Gikan sa Among mga Magbabasa
Baldado nga Bug-os-Panahong Ministro Latas sa katuigan daghang artikulo ang nakatandog sa akong kasingkasing—apan dili sama ka dulot sa kasinatian ni Gloria Williams, “Usa ka Bala Nakausab sa Akong Kinabuhi.” (Oktubre 22, 1995) Ang akong mga suliran nahimong dili-talagsaon kon itandi sa iyaha! Salamat sa paghatag kanamo sa maong dagayang espirituwal nga pagkaon ug pagdasig.
E. L., Canada
Kining maong kasinatian nagpahinumdom kanako nga bisan unsa ang mga kahimtang nga kita nahimutang, bisan unsa ka daotan, kita makaampo kang Jehova ug makapangayo ug tabang. Nalisdan ako sa tunghaan karon, ug ako nawad-an sa kadasig. Apan ang pagbasa niining artikuloha nagdasig kanako pag-ayo.
M. S., Hapon
Samtang akong gibasa ang sugilanon ni Gloria Williams, nanglugmaw ang akong mga luha. Nagdasig kini kanako sa pagpadayon sa paghatag sa kinamaayohan nga akong maarangan diha sa pagsangyaw sa kanataran, bisan pa nga nagpuyo sa usa ka nabahin sa relihiyon nga panimalay.
F. C., Italya
Ang artikulo nagdasig kanako sa pagpadayon sa paglahutay diha sa akong tumong sa pagsangyaw nga bug-os-panahon. Kon si Gloria Williams nakahimo, nan nganong dili nako mahimo—sa dihang ang tanan nakong mga parte sa lawas kompleto?
I. O. A., Nigeria
Kahoy Ako 11 anyos, ug nalingaw gayod ako sa artikulong “Nganong Kahoy ang Gigamit sa Pagtukod?” (Oktubre 22, 1995) Kini nakatabang kanako sa pag-apresyar sa gahom ug katakos ni Jehova. Nakapasuod usab kini kanako kaniya ug sa iyang Anak, si Jesu-Kristo, tungod kay akong naamgohan kon unsa ka tugob sa kahibalo ug maalamon silang duha.
A. B., Tinipong Bansa
Nganong Tagsaanon Gihapon? Daghang salamat sa artikulong “Mga Batan-on Nangutana . . . Nganong ang Tanan Magminyoay na Gawas Kanako?” (Oktubre 22, 1995) Kalit lang midaghan ang nagminyo dinhing dapita uban sa daghang nangaminyo nga linghod pa kaayo ang panuigon. Ang pipila nabalaka kanako, sanglit ako 18 anyos ug walay trato. Ang artikulo miabot sa tukmang panahon sa pagtabang kanako nga mahuptan ang timbang nga tinamdan.
S. Z., Alemanya
Sanglit 19 anyos ug tagsaanon, subsob mahibulong ako kon unsay akong apan nga wala may nagpakita ug interes kanako. Ang pipila ka dili-magtutuo nagpakita ug interes, apan dili kana ang matang sa pagtagad nga buot nako. Ang artikulo nakatabang kanako sa pagsabot nga ang pagpailob gikinahanglan ug ang tinuod gayod nga hinungdanon mao nga akong gipahimut-an si Jehova.
J. G., Tinipong Bansa
Ingong tagsaanong lalaki nga 38 ang edad, nakapatugbaw ako sa pangutana nga gipatungha sa ulohan sa artikulo. Sanglit nahiagom sa daghang pagsalikway sa Kristohanong mga dalaga, nahibaloan nako pag-ayo ang kasakit nga ipahinabo sa “pagdahom nga napakyas.” (Proverbio 13:12) Makapadasig ang pagkahibalo nga si Jehova nag-isip sa mga pagbati sa tagsaanong mga Kristohanon niining maong kahimtang ingong makataronganon ug nga iyang giapresyar ang among matinumanong paglahutay.
D. T., Tinipong Bansa
Kinalabwang Sinati-sa-Arte Human mabasa ang seryeng “Pagpangita sa Kinalabwang Sinati-sa-Arte” (Nobyembre 8, 1995), ako natukmod sa pagpahayag sa akong apresasyon. Daghan kaayo akog natan-aw nga mga programa sa telebisyon bahin sa kinaiyahan nga napakyas sa pagpasidungog sa Dakong Tigdesinyo. Ang Pagmata!, hinunoa, kanunayng naghatag ug pasidungog sa atong halangdong Diyos, si Jehova.
E. Z., Tinipong Bansa
Pagkakahibulongang bag-ong paagi sa pag-isip kang Jehova! Ang kalidad sa iyang arte talagsaon gayod, maingon sa dili-hitupngang gidaghanon sa iyang mga linalang. Buot ko usab nga idugang ang akong pagdayeg sa daghang utokan nga mga dibuhista nga naghimo sa Pagmata! nga madanihon aron sa pagdani sa katawhan ngadto kang Jehova nga Diyos.
M. Q., Tinipong Bansa