Gidisenyo ba Kini?

Ang Itlog

● Ang itlog sa manok ug sa mga langgam gikaingon nga “talagsaon kaayong pagkaputos.” Ngano?

Hunahunaa: Ang dagaya-sa-kalsiyum nga kabhang sa itlog sa manok solido tan-awon, pero kini dunay mga 8,000 ka gagmitoyng buho. Busa, ang carbon dioxide makahungaw ug ang oksiheno makalapos—nga importante aron makaginhawa ang pisò. Apan ang kabhang ug ang mga habol-habol sa sulod sa itlog manalipod sa pisò batok sa bakterya. Ang albumen, nga samag-gulaman ug daghag-tubig nga substansiya, magsilbing shock absorber.

Gustong sundogon sa mga tigdukiduki ang estruktura sa itlog sa paggamag produkto nga maayog shock absorber ug sa paghimog substansiya nga makaprotektar sa mga prutas batok sa bakterya ug mga parasito. Apan, “ang pagsundog sa kinaiyahan dili gayod sayon,” misulat si Marianne Botta Diener diha sa magasing Vivai. Siya miingon nga ang mga naimbento karon makadaot sa kinaiyahan.

Unsay imong hunahuna? Ang itlog ba, nga “talagsaon kaayong pagkaputos,” sulagmang mitungha? O kini ba gidisenyo?

[Diagram sa panid 28]

(Alang sa aktuwal nga pagkahan-ay, tan-awa ang publikasyon)

SULOD SA ITLOG

Kabhang

Pughak

Chalaza (samag angkla sa pughak)

Gawas nga habol-habol

Sulod nga habol-habol

Germinal disc (diin maporma ang pisò)

Nipis nga albumen

Baga nga albumen

Luna sa hangin