Komon ang Panglimbong!

Si Dannya nagtrabaho sa usa ka dakong kompaniya sa Hong Kong. Samtang nagduaw sa pabrika sa usa ka suplayer, siya nangutana kon maabot ba sa pabrika ang kalidad nga gikinahanglan para sa paggamag produkto sa iyang kompaniya. Dayon, diha sa panihapon, gihatagan sa manedyer sa pabrika si Danny ug sobre. Nakita ni Danny nga ang sobre dunay sulod nga hiphip nga mokantidad ug libolibong dolyares—katumbas sa iyang suweldo sa tibuok tuig.

● Dili lang si Danny ang nakaeksperyensiya niini. Sa tibuok kalibotan, komon kaayo ang panglimbong. Pananglitan, ang mga dokumento sa korte nagpakita nga tali sa 2001 ug 2007, usa ka dakong kompaniya sa Germany mihiphip ug 1.4 bilyones dolyares aron makakuhag mga kontrata.

Bisan tuod dihay gihimong mga kausaban tungod sa nabaniog nga mga anomaliya sa dagkong kompaniya, ang pagpanglimbong daw nagkagrabe. Ang panukiduki sa Transparency International niadtong 2010 nagpakita nga sa tibuok kalibotan, “ang korapsiyon midaghan sa miaging tulo ka tuig.”

Nganong daghan kaayo ang pagpanglimbong? Praktikal bang magmatinud-anon? Kon mao, sa unsang paagi magmatinud-anon? Makatabang ba kanato ang Bibliya?

[Footnote]