrekomendar sa paggamit sa boric acid ingong remedyo batok sa uk-ok. Sanglit gipatik man ang inyong artikulo, adunay daghang impormasyon ang napatik bahin sa paggamit sa boric-acid ug sa daghang kapeligrohan niini. Akong gisukip alang sa inyong pagrepaso ang gula sa Nobyembre 1982, sa Pest Control Technology, Cleveland, Ohio.

D. R., Kansas

Gihisgotan sa publikasyon nga naundan sa artikulo ni M. S. Quraishi, ug kini nag-ingon: “Mopatim-awng makahilo ang boric acid sa mga masuso ug sa mga bata kay sa mga edad-edaran; kinahanglang hinumdoman kini sa mga tagbalay ug sa propesyonal nga tigkontrolar sa peste kon garni ton kining kemikala sa mga balay diin adunay gagmayng mga bata.” Mikutlo kini sa report ni C. Brooke ug T. Boggs nga nag-ingon: “Makahilo ang boric acid ug sodium borate nga makapahinabog mga simtoma ug kamatayon kon gamiton sa gidaghanon nga giisip nga dili makadaot. Dating mosuhop ang boric acid diha sa nagkalainlaing mga agianan ug ilabinang malamayon sa pagkaaging ang mga simtoma dili kaayo mamatikdan hangtod nga makasuhop ug makapatayng dosis.” Malipay kami sa pagpasa niining impormasyona ngadto sa among mga magbabasa.—ED.

Pagtuo sa Yawa

Ang ideya sa yawa dili kay usa lamang ka personipikasyon sa daotan. Kini maoy padayong paningkamot sa relihiyosong mga tawo sa pagdumili sa pag-atubang sa kaakohan sa ilang kaugalingong kahimoan. Gipakita kini sa inyong paggamit sa mga hulagway sa mga biktima sa mga kampong kamatayon sa Nazi nga naglungtad sa Alemanya. (Nobyembre 8, 1984, Pagmata!) Pinaagi sa pagpasangil, o sa pagsulosaway, sa yawa imbes sa mga tawo sa maong kabangisan, inyong gipalibre ang inyong kaugalingon ingong mga Kristohanon, ug sa Kristohanong pagtuo sa kinatibok-an, gikan sa tanang mga pagbasol niadtong mga hitaboa. Kita dili makahimo ingong mga indibiduwal o mga organisasyon sa pagsalikway sa atong responsabilidad pinaagi sa pag-ingon, “Ang yawa mao ang nagtukmod kanako sa pagbuhat niadto.”

J. S., North Dakota

Ang among artikulo wala sa bisan unsang paagi magsulay sa paglibre sa tawo gikan sa ilang responsabilidad sa pagkadaotan, apan nagpakita hinoon kini nga ang pangunang tigpaugda sa tanang pagkadaotan mo si Satanas nga Yawa, ug nga kinabubot-ong gisunod sa daotang mga tawo ang iyang mga tinguha. Ang pagpiyong sa mata sa paglungtad sa Yawa maoy pagsaklikway sa tinuod nga hinungdan sa pagkadaotan. Ang mga Saksi ni Jehova nahibalo sa mapintas nga paglutos nga gipasiugda, dili sa tinuod nga Kristiyanidad, kondili sa apostatang Kristiyanidad, nga maoy gigamit ni Satanas nga Yawa. Apan, kami mouyon nga walay bisan usa ang makapangatarongan sa iyang daotang mga buhat pinaagi sa pagpasangil sa Yawa.—ED.