“Sige Pangahasi Ako ug Kaon!”

Bisan pa kon mangahas ang manunukob, dili kini masayon. Kon masuko, paburoton sa buriring ang ilang mga lawas nga samag bola. Dili masayon kining tunlon. Dugang pa, kon sila magpahiyos, libolibo ka mahait nga mga tunok mogawas diha sa mga lungag sa ilang panit. Kon tunlon kining tusokanag dagom manghapdos ang imong tutunlan. Kon dili pa kini igo sa pagsumpo sa manunukob ug molampos sa pagsubad sa buriring, magsugod ang mga problema dinhi. Daghan kaayog tetrodotoxin ang buriring. Ang tetrodotoxin mao ang usa sa labing iladong mga hilo sa kamananapan sa dagat.

Bisan pa niini, kinaham kaayo ang unod niini sa mga taga Oryente. Gitawag nga fugu sa mga Hapones, kilawon gani kini ingong sashimi. Daghang tawo ang napatay niini tuigtuig. Ang librong Undersea Life nag-ingon:

“Bisan pa sa kapeligrohan, naangayan gihapon sa gustog fugu ang epekto niini, ang bationg panginit ug pamugnaw sa lawas, ug ang panggilok tungod sa ‘kontrolado’ nga doses sa mga hilo, ug sa tagsaong lami sa unod. Bisan pa sa dili-makamatayng mga simtoma sa grabeng pagkahilo sa tetrodotoxin nga inubanan sa pagsingot, labad sa ulo, koma nga dili mawad-an sa panimuot, ug usahay bug-os mga paralisis sa kaunoran, makapatingala kon nganong ang gusto kaayog sashimi dili na lang mangitag panit ug sea bass.”—Panid 180.