Gidisenyo ba Kini?
Ang Bitiis sa Kanaway
Ang kanaway dili mangamig sa katugnaw bisan pag kini magtindog ibabaw sa yelo. Ngano man? Ang usa sa hinungdan niana mao ang countercurrent heat exchanger nga anaa sa maong langgam.
Hunahunaa: Ang countercurrent heat exchanger maoy usa ka sistema diin ang duha ka tubo magtupad, nga ang usa niana magdalag init nga likido ug ang lain bugnaw. Kon ang maong mga likido moagos sa samang direksiyon, katunga lamang sa kainit sa init nga likido ang mabalhin ngadto sa bugnaw nga likido. Apan kon magsugat ang direksiyon sa duha ka likido, halos 100 porsiyento sa kainit ang mabalhin ngadto sa bugnawng likido.
Ang mga heat exchanger diha sa mga bitiis sa kanaway maoy magpahinabo nga mobugnaw ang dugo nga manaog sa lapalapa ug mopainit pag-usab sa dugo inigsaka niini. Kon bahin sa mga langgam diha sa bugnawng mga dapit, ang siyentipiko nga si Gary Ritchison nagsulat: “Ang sistema sa countercurrent heat exchange epektibo ug maayo kaayo mao nga gigamit usab kini diha sa mga proyekto sa inhenyeriya aron walay mausik nga enerhiya.”
Unsay imong hunahuna? Ang sistema sa countercurrent heat exchange sulagma ba lamang nga mitungha diha sa mga bitiis sa kanaway, o adunay nagdisenyo niini?a
[Footnote]
a Ang countercurrent heat exchanger anaa usab sa tawo, sa pipila ka isda ug sa uban pang mananap.
[Diagram/Mga hulagway sa panid 25]
(Alang sa aktuwal nga pagkahan-ay, tan-awa ang publikasyon)
Painiton sa mga heat exchanger diha sa bitiis sa kanaway ang mosaka nga dugo
[Diagram]
32°C
0-5°C
[Picture Credit Line sa panid 25]
Seagull: © Michael S. Nolan/age fotostock