Windmills Mitunghag Balik

Ang turbina (makinang tinuyok sa hangin) nanagpanungha sa California, sa hilit nga kapatagan sa Sobyet Unyon, ug bisan hangtod sa South Pole. Matud sa Weerberichten (Weather Reports), basahong Olandes nga makaduha mogula sa usa ka bulan. Ang katarongan? Ang hangin maoy espisyenteng tuboran sa enerhiya, ug adunay daghan niana.

Ang Tehachapi Valley Wind Park, 190 milya (300 km) sa amihanan sa Los Angeles, California, may 50 na ka turbina nga nag-andar ug makaabiyog total nga enerhiyang 13.5 megawatts kon matapos. Sa Sidlakan sa San Francisco, usa ka umang adunay 44 ka turbina namaligyang igoigong enerhiyang makasuplayg 400 ka pamilya. Dunay mga plano sa pagdugang sa gidaghanon sa mga turbina sa ginatos ug sa pagpatunghag 30 milyones ka kilowatt-oras sa usa ka tuig​—igo alang sa 4,800 ka pamilya.

Kasamtangan, sa Cycloon, duol sa Moscow, 12 ka nagkalainlaing matang sa turbina ang gisulayan sa pagpatunghag elektrikal ug mekanikal nga enerhiya alang sa hilit nga mga puloy-anan ug sa umawng mga dapit sa Sobyet Unyon. “Adunay potensiyal kining sistemaha sa paghimo sa ugang mga dapit nga matubigan,” miingon ang komentarista sa Radyo Moscow.

Ang upat ka turbina ang itaod sa hilit nga teritoryo​—sa Antartica. Karon inighuros sa hangin sa polar, malipay ang mga siyentipiko nga naasayn didto. Sila nagkinahanglag eletrisidad sa pagpainit sa estasyon ug maharuhay.