Namalik ang mga Buaya

Tungod sa dekada sa kusog nga pagpangayam, sa katuigang dili pa dugay sa tunga-tunga sa 1960 ang buaya gihukman nga diyutay na lang ug nameligro. Apan, ang pagbalik niini sa habagatan-sidlakang mga dapit sa Tinipong Bansa tagsaon kaayo nga nahimong hulga karon ang buaya sa nagatubong tawhanong populasyon.

Ginaatiman sa mga ahente sa ihalas nga mga mananap sa Florida ang 18 ka reklamo kada adlaw bahin sa mga buaya nga nanagpanglamoy sa mga binuhi sa pamilya, nanagbulad sa adlaw diha sa mga dulaanan sa golf, nangatulog sa mga dalan, o naglibodlibod sa residensiyal nga mga dapit. Peligroso ang sangpotanan niini. Sa miaging tuig siyam ka buaya ang gitaho nga miatake sa mga tawo sa Florida lamang. Ang usa niini nalangkit sa otso-anyos nga giatake samtang naglingkod sa linaw sa itik diha sa Walt Disney World.

Mikomento bahin sa suliran sa walay-piling batasan sa buaya sa pagkaon, si Kaptin Bob Poole sa Florida Game and Fresh Water Fish Commission mibatbat: “Ang buaya dili makaila sa kalainan sa kamot sa tawo ug sa pako sa manok.”

[Tinubdan sa Letrato sa panid 31]

Letrato sa Gatorama