Libreng mga Basahon

ANG libreng mga mantalaan sa Britanya nagapatunghag kita sa paanunsiyo ug gatos-gatos ka milyong dolyares gikan sa usa ka sirkulasyon sa tinagpulo ka milyong mga kopya kada semana. Ang mga resulta dakog kalainan gikan sa mayubitong mga panagna nga maoy ilang nasugat kapin sa 20 ka tuig sa miagi. “Gitamay sa mga tawo ang ideya nga ikaw makapaanunsiyo diha sa usa ka butang nga libre,” miingon si Ian Locks, ehekutibong direktor sa Association of Free Newspapers. Apan, sa pagkamatuod, “kini nakabukas ug bug-os nagkalainlaing libreng mga mantalaan, mga magasin ug mga pulyeto ingong bag-ong matang sa mga kahigayonan sa pagnegosyo,” siya midugang.

Mga magasin usab? Oo. Kapin sa 400 ka nagkalainlaing mga magasin gipanghatag sa United Kingdom, nga dunay sirkulasyong tinagpulo ka milyon. Ang menos nga mga prisyo nakadani sa mga tigpaanunsiyo gikan sa naandang lokal nga mga mantalaan, diin ang kadaghanan niini karon nangawagtang na o kaha kini karon gipanghatag. Ang The Times sa London nagbatbat sa hitabo ingong “usa ka dinamiko bag-ong puwersa sa industriya sa pagpatik sa Britanya,” usa nga pihong magpabilin.