Ang Golden Gate nga Taytayan—50 Anyos Na

ANG uban naghunahunang kadto hinay nga linog! Apan dili, kadto ang epekto sa hangin dugang pa sa gibug-aton ug lihok sa mga 250,000 ka tawo nga mihugop sa salog sa Taytayang Golden Gate sa San Francisco alang sa ika-50ng kasumaran niini niadtong Mayo 24, 1987. Ang laing 500,000 nagdasok sa mga entrada sa taytayan. Ang mga inhenyero nagdali sa pagkalkular nga ang taytayan makasuportar sa gibug-aton.

Nga may gitas-on nga 1,280 metros, ang Golden Gate mao ang kinahabogang suspension nga taytayan sa kalibotan sa pagkatapos niana niadtong 1937. Ang labing habog nga mga barko sa kalibotan luwas nga makaagi sa ilalom sa gipataas nga dalan nga nagaarkog 19 ka andana ibabaw sa tubig.

Ang total nga 129,000 kilometros nga alambre maoy naglangkob sa duha ka kable nga gibitayan sa taytayan. Ang matag usa maoy 90 sentimetros sa diametro ug 2,330 metros sa gitas-on, ug may gibanabanang kinalabwang kusog tensile nga 91 milyong kilo.

Tungod sa ekselenteng desinyo ug padayong pagmentenar, gibanabanang ang taytayan molungtad ug 200 anyos.