Pagsukol Batok sa Kanser

Nakurat ang kalibotan sa mga dula kang Jeff Blatnik, kampiyon nga magdudumog sa Olympic dihang gidaog niya ang kanser (Hodgkin’s disease) nga nakadaog sa iyang medalyang bulawan diha sa Greco-Romano nga dula sa pagdumog sa 1984. Dayon ang iyang kanser mibalik sa ubang bahin sa iyang lawas. Unsay iyang reaksiyon?

Siya miadmiter nga mihilak siya. “Matud ko, ‘Buweno, napukgo ko kini niadto, mapukgo ko kini pag-usab.’” Siya mipadayon. “Sama kadto nga nagsugod na usab ako. Giisip ko ang tanan nga usa ka hagit. Ingon niana ang kanser—laing pagpaangay na usab kini sa kinabuhi.”

Gitambalan si Jeff pinaagig chemoteraphy, nga kasagarang adunay dili maayong mga epekto. Apan siya miingon: “Ang kadaghanan sa hunahuna lamang. Bisan sa reaksiyon sa chemotherapy. Determinado ako nga dili magkasakit, ug wala ako magkasakit. Ug dili kinahanglang kampiyon ka sa Olympic aron makabaton nianang kaisipana. . . . Importanteng masayod ang mga tawo nga adunay kinabuhi tapos sa kanser.”—The New York Times, Abril 8, 1986.