Unang Hubad sa Bibliya Nakalahutay

Sa 1994/95 gipasundayag sa British Library ang usa ka kompletog teksto nga 1526 nga edisyon sa hubad ni William Tyndale sa Kristohanon Gregong Kasulatan nga gipatik panahon sa iyang pagkadestiyero sa Worms, Alemanya. Kining libroha gipalit gikan sa Bristol Baptist College sa Inglaterra sa kantidad nga duolan sa $1,600,000, sanglit gituohan niadto nga mao na lamang ang nahibiling kompletong kopya​—ang dakong bahin sa 3,000 o kapin pa nga gipayuhot ngadto sa Inglaterra gisunog tungod sa paghulhog sa obispo sa London. Apan, laing kompletong kopya niini nga edisyon mitungha, diha sa librarya sa Stuttgart, Alemanya. Sayop nga pagkabutang sa ngalan ug nataligam-an sa gatosgatos na ka tuig, nahuptan gihapon niini dili lamang ang orihinal nga hapin ug mga panid niini kondili usab ang bililhong panid sa titulo niini.

[Picture Credit Line sa panid 15]

By kind permission of the Principal, Fellows and Scholars of Hertford College, Oxford

© Württ. Landesbibliothek/Fotograf: Joachim Siener