“Tibuok nga Uniberso Sulod sa Bagulbagol”

“Ang utok sa tawo maoy tibuok uniberso sulod sa bagulbagol. Kini mao ang bugtong organo sa tawo nga dunay walay-kinutobang mga posibilidad,” matud sa Sobyet nga siyentipiko ug espesyalista sa utok si Natalya Bekhtereva.

Aron ang maong mga posibilidad masusi, ang utok kinahanglang gamiton ug maehersisyo. Ug ang labing hinungdanong pagtuon nga niana ikapadapat sa tawo ang iyang kaisipan mao ang bahin sa Tigdesinyo sa utok, si Jehova nga Diyos.

Busa ang maalamong tagsulat sa proverbio miingon: “Kon ikaw mangita niini [kaalam] ingon sa salapi, ug ingon sa natago nga mga bahandi ikaw magapadayon sa pagpangita niini, niana ikaw makasabot sa pagkahadlok kang Jehova, ug ikaw makakaplag sa kahibalo mismo sa Diyos.”—Proverbio 2:1-5.

Gigamit ba nimo ang imong utok sa pagpangita nianang bililhong “kahibalo sa Diyos”?